شنو افضل الماركات والاسواق عندكم يا بنات الكويت--------

هلا والله حبوبة
شوفي عندج بالسالمية ارع سالم المبارك فيه اغلب المجمعات الحلوة
ابتداء من مجمع الثريا فيه ماركات موسكينو شوبارد وهالسوالف اكثر شي ماركات وغالية شوي
وبعدين عندج مجمع الفنار بنفس الشارع كلللل شي فيه من مانغو زارا وموتيفي وريفر ايلاند
الى البوشية اللي عندهم بدلات عرايس وحفلات توصل للالاف

يم الفنار في مجمع ليلى غاليري اكثر شي عنده غالي للحفلات
قباله في مجمع زهرة هم غالي وكشخة وماركات
وعندج المارينا مول عالبحر يهبل كل شي فيه بس اكثر شي كاجوال مو حفلات ماعندهم محلات للحفلات
المجمعات الغالية صج بشارع فهد السالم عندج مجمع دار العوضي احدث شي فاتح توه من جم اسبوع
وكله ماركات
وعندج مركز الراية هو مجمع وفندق يهبل كله ماركات بعد
وطبعا مجمع الصالحية موجود داخل فندق جي دبليو ماريوت عنده ال في و شانيل واسكادا وهالماركات القوية

كل عام وانت بخير

هلا فيج بالكويت
انت شنو حابه تشترين وانا اقولج وين تروحين