شهر الخير قرب ويابغي الخير اقرب وادخل شي حلو لكم يابنات

السلام عليكم ورحمة الله وبركاته
اخباركم ان شاءالله الجميع بخير

طبعا الكل يعرف دخلنا شهر 7 وباقي على رمضان شهر ونص تقريبا يعني ماباقي على هالشهرشي
ويمكن الاغلب يعرف انه شهر رمضان راح يوافق شهر اغطسطس وهو عز الحر الله يرحمنا برحمته
والان في ربات المنزل بدو يحضرون لرمضان بالمعجنات والتفريز ................الخ

ولكن هل مره فكرنا بأخرتنا قبل معدتنا وبطوننا نادر من اراها تضع خطه وتنظيم لوقتها بالطاعات لرمضان قبلها بوقت او تفكر كيف بتقضي بعضنا يفكر متى يقدر يتابع المسلسلات والبرامج .............الخ

ونادر وقله من راها يخطط كيف يمكن ان يستغل شهر الخيرات بالاعمال والطاعات

ولكن انا هنا كتبت الموضوع لااقف على عمل قبل رمضان نعمله ماندري متى الله يأخذ امانته وهل سوف يبلغنا رمضان اما لا

وسأل الله لي ولكم ولجميع احبائنا ان يبلغنا رمضان هذي السنه بخير وصحه وعافيه وسلامة من كل شر يااااااااارب

المهم يااخواتي كلنا نعرف فضل الصدقه وكيف ايضااخذ اجر النيه فقط لما تنوي في اسر فقيره جدا لاتجد مايسدو بهم جوعهم
فلماذا كل واحده منا من الان تبدا بوضع مبلغ معين في صندوق تخصصه لشراء اغراض للاسر الفقيره

على فكره انا طالبه وماعندي غير مصروفي وان شاءالله ناويه اساهم مع مجموعه من صديقاتي ونشتري ونذهب بها لاسره محتاجه

ليش ماتسون لو مامعك غير 10 ريال تشتري فيها اشياء بسطيه مثل مكرونه ب2 ريالين وكم بيضه يعني صدقوني هالشي تشوفون قليل بس تخيلي ماعندها هالقليل ابد وانت تعطيهم وقليل على قليل يصبح كثير لو فرضنا كل يوم تحطين بالصندوق ريال اخر الشهر بيكون عندك30ريال بتشترون فيها واحتسبي الاجر

وسبحان الله ربما بدعاء احدهم ربي يفرج عنك او تتوظفي او يرزقك الزوج الصالح


وفي عندي فكره لو حبيتو ولو ماتبون عادي

مثلا حملة بنات الرياض ونجمع من بعض مبلغ كل وحده بالي تقدر عليه وتجود بها نفسها ووحده تكون مسؤوله تجمع الفلوس وتشتري الاغراض وتسوي تقرير عند الشراء وتوزيعها على الاسر وتنزلها عشان البنات يشوفونها


وممكن كل وحده تسويه بروحها او مع مجموعه من صديقاتها او جيرانهم او ارقاربهم

طبعا يابنات الي تجي تقول الجميعه انا تقريبا مطلعه على ارض الواقع بكل شي والله والله في ناس مو محتاجه وتوصل لهم اعانة الجمعيه وفي ناس محتاجه وماتوصل لهم وهذي الفئه وش كثرها
ولي مشاركات ببعض الجمعيات وقدرت اعرف انه فعلا بعضهم مايستحقون الاعانه ولكن تأخذ وبعضهم يستحقونها ولكن لاحول لها ولاقوه


لاوحده تجي على الطبلون تقولي ايش عرفك على وضعهم ومدري شو في بعض الاسر اعرفها معرفه شخصيه ماشاءالله وربي البيت مو محتاجه وعندهم اسهم وارصده بالبنوك ومسجلين بالجمعيه وتجيهم وماشاءالله بيت ملك
انا مااحسدهم ولكن في اسر فعلا بأمس الحاجه والجمعيات ماتدري عنهم ولايوصل لهم شي وحتى السكن يلا يدبرون اجاره


كل الفكره الافضل انك توصلي صدقتك ومؤونة شهر رمضان لفعلا اسر محتاجه وماتحصل تأكل لان هذول الي فعلا تكوني فرجتي عليهم هذول الي راح تدخلي الفرحه عليهم وعلى كل فرد


وسبحان الله ربما مجرد نيتك انك راح تسوي هالشي والله يقبض روحك راح تأخذي اجرها فليش تحرمون انفسكم


ممكن كل بنات في منطقه معينه يسون هالفكره وننزل هنا الموضوع موثق ومدعم بالصور
حتى ممكن كل وحده بدوله ومنطقتها والله شي حلو يابنات وممتع وخاصة الي تقدر تتسوق مع المسؤوله الي بتمسك الموضوع بتحس بطعم المتعه
واحساس حلو صدقوني


والي تكون تعرف اسر محتاجه من منطقتها ممكن تعطي الي راح تمسك الموضوع ارقامهم


هذي فكره طرت براسي لان بإذن الله بنسويها انا وصديقاتي وحبيت اوصل لكم الفكره


وماابي منكم غير الدعاء لي بظهر الغيب


واسأل الله يبلغنا رمضان جميعا وانتم ونحن بأتم صحه وعافيه ويعيننا على صيامه وقيامه
ويكتبكم وابائكم وامهاتكم والجميع من العتقاء من النار يااااااااااااااااااااااارب


يابنات اذا كلامي مو مرتب او شي لاني اكتب على طول من راسي لهنا بدون تنسيق الكلام او شي


الي تبي تنقل موضوعي حلال بلال بس لاتنسى تكتب انهم يدعون لي



ومثلا ياااااااااااابنات الي يبون يسوونها مثل لما يجمعون من بعض يكون عاررفين كم اسره بيوزعون عليها ويشترون اهم الاغراض يعني الاساسيات حقت رمضان
وبعدين تتوزع بكراتين وتودها لهم

بتكون ارتب ومنظمه اكثر


ملاحظه

لاتخلين الشيطان يغلبك ويقولك انت محتاجه هاملبلغ بعدين تصدقي ولاسوي
شوفي كم بتدفعين على فستان عشان مره وحده تلبسيه ولا عشان تسريحه ومكياج وبيروح
لو تدفعي جزء بس من هالملبلغ الي تروح بليله وحده ومايجي من عقبها غير الامراض والعيون
وبالاخير تروح بليله وحده ادفعي جزء منه وبيكون اثره بالدنيا واجره بالاخره يعني كسبتي جهتين
لان الصدقه تدفع ميتة السوء وتطفي غضب الرب
وتصدقي بنية الشي الي تريدينه