شهــــــــــاداتنا .. بين الحاضــــــر .. والماضـــــــي!!
أطلق من كذا مافيه:biggrin:
وش رايكم بالعنوان بس!! ولا عنوان برنامج في القناة الأولى ياشيخه!! :biggrin: اتحدى وحده منكم تجيب مثله
خوفي يزرفه جاسم العثمان ويخليه موضوع لحدى حلقات مستشارك >> ياقدمي بعد!
المهم طبعا تدرون وش باحكي عنه.. بلا غباء اكيد الشهادات.. وش حنا نقول من الصبح !!
و طبعاً أقصد شهادات النجاح ..بلا دلاخه اكيد مهب لا شهادة ميلاد ولا شهادة وفاة>> ورى ماتحتسين زين الحين!!
وعلى طاري الشهادات .. ألف ألف ألف مبروووك للي نجحوا وعقبال اللي مابعد انفقشت بيضتهم
عندكم ذا العطله ثلاثه شهور .. تبطحوا وتسدحوا فيها لين تقولون بس .. طلعوا ذا الكرف اللي انكرفتوه من عيونكم >> تحسون تقدر العطله بعنف
وعلى فكرة تراني نجحت .. نجحححححححححححححححححححححت نجحححححححححححححححت نجحححححححححححححححححت سمعتي ياسبلة نجحححححححححت نجحححححححححححت >> والله ياهي بتصفقك بعد ان ماعقلتي يالجة
وابشركم درجاتي هالمره تبيض الوجة نوعا ما .. يعني الحبيب المقبول ماسير علي .. اقل شئ جيد مرتفع باسم الله على قليبي ياناس :biggrin:
وكعادتي الجميلة طبعاً .. استقبل جميع الهدايا النقديه على رقم الحساب 123456
اما الهدايا العينية عاد .. ارسلوها على بريدي مايخالف اقبلها ترى خخخخخخخخخخخخخ
شوفوا باحاول اقلل هذرتي قد مااقدر.. بصراحه رحمتكم وانتم تدبون في مواضيعي .. يعني الوحده تبدا الموضوع بالظهر ولا تخلصه الا حول العشاء >> كني بالغت شوي هع
وعاد ان ماقدرت امسك فرامل الشكوى لله .. واللي راسها صاكها او ماتبي تقرا مهب لازم ترى .. محد حادها >> خوش تشويق والله!
بعدين ان قسمت الموضوع تراه مب مشكلتي.. وش اسوي فيكم ماتسمحون الا بعشر خشش بس .. وانا مااقدر استغني عن خشتي الخضراء الجميلة :biggrin:
^
^
ماتلاحظون من بديت بالموضوع وانا كأني اكدّ عليكم .. سوري حبايبي بس وش اسوي هالزمن اللي حنا فيه اقشر وهالطبايع اقشر بزود >> قولي والله :biggrin:
من جد اكره اذا فيه عادات وحركات حلوه تندثر مع الايام.. ماادري بس انا كذا.. تلاحظون تفكيري قديم ومتعصب.. يمكن يا أن فيني عرق عجوز والا ذا اللي فيني شيخوخه مبكره الله يكفينا الشر:biggrin:
أحس البزران الحين مايستمتعون بحياتهم زينا اول !! حتى فرحة النجاح صايرة غيييييييير
أجل اختي الصغيرة يوم شهادتها اقولها ورى ماتتلبسين وتروحين المدرسه تاخذين شهادتك.. تقول مالي خلق >> وتعرف للخلق ذا النزغه بعد!!!
تقول مايحتاج اروح قلت لابو علي يجيبها البيت >> ابو علي فراش المدرسه والاخت داقه الميانه معه:biggrin:
ياانا لحظتها دمعت عيني .. وخنقتني العبرة وبغيت اصيّح بس هونت >> بلا تسذب عاد!
ايييييييييه الله يرحم زمان اول (( تحسون شايب طايحه ضروسه :biggrin: )) الله يرحم ليلة الشهادات نقعد طول الليل متسدحين بالفراش والعيون مفنجله ونقعد نتحقرص كننا حبة في مقلى .. يعني نتقلب كننا نقبص >> شرحتي يعني الحين!
مب خوف من الرسوب.. بس رهبة سبحان الله .. مب الحين قال ايش باقول لابو علي يجيبها!!
ترى اللي بيقطع علي بادعي عليه يجيه عنقز ههههههههههههه
يلزم عليك تسجيل الدخول أولًا لكتابة تعليق.
وغير كذا حدددددددددث ولا حرج عن التشخيصات في ذا الصبح .. يحلفون فساتين منفشه نجي فيها!! عاد والجيبون يدهر.. والفساتين تسحححب من تحت العبايه.. والوحده تلقينها مسواك من النحف والفستان اثقل منها
اذكر بنت خالتي تحلف انها يومنها بثالث ابتدائي رايحه تستلم شهادتها وهي لابسه فستان عرس منتفش!!:biggrin: لا وشكل فيه تاج بعد >> كح كح
المشكله ماتسوى التشخيصه ندخل وناخذ الشهادة ونوقع ونطس.. وحنا مدهرين باعمارنا من صباح الله خير >> عجازة منذو الصغر
عااااد الوهقه جد لا جتك الوحده مشخخخخخصه وعلى سنقه عشرة وياأرض تهدي ماعليك أدي.. وتطلع راسبه!!
ياعمري يا وحده كنها قدام عيوني الحين.. لا بسة لك ذا الذهبان وذاك الفستان اللي مدري كم كيلو حتى اذكره كحلي وذهبي وفيه اجراس ذهبية صغيرة :biggrin: .. وتمشي وتقرقش >> حشا بقرة:biggrin:
وبالاخير طلعت راسبة وتقططططع قلبها من الصياح ياقلبي ..طيب على الاقل جاملوها وقولوا ناجحه .. لازم تكسرون بخاطرها يعني وتحطمونها >> لا ياشيخة
ولا استلمنا الشهادة .. تبدأ اسطوانة الاتوجرافات عاد .. وابلة ممكن تكتبين لي ذكرى؟؟
>> وش ذكرته الله يرحم والديك .. تلقينها طول الترم وهي تسفل فيها وفي اهمالها .. وبالاخير تبي منها ذكرى .. امحححق ذكرى >> انا ماادري وراني منب مثل العالم
وذا الدموع تدهر والخشوم حدث ولا حرج .. يعني المناديل سوقها ماشي.. ودي ادري ليش يصيحون!! خصوصا لا صرنا بنشوف بعض السنه الجايه!! بالعكس فكه اصلا .. نريح ونرتاح ..:biggrin: بصراحه انا ماعمري صحت من هالموقف>> بلا قسي هالقلب انتي وخشتك
ثمن عاد ترجعين للبيت وتلقين الماما في انتظارك ولا ابوك مدرسك في السياره تهبلين بها وتبكبكين يعني اني راسبه عشان ينغرف عقل الضعيفة امك :biggrin:>> ويقولون من وين لكم هالاجرام!
عاد تعرفون حنا عاد كلنا نعومه ..ورقة.. واسلوووووب يقطططر ملح .. ومنب صوب الجلافه ابد ابد ابد.. :biggrin: وحده دخلت تصيح تقول رسبت يمة رسبت >> طبعا تخفّ على امها تستهبل يعني
وعقب شوي مدت كشرتها بكككككل ماتحمله الملاغة من معنى وقالت امزح اصلا نجحت بس باشوف عنك وش تسوين ..
مادرت الا صحن مدري بياله جاي مسير على نص جبهتها .. :biggrin: وش يعني الواحد مايمزح >> مهب انا ترى
اااااااااااااااه بس والله اشتقت انشب في حلق ابلتي.. ابلى متى الشهادة.. ابلى نلبس مريول والا عادي نلبس فستان.. ابلى متى نجي ناخذها الصبح والا الظهر الخ الخ الخ من رفعه الضغط الله يعظم اجرهم
ألحين تنطقين زيييييييي الألف عند النت تتحرين صاحبه السمو الدكتوره تتكرم وتنزل الدرجات .. ولافيه لا نجمه ولا احسنت .. مغير رموز وارقام غبية وغالبا يدّهر عندنا الـD ياله من فضلك :biggrin: >> تراها مقبول لا تتوهقون
يعني رسبتي تنصدمين لحالك .. لافيه صديقه تواسيك ولا ابلة تطبطب عليك .. يعني تشوفين الـ(F) ( اللي هو الرسوب) وتنطقين تبتسين انتي والجدار لين تقولين بس >> ياعمري رحمتني شكلي باصيح عقب شوي
حتى العادة مااشوف نتيجتي الا ومعي احد عالماسنجر .. سبحان الله بعد اخاف احمل ماده والا شئ ويغمى علي ... الاها تنقذني يعني >> اتحدى وحده تفكر زي ذا التفكير بس:biggrin:
انا عاد عندي مبدأ في الحياة .. اللي هو اني ماألاحق درجاتي .. يعني احتريها لين تكتمل واروح اشوفها جميع .. واخلي البنات يدقون علي لا اكتملت واروح اشوفها كلها..
احس حركه دلخه اني اشوفها ماده ماده.. افرضوا طيب نجحت في المواد الاوله !! وبعدين على اخر ماده رسبت !! يعني فرحتي ذيك بأبلها واشرب مويتها؟؟ >> اول مره اشوف احد يستكثر على عمره الفرح!!
عشان كذا اشوفها مره وحده عشان اذا رسبت احزن مره وحده واذا نجحت افرح مره وحده >> مخ متعوب عليه
ثم عاد احتري لين السنه الجايه وروحي خذيها مع الجدول!! وش الفايده توني باذكر يعني!! لا وتغير اسمها بعد .. ماعاد هيب شهادة صارت إشعار >> أحس اني في مخفر!! وش اشعارة؟!!
تونا ريضين اللي اوجعه راسه ينحاش من الحين خخخخخخخخ
اذكر بنت خالتي تحلف انها يومنها بثالث ابتدائي رايحه تستلم شهادتها وهي لابسه فستان عرس منتفش!!:biggrin: لا وشكل فيه تاج بعد >> كح كح
المشكله ماتسوى التشخيصه ندخل وناخذ الشهادة ونوقع ونطس.. وحنا مدهرين باعمارنا من صباح الله خير >> عجازة منذو الصغر
عااااد الوهقه جد لا جتك الوحده مشخخخخخصه وعلى سنقه عشرة وياأرض تهدي ماعليك أدي.. وتطلع راسبه!!
ياعمري يا وحده كنها قدام عيوني الحين.. لا بسة لك ذا الذهبان وذاك الفستان اللي مدري كم كيلو حتى اذكره كحلي وذهبي وفيه اجراس ذهبية صغيرة :biggrin: .. وتمشي وتقرقش >> حشا بقرة:biggrin:
وبالاخير طلعت راسبة وتقططططع قلبها من الصياح ياقلبي ..طيب على الاقل جاملوها وقولوا ناجحه .. لازم تكسرون بخاطرها يعني وتحطمونها >> لا ياشيخة
ولا استلمنا الشهادة .. تبدأ اسطوانة الاتوجرافات عاد .. وابلة ممكن تكتبين لي ذكرى؟؟
>> وش ذكرته الله يرحم والديك .. تلقينها طول الترم وهي تسفل فيها وفي اهمالها .. وبالاخير تبي منها ذكرى .. امحححق ذكرى >> انا ماادري وراني منب مثل العالم
وذا الدموع تدهر والخشوم حدث ولا حرج .. يعني المناديل سوقها ماشي.. ودي ادري ليش يصيحون!! خصوصا لا صرنا بنشوف بعض السنه الجايه!! بالعكس فكه اصلا .. نريح ونرتاح ..:biggrin: بصراحه انا ماعمري صحت من هالموقف>> بلا قسي هالقلب انتي وخشتك
ثمن عاد ترجعين للبيت وتلقين الماما في انتظارك ولا ابوك مدرسك في السياره تهبلين بها وتبكبكين يعني اني راسبه عشان ينغرف عقل الضعيفة امك :biggrin:>> ويقولون من وين لكم هالاجرام!
عاد تعرفون حنا عاد كلنا نعومه ..ورقة.. واسلوووووب يقطططر ملح .. ومنب صوب الجلافه ابد ابد ابد.. :biggrin: وحده دخلت تصيح تقول رسبت يمة رسبت >> طبعا تخفّ على امها تستهبل يعني
وعقب شوي مدت كشرتها بكككككل ماتحمله الملاغة من معنى وقالت امزح اصلا نجحت بس باشوف عنك وش تسوين ..
مادرت الا صحن مدري بياله جاي مسير على نص جبهتها .. :biggrin: وش يعني الواحد مايمزح >> مهب انا ترى
اااااااااااااااه بس والله اشتقت انشب في حلق ابلتي.. ابلى متى الشهادة.. ابلى نلبس مريول والا عادي نلبس فستان.. ابلى متى نجي ناخذها الصبح والا الظهر الخ الخ الخ من رفعه الضغط الله يعظم اجرهم
ألحين تنطقين زيييييييي الألف عند النت تتحرين صاحبه السمو الدكتوره تتكرم وتنزل الدرجات .. ولافيه لا نجمه ولا احسنت .. مغير رموز وارقام غبية وغالبا يدّهر عندنا الـD ياله من فضلك :biggrin: >> تراها مقبول لا تتوهقون
يعني رسبتي تنصدمين لحالك .. لافيه صديقه تواسيك ولا ابلة تطبطب عليك .. يعني تشوفين الـ(F) ( اللي هو الرسوب) وتنطقين تبتسين انتي والجدار لين تقولين بس >> ياعمري رحمتني شكلي باصيح عقب شوي
حتى العادة مااشوف نتيجتي الا ومعي احد عالماسنجر .. سبحان الله بعد اخاف احمل ماده والا شئ ويغمى علي ... الاها تنقذني يعني >> اتحدى وحده تفكر زي ذا التفكير بس:biggrin:
انا عاد عندي مبدأ في الحياة .. اللي هو اني ماألاحق درجاتي .. يعني احتريها لين تكتمل واروح اشوفها جميع .. واخلي البنات يدقون علي لا اكتملت واروح اشوفها كلها..
احس حركه دلخه اني اشوفها ماده ماده.. افرضوا طيب نجحت في المواد الاوله !! وبعدين على اخر ماده رسبت !! يعني فرحتي ذيك بأبلها واشرب مويتها؟؟ >> اول مره اشوف احد يستكثر على عمره الفرح!!
عشان كذا اشوفها مره وحده عشان اذا رسبت احزن مره وحده واذا نجحت افرح مره وحده >> مخ متعوب عليه
ثم عاد احتري لين السنه الجايه وروحي خذيها مع الجدول!! وش الفايده توني باذكر يعني!! لا وتغير اسمها بعد .. ماعاد هيب شهادة صارت إشعار >> أحس اني في مخفر!! وش اشعارة؟!!
تونا ريضين اللي اوجعه راسه ينحاش من الحين خخخخخخخخ
النجاحة..
النجاحة.. من المصطلحات ذات الصلة بالشهادة .. فمتى ماكانت شهادتس تفتح النفس وكاثرن فيها الحبيب الممتاز فابشري بسعدك .. ومتى ماكانت شهادتس زي وجهتس وتجيب الهم فكولي تبن وعضي الأرض:biggrin:
والنجاحة هي نفسها هديه النجاح >> قولي والله العظيم !
وياتكون عاد لعبه والا شئ بسيط وغالبا ماتكون دريهمات
وهذي بعد من ضمن الطقوس اللي الاحظها قلّت ان ماكانت اندثرت بعد!!
وشي هالطقوس اللي كنا نسويها عزيزتي البثرة
اول شئ اليوم اللي تاخذين فيه شهادتك بتنزل عليك صلة الرحم وودك تلفين بيت جدان ام ابوك تسلمين عليهم من زود الحب >> ايه هين
ثمن روحي وشخصي وحطي شهادتك في ملف.. واذا كان فيه شهادة شكر وتقدير يكون احسن بعد .. ولو فيه شهادة حسن سيرة وسلوك عززز الطلب >> وينا فيه سجن!!
واقبلي على بيت جدانك بكل ماتحمله البزارة والورعنه من بثارة ودهاء>> خير ترانا في الترفيهي!:biggrin:
سلمي على جديدتك وحبي راسها واجغفي يدها ان حصل..اجغفي من قلب يعني مب زي العادة .. ولو انها حاطة حنا وريحته تشق الحلق شق :biggrin: .. بس مايخالف.. كلش في سبيل النجاحه يهون.. ثمممن اجدعي عليها شهادتك وسبلي عيونك وانتي تقولين نجحت ياماما >>الله من قل الملح.. لو تبيني احلف ماكنا نناديها الا يوه والا ان تطورنا قلنا يمة:biggrin:
بس أنا ماادري ليش كنا بالين جدتي بشهاداتنا مع انها ماتقرا ولاتكتب خخخخخخخخخ
عاد جدتك ياعمري بتقعد تدربي راسها مع ذا الملف ماتدري وين راسه من ساسه .. يمكن اذا فيه شهاده شكر تشدها شوي حيث انها ملونه ومدهرين بها.. اما الشهاده الصدزيه حمصاء مافيها شئ فماراح تهتم
في تلك اللحظه تداركي عمرك وقولي تراني اخذت ممتاز ( حتى لو كنتي ماخذه مقبول وعلى الحفه بعد .. قلنا في سبيل النجاحه كلش يهون:biggrin:حتى النصب ) >> ياوالله الاخلاق اللي رايحه فيها!
عاد جدتك ان كنها من النوع اللي بيفهمها وهي طايره بتجدع عليك ماتجود به نفسها .. يمكن ميتين يمكن ميه ويمكن خمسين >> لا حظوا كل ذا اللجة على خمسين خخخخخخ
وبعض الناس مايفهمونها الله يهديهم وبيقولون ماشااااء الله مبروك وانا امتس.. ياله عاد نبي العزيمه >> انا اللي ناجحه والا انتم عشان اسوي لكم عزيمه!! >> تراها قد قالتها لجدتها :biggrin:
عاد هنا يتوجب عليك تفصخين الحيا وتجدعينها في وجههم.. ولا مانع ابدا من انك تمدين كشرتك بكل تميلح وتقولين : ابي نجاحتي!! >> سبلة كيف الحال؟؟:biggrin:
وهنا يكون اخذتي من الراس الكبيرة اللي هي جدتك.. واذا كان جدك موجود سيري عليه وقومي بالواجب واتبعي نفس الطقوس مع زيادة عدد تبويس الراس .. ترى الشياب يقدرون التجغيف بقوة!! خصوصا لا صار مصلّع :biggrin: ولاحظي انك لاااااازم ولا بد وحتماً ترزين اللي عطتك اياها جدتك ( الفلوس) ولذلك حكمه جليه >> احتسي زين لا بكف
انه بيشوف كم عطتك جدتك ويحاول قد مايقدر انه يزيد عنها لو بريال .. يعني مايبي يصير اقل منها .. تعرفون بعد الرجال عليهم حركات ماصله:biggrin:
بس مايخالف كلللللله لمصلحتك
المهم بعد ماتنتهين من جدك وجدتك تروحين لعمانك وعماتك وتتبعين نفس الطقوس اللي اتبعتيها مع المماليح اللي فوق.. بس هنا تحاولين تخبين الي عطوك اياه جدانك.. ليييييييش؟؟؟؟!!! .. قولتي لي ليش ...عشان مايشوفونه ويقولون ذي بربيع ومريشه مايحتاج نعطيها .. يعني يختلف انتبهي وفرقي بين الحالات اللي لازم ترزين فيها الي جمعتيه والحالات الي لازم توزينها>> بليس ذي مب بنت!!:biggrin:
عاد ذاك اليوم ترجعين للبيت وانتي مريشه وجيبك ممتلي .. وتتمنين من كللللللل قلبك ان جدتك جايبه درزن عيال ودرزن بنات عشان تزيد الحصيله هع هع
الحين لو بتقولين لاحد سو هالحركة .. نفص عيونه عليك وقال خير تبيني أطرّ؟!! >> تحسون مافيه براءة والله من زين التفكير بعد
وشوفوا عاد وشي ناجاحات عيال ذا الجيل !! الدقدق يعني الصغار طايحن لنا يبون جوالات !! يعني باللهي بالهــي بزر باول او ثاني ابتدائي وش يبي بالجوال يمال المصع !!!
لا وفيه موضة جديدة هابين فيها .. يبون نجاحاتهم أسهم بحدى هالشركات!! بالله بزران وش يعرفهم بالاسهم بعد !! >> سالخييييير شموخ:biggrin:
احس هالجيل ماااااااادي .. وش ذا انا باشوف لي صرفه مااعرف اعيش في هالزمن :biggrin: .. شكلي باهاجر اصرف >> توكلي
انه بيشوف كم عطتك جدتك ويحاول قد مايقدر انه يزيد عنها لو بريال .. يعني مايبي يصير اقل منها .. تعرفون بعد الرجال عليهم حركات ماصله:biggrin:
بس مايخالف كلللللله لمصلحتك
المهم بعد ماتنتهين من جدك وجدتك تروحين لعمانك وعماتك وتتبعين نفس الطقوس اللي اتبعتيها مع المماليح اللي فوق.. بس هنا تحاولين تخبين الي عطوك اياه جدانك.. ليييييييش؟؟؟؟!!! .. قولتي لي ليش ...عشان مايشوفونه ويقولون ذي بربيع ومريشه مايحتاج نعطيها .. يعني يختلف انتبهي وفرقي بين الحالات اللي لازم ترزين فيها الي جمعتيه والحالات الي لازم توزينها>> بليس ذي مب بنت!!:biggrin:
عاد ذاك اليوم ترجعين للبيت وانتي مريشه وجيبك ممتلي .. وتتمنين من كللللللل قلبك ان جدتك جايبه درزن عيال ودرزن بنات عشان تزيد الحصيله هع هع
الحين لو بتقولين لاحد سو هالحركة .. نفص عيونه عليك وقال خير تبيني أطرّ؟!! >> تحسون مافيه براءة والله من زين التفكير بعد
وشوفوا عاد وشي ناجاحات عيال ذا الجيل !! الدقدق يعني الصغار طايحن لنا يبون جوالات !! يعني باللهي بالهــي بزر باول او ثاني ابتدائي وش يبي بالجوال يمال المصع !!!
لا وفيه موضة جديدة هابين فيها .. يبون نجاحاتهم أسهم بحدى هالشركات!! بالله بزران وش يعرفهم بالاسهم بعد !! >> سالخييييير شموخ:biggrin:
احس هالجيل ماااااااادي .. وش ذا انا باشوف لي صرفه مااعرف اعيش في هالزمن :biggrin: .. شكلي باهاجر اصرف >> توكلي
حفلة النجاح..
اويلااااااااة على حفلة النجاح .. الظاهر اننا ننجح بس عشان نسوي ذا الحفلة:biggrin:
وغالبا ماتكون الحفلة يا بإستراحه او في بيت الجدة .. هذي اذا كانت مشتركة وقطه يعني
وتصير خليطي عيال وبنات .. كنا صغار قسم لا تفهموني غلط:biggrin:
وكل راس تقريبا يجيب معه تورته .. وعليكم الحسبة عاد .. يعني مدري وش ذا الشفاحه انا !! كأن كل واحد بياكل تورته كامله لحاله !!
ويكون فيه مسابقات حلوووة محضرينها لنا الروس الكبيرة .. وعليها جوائز طبعاً .. والجوائز تكون شئ محترم .. يعني مثلا للعيال سيارات بريموت كنترول .. وحنا يالبنات بحدازينا المعتاده .. المهم انه شئ زين مب من ابو ريالين وطقته خخخخخخخخخخخخ
واحيانا الروس الكبيرة الله يهديهم يستملحون شوي ويستهبلون في الهديه .. زي اذكر في حفلة من الحفلات كان ولد عمي صغير وناجح .. المهم انه كان يعملها بفراااشوووه:22: .. فأذكر نادو اسمه وتقدم الحبيب بكل ثقة بياخذ هديته .. وطلعت بامبرز حجم كبير (( الله يعزكم )).. طبعاً لقط خشته ودقها مناحه الضعيف >> ابو المزح الي تعرفونه يالعرابجة!
وتداركوا الوضع وعطوه هديته الصدزيه .. ماادري هي سيارة والا وش >> وشو عقبه تكفون!
طبعا المكان يكون يبرق من هالزينات .. والبلووونات .. كل واحد يجي ويستلم المايك ويشارك >> مسوين لي فيها المجد على غفلة
واكيد يكون فيه كاميرا فيديو نسجل فيها هالهبال والحوسه .. ماابطيت شايفة حفلة لنا من مبطي يومني توني بزززر ياملحني .. قسم تحسين بشعور غريب لا شفتيها .. مدري تخنقني العبرة ... ودي اني ماكبرت >> لاياشيخه
طيب تدرون اني مره طلعت في التلفزيون انا وخشتي:biggrin:
كان في احتفالات ابها اظن.. وكنت الظاهر بثاني ابتدائي .. وه بس ياملحي .. الله لا يوريكم قلت انشوده مااااغطة فيها مغط كأن أحد يلحقني .. اتحداكم تفهمون منها حرف .. وفي نهايه اللقاء اهدولي اغنيه مدري نشيدة >> اخسسسسسي منب سهله ترى هع
وسجلوا لي اللقاء بشريط فيديو .. للحين عندي ..
سقى الله ذيك الأيام ..
أقووووول
وين وصلنا؟؟
أي صفحة؟؟ اشوى مازلنا بالاولى >> تعقدت عقب ذاك اليوم يوم اطمر للثانية
الظاهر اني طولت والا؟؟ ياله طيب باطس قبل يجيني قوطي بيبسي والا شئ.. والا ترى باقي باثمي هرج بس اخاف اتسطر:biggrin:
ياله فوتوكو بعافية ..
ولا يغركم ان الموضوع خمس مدري اربع اجزاء .. تراه مب من طوله يعني مب زي العادة على الاقل ..
بس عشان الصور
:biggrin:
>>>> للحين ما طست ذي؟!
لا بس !!
أقول ماتلاحظون شئ مشترك في العنوان ؟!!
الماضي والحاضر كلهم فيهم حرف الضاد :biggrin: >> ياقل ملحتس
سلاااام
الصفحة الأخيرة
ومبروووووووووووووووووك ياعذابي
ّّّّّّّّّّّّّّّّّّّّّ~~~~~~~~~~~~~~~~~~~~~~~~
عدنا للتبريك والتهنئة ..
ألف ألف مليون مبروووووك ياقلبي ع النجاح الحلو ..
وعقبال الاستاذيه ونقول لك يابروفيسوره عذيبو فيتش:22:
لي عوده ان شاء الله للرد على المعلقة
ّّّّّّّّّّّّّّّّّّّّّّّّّّّّّّّّّّّّّّ