بنت خالتي عندها طريقه شوربه رووووووعه و هاذي طريقتها

شوربه الفطر


اخذي الفطر الطازج (( المشروم )) الابيض اللي يجي في علب بلاستك ( لا تاخذين المعلب الجاهز ترا ما فيه طعم كلش )

و قطعي الفطر قطع صغيره و حطي قد ما تبغين و حاسبي لان حجمه يصغر واايد لما تحمسينه ... اخذي الفطر المقطع و حمسيه في زيت زيتون مع شووووويه بصل مقطع صغير الي ان يذبل البصل و الفطر (( ملاحظه لا تحطين ملح في هالمرحله ابدا و بقول لكم السبب الحين ))

اخذي الشوربه المغلفات الجاهزه كنور او ماجي او اي شي .. طبعا شوربه الفطر و سويها عالطريقه اللي مكتوبه على المغلف و حاولي تخلينها ثقيله شوي يعني مو وايد سائله .. بعد ما تستوي الشوربه الجاهزه انتظري لين تبرد و حطيها في خلاط العصير و ظيفي عليها الفطر اللي حمستيه و خلطيه ..

الحين ذوقيه و شوفي اذا ناقصه شي مع اني ما اضن لان الشوربه الجاهزه تكون مالحه اساسا ... رجعي المزيج مره ثانيه في القدر و انتظريه لين يطبخ و بسس ...

شوربه جريش
الحريرة المغربية
شوربة الكريمة بالفطر

شوربتي المعتمده ................ هريس +كويكر +شوربة الذره +خضار

وجربت شوربة الكوسا بصراااااحه لذيذه وشوربة البطاطس وشوربة الفريك ........... اذا تبونها باكتب لكم الطريقه ........

اللهم بلغنا رمضان ونحن في صحة وعافيه ...............

شوربه الجريش
شوربه كريمه الدجاج
شوربه الحريره المغربيه
شوربه العدس
شوربه لسان العصفور:)

الشوربه الابيضاء مره لذيذه
تسلقين دجاج بالعظم
وبعدين اذا استو نتفي الدجاج يعني شيلي العظم واللحم قطعيه والاحسن أنك تنتفيه
وبعدين قطعي بصلة متوسطه لشرئح وأحمسيه مع ثوم بقطه من الزبده
وحطي عليهم شوية ذره وبزالياء وشعريه والدجاج المنتف
واحمسيهم سوء
وبعدين حطي عليهم مرق سلق الدجاج
وخليهم حول الربع ساعه
ثم أخلطي في كاس 3 ملاعق حليب و3 ملاعق دقيق وماء
وصبيه على الخليط السابق لكن بشويش ملاعقه ملاعقه
وخليه 10 دقائق
والعافيه