شوربة اليقطين ( القرع ) تابع لشركة المطاحن الكويتية
سهلة ولذييييييييييذة وما تاخذ وقت ومكوناتها سهلة .. لاتفوتكم
المقادير :
كوبين يقطين ( قرع) مقطع مكعبات صغيرة
علبة زبادي
مكعب ماجي خضار
زيت
رشة فلفل اسود
بصل وثوم مفرومين
الطريقة ..
يسخن الزيت ثم يضاف البصل مع الثوم المفرومين ويقلب قليلا
ثم يضاف مكعب الخضار ويقلب
ثم يضاف القرع ويقلب
ثم اغمريه بالماء المغلي ويترك لمدة نصف ساعة لنضج القرع
ثم يرفع عن النار ويضاف الزبادي ويضرب بالخلاط لكي ينعم الخليط ثم يرش بالفلفل الأسود ويترك قليلا على النار ثم أصبحت جاهزة جاهزة...
تقدم مع التوست المحمص المدهون بالزبدة والليمون .. على حسب الرغبة .. وتمتعوا بشوربة لذيذة ومفيدة .. بالهناء والشفاء .
ما قصرتو لكن انا دى اسال اذا فية احديعرف طريقة سوربة لحامض اللى بمطعم كانتون الصينى
**** يسعدهااللي تعرف
**** يسعدهااللي تعرف
ابشرررررررررري بالخير
شوربة الكوسا :
في قدر على النار بصل اخضر +2م زبده او زيت الى ان يذبل البصل +4 حبات كوسا مقشره ومقطعه مكعبات
خلاصة الدجاج ( المرق ) وتترك على النار تطبخ قليلا ثم تترك تبرد وتوضع في كاس الخلاط +3م حليب بودره +2م طحين
تعاد في القدر +ملح +فلفل ابيض او اسود +كمون وتترك على النار لمدة (ربع س ) عند التقديم على الوجه بقدونس
وبالعافيه ...............
شوربة البطاطس : مثل شوربة الكوسا الا في الخلاط يضاف مع البطاطس +2حبه جبن كيري +2م نشا )
طبعا ماننسى الملح والفلفل وعند التقديم توست مقطع مكعبات مقلي اومحمص ..............
وسلاااااااااااااااااااااااااااااااامتكم
شوربة الكوسا :
في قدر على النار بصل اخضر +2م زبده او زيت الى ان يذبل البصل +4 حبات كوسا مقشره ومقطعه مكعبات
خلاصة الدجاج ( المرق ) وتترك على النار تطبخ قليلا ثم تترك تبرد وتوضع في كاس الخلاط +3م حليب بودره +2م طحين
تعاد في القدر +ملح +فلفل ابيض او اسود +كمون وتترك على النار لمدة (ربع س ) عند التقديم على الوجه بقدونس
وبالعافيه ...............
شوربة البطاطس : مثل شوربة الكوسا الا في الخلاط يضاف مع البطاطس +2حبه جبن كيري +2م نشا )
طبعا ماننسى الملح والفلفل وعند التقديم توست مقطع مكعبات مقلي اومحمص ..............
وسلاااااااااااااااااااااااااااااااامتكم
الصفحة الأخيرة
نحن نحب ننوع بالشوربات ..
بس بالنسبالي أكثر شي يعجبني ...
شوربة الخضار ... وهي عباره عن بطاطس و جزر و بصل و كوسا وعدس ( حسب الرغبه ) و بهارات وماجي و تفورينهم مع بعض لين يستووا وبعدها تخلطينهم في الخلاط وبالعافيه ...
شوربة الروبيان ... و طريقتها كالتالي ... تفوري الروبيان بقدر منفصل ويفضل الروبيان الحجم الكبير علشان طعمه ألذ ... و في قدر الشوربه نحمس البصل في اشوية زيت او زبده وبعدها نصب عليه كمية الماي اللي محتاجينها و نضيف عليها بطاطس مقطع مربعات صغيره و نخليها تفور اشوي وبعدها نضيف البهارات مع الماجي و اشوية شعيريه مع اشوية شوفان ( كويكر ) و بعد ما يستوي كل شي نضفي الروبيان لانه اكيد بيكون مستوي و نحطه مع باقي الشوربه و نضيف علبة قشطه و بس .... وبالعافيه ...
شوربة بحريه ... نحمس بصل مع اشوية زيت وبعدها نضيف عليها ( 3 ملاعق اكل طحين مذابه في 3 أكواب ماء وتضاعف الكمية حسب الرغبه ) .. ونخلطه جيدااا ... و بعدها نحط الاشياء البحريه اللي نبغيها في الشوربه وغاليا يباع في الجمعيات مخلط بحريات جاهزه ..
نغر مع ربيان مع قريدس مع سمك مع اشياء ثانيه واشكال غريبه بعد خخخخ .. المهم نحطهم في الشوربه ونخليهم يطبخون عدل ونضيف الماجي والبهارات حسب الرغبه وبعدها نحط معاهم اشوية شعيريه واشويه شوفان ( كويكر ) و بعد ما يستووا نضيف اشوية حليب أبو قوس تقريبا نص العلبه ... وبالعااااااااافيه
شوربة الحريره ...هاي شوربة مغربيه بس صج لــذيذه وتشبع من الخااااطر
ماخذة طريقتها من المنتدى اهني وكاتبتنها عندي ... ياليت تدورونها لاني ما أعرف وين ممكن أحصل الموضوع في هالحوسه خخخ
شوربة البطاطا بالقشطه ... بعد وااايد لذيذه ... وطريقتها نفس طريقه شوربة الروبيان بس بدون الروبيان ....
شوربة المعكرونه ... نحط في قدر معكرونه بالكمية اللي نبغيها ونقلبها اشوي وبدون زيت ... وبعد ما تحمر اشوي ( تحمر وليس تسود خخخ ) نضيف عليها الزيت و ونحمس معاها البصل و بعدين نضيف الماء ونخليها تطبخ في الماي لحد ما تستوي ونحط معاها شعيرية و شوفان وماجي وبهارات و نخليهم يستووا وبالعافيه ...