مساء الخير .. عندي إلكم وصفة ممتاوة لأيام الشتاء وكلها فائدة وصحة 100 % والأهم من هيك إنها سهلة جداً...
المكونات:
- كوب عدس مش الأحمر، العدس العادي اللي حبته بنية
- حبة بطاطا مقطعة مكعبات صغار
- حبتين جزر مقطع مكعبات صغار
- حزمة سبانخ مقطع خشن
- راس ثوم مقشر وخلو الفصوص كاملة متل ما هي
- ملعقة كبيرة طحين
- ملعقتين كبار زيت زيتون
- ملح، كمون ورشة فلفل أسود
الطريقة:
أول شي بنسلق العدس مع فصوص الثوم، ولما يوصل العدس نص استواء بنضيف البطاطا والجزر وطبعا بنضيف الملح والكمون ورشة فلفل أسود.
ولما يستوي كل شي بنضيف السبانخ المقطع، وبنجيب صحن بنخلط فيه الطحين وزيت الزيتون (لازم زيت زيتون) لحد ما يذوب الطحين بالزيت، بنضيفه على الشوربة وبنغليها دقيقتين.
وقدميها مع الخبز والزيتون والمخللات، وطبعاً اللي بحب ممكن يعصر على الشوربة عصرة ليمون.
وصدقوني لما اتذوقوها ما راح تبطلو تسووها.
آسفة إنو ما في صور، إن شاء الله المرة الجاية بس أعملها بنزل الصور.:)
القمر الأزرق @alkmr_alazrk
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
جاري التطبيق
يسلموا