المقادير :
علية فطر طازج
بصلة
ملح و فلفل اسود
كريمة خفق
زيت زيتون
وبسسسسسسسس
الطريقة :
1- نقطع البصل شرائح ونشوحه بشوية زيت زيتون الى ان يذبل ويصفر
2- نقطع الفطر الطازج كل العلبة شرائح
3- ونحطها مع البصل - طبعا انا اشتري العلبة من السوبرماكت الكبيرة مثل بنده وكارفور - ونحمسها شوي لحد ما يذبل وتطلع ريحته المميزة وتراه ما يأخذ خمس دقااااايق وانتبهوا يا بنات لايحترق
4- وبعد ما يذبل الفطر ناخذه ونحطه بالخلاط مع شوية موية لا تكثرون لانه حلو شوربة الفطر تكون ثقيلة شوي
5- بعد ما نخلطه زين نرجعه للقدر ونبهره بالملح والفلفل الاسود ونطبخه على النار خمس دقايق تقريبا مع التحريك المستمر
6- نضيف كريمة الخفق وانا احب استخدم حقت المراعي وهذي صورتها
بعد ما نضيف الكريمة تقريبا نص العلبة نحركها زين
وبعدين بالهناء والعافية ..
سوري نسيت اصورها وهي بالصحن :sad:
هاه وش رايك تراها سريعة ولذيذة وابي رايكم بعد التجربة ...