شوربه حب

معقوله محد يعرف لهاا

اذا تبغينها بيضاء مافي اسهل منها لاكشنه ولاشي نقعي كاسه حب في مويه حاره من الفجر وارمي مويتها وحطي مويه جديده في قدر والحب وخليها لما تغلي وطي النار واسلقي اللحمه ببهارت على جنب لان اللحمه تستوي قبلها وخلي الحب اربع ساعات او حسب ماتشوفينها استوت وبعدين حطي اللحم مع مرقته عليها وخليها نص ساعه ومع بهارات الشوربه اللي هي شيبه وخولنجان وهيل وفلفل اسود كله حب مو مطحونه واخر شي اضيف نص كاسه لبن مراعي واطفيها لذيذه جدا جربيها

كشني ببصل وثلاث حبات ثوم واعواد قرفه واربع حبات هيل وقرنفل ولازم شيبه هي اللي تخلي الشوربه لذيذه وخليه لين يذبل مو يتحمر وحطي اللحمه معهم تتقلقل هالخطوه تشيل زفر اللحم انك تحميرينه مع الثوم والبصل لمن يسير اللحم ابيض لونه حطي فوقه حبتين ثلاث حبات طماطم مع ملعقه صلصه لو تحبينها حمرا وفلفل وكمون وكزبره فقط وخليهم يتسكبون زين وبعدها صبي مويه مغليه واظغطيهم في الكاتم ربع ساعه وبعدها حطي الحب والملح اوزنيه واظغطيه ربع ساعه او نص ساعه اهم شي تنتبهين له انك تحركينه لايلصق في اسفل القدر وبالعافيه

نحن في عمان هي الشوربة المعروفه عندنا و ضرورية ف رمضان .. بس اللي اقصدهاا بدون بصل و حاجات يكون لونها ابيض مع لحم مسلوق .
تقريبا فنجان كبير من الحب انقعيه في ماي حار لحد تقريبا ساعه ..
بعدها صفيه و غيري الماي و حطيه على النار و لحد ما تصير الحبوب لينة و هو يحتاج وقت ما اقل من ساعة لكن لو بقدر الضغط نص ساعة تكفي .. بعدها تاكدي من مقدار الماء لو يحتاج اكثر زيدي ع حسب الكمية اللي تبينها .. بعدين حطي فيه قطع اللحم المسلوق و احلى شي قطع اللحم مع العظم 😋 طبعا ممكن دجاج مسلوق مفتت .. و لا تنسي رشة ملح و هيل .. والف صحتين