عادي انا متزوجه قريبي و امه مربيتني و لي سبع سنين من تزوجت عايشه معاها ... و الحين تخطب لولدها الصغير و لها سنه و ما طرت الموضوع قدامنا و كله بالدس ... عاااااااااااااااااادي
الناس لهم خصوصياتهم و الي يبي يرتاح ما ينتظر شي من الناس ولا يتشره ..

باين عليك حبوبه و طيبه .. خلك على معاملتك و على طيبتك و نيتك الزينه و صدقيني هي الي بتنفعك .

مثل ماقالوا البنـات خلي معاملتـك عاديـه معـاهم ولاتشرهيـن عليهـم يمكن هذا طبعـهم

حتى لو عاملتيهم بالطيب وماشافوا منك الا الخيـر ماراح يتغيرون اذا هذا طبعهم

خلي لك خصوصيات ولا تفتحين على نفسك ابواب ماتتسكر اذا انتي تمونينهم على بيتك وكل شي لك

راح تطيح الميانه اكثر وانتي اللي بتتوهقين مااقلت لك هالكلام الا واناا شايفه من تجارب اللي حولي

قومي بواجبهم وصلة رحمهم ولاتنظرين للأمور الثانيه وانتي طيبه وبنت حلال ولله يووفقك يارب ويسعدك بحيااتك

عادية حبيبتي...طنشي... اهم ماعليج زوجج و بيتج.... و خليج مثل ما انت بس حاولي انج تخففين من مشاركتاج لهم بكل شيء... يعني مو ضروري تقولين لهم عن كل شيء.... و عامل كما تعامل!

الغاليه ........ انتى تحبين حد يتدخل بخصوصياتج...... والا بخصوصيات بيت اهلج ......... طبعا لا .......... عيل هم جيه بعد ........... خلج عاديه ......... لاتفتحين عليج ابواب مسكره ........... وبعدين ................ تأملى قول الله............. حط لنا قاعده نسير عليها في هالمواقف ....



وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ (34) وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ (35) وَإِمَّا يَنزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ هُوَ السَّمِيعُ الْعَلِيمُ (36
1_ دائما اعملى الحسنه ابتغاء مرضاة الله حتى لو دفعوا لج السيئه
2- الصبر الصبر
3_ لاتخلى الشيطان يوسس لج ويكبر الموضوع براسج


وموفقه الغاليه

حبيبتي عامليهم مثل مايعاملونج --