شوروا علي يا بنات .. الله يخليكم .. والله تعبانه ..

السلام عليكم ..
خواتي انا بدخل في الموضوع على طول .. ويا ريت اي وحده عندها حل ما تبخل فيه علي ..

انا حاليا خاطبيني ثلاثه ..
اثنين منهم من اهلي وطبعا ترجح لهم الكفه لانهم من الاهل ..
والثالث مش غريب .. لكن مش من الاهل ..

وين المشكله ..؟
واحد من الاهل مُستبعد لانه شوي مش مستقيم اخلاقيا ..

والوالد يبي الثاني اللي من الاهل ..
لكن انا مرتاحه للغريب .. وحاولت اني اتفاهم مع الوالد لكن مافيه فايده .. واخواني ابوي مو راضي يسمع لهم .. والوالده بعد خايفه تتكلم .. لانها لو تكلمت ابوي راح يفهم انها واقفه بصفي مع انه الله سبحانه يشهد انه هي رايها من راي الوالد ..

وانا محتاره يا بنات .. والله تعبت .. ساعدوني الله يخليكم .. شوروا علي