شوفوا الثأرررر ..... !!!

حبيت اقولكم موقف صار معاي وانا صغيره ودايما اتذكره ولا عمري بنساه .. بس ها الموقف انا دل على شى فانما يدل على اهمية الثأر عند العرب >> حشا في الجاهلية !!

يلا نبدا الموقف او بالاحرى القصة : عندما كنت صغيرة في الروضة ..لحظة خل اتكلم عدل

لما كنت صغيرة في الروضة (روضة بنات) ، كانت عندنا في الروضة عصابة (زعامة) مؤلفة من مجموعة بنات وزعيمة .. الزعيمة هذه كانت بنت حلوه ومرتبه بس دللللووووعه وكل الى تبيه لاازم يصير الى عليها انها تأمر وبس .. العصابة او الزعامة هذه كانت مخوفة كل بنات الروضة والكل يخاف منها ويهابها وكل شى في الروضة من العاب ومراجيح كانت للزعامة هذه يا ويييلها الى تلعب بالالعاب وتشوفها العصابة هذه .. لما كانت تجي ها العصابة كل البنات يخافون وينزلون من الالعاب ويفضون المكان لها

حتى اذكر مرة ( ترى مو هذا الموقف بعدنا ما جينا له ) جينا الصبح وكانت الروضه بعدها فاضية قالت لي صديقتى خل نروح نلعب بالمراجيح .. قلت لها لااا كيفف:o ما تخافين يجون العصابة ويلعنون ابليسنا .. قالت لا ما بيصير شى تعالي انتى نلعب وبس .. ورحنا نلعب بالمراجيح ونلللعب مستااانسين .. وفجأه تجي العصابة :30:... يا ماما جووا :o وعلى طول جوا للمراجيح عندنا ووقفونا ,, وجتنى وحده منهم وتقولي انتوو كيف تجرررأتوا وركبتوا المراجيح .. قلت لها والله والله واللله العظيييييم مو انااا انا قلت لصديقتى عشان ما نروح نلعب لاني ادري انها لكم بس هي ما رضت .. وانا اخااااااااف منكم :06: << قمممة الشجااعة .. لما سمعتنى البنت اقول لها اني اخااف منكم سامحتنى وخلتنى انزل بسلااام :D

بعد فترة (هذا هو الموقف جينا له ) كنا انا وبنت عمي نتمشنا في ساحة الروضة ومعانا دواير مغناطيس صغيره نلعب بيها .. وبينما نحن نلعب واذا بالعصابة تأتييييي :30: ومعهم الزعيمة .. شافت الزعيمة المغناطيس الى عندنا وعجبها وتبيها الحين .. جلست قريب منا على الكرسي وحواليها حاشيتها الى واقفين .. وتقووول بكل دللللع : الى يحببببببنى يعطيينى اي شى عنده .. وتعييييد الجمله هذه ،، واحنا مطنشيين قاعدين نلعب وكماان تعيد وتعيد الجمله على بالها بنعطيها ..عاد انا عصببببت :mad: وقمت وقفت بكل شجاعة ( ماادري من وين نزلت علي بالعاده جبانه ) واقول في وجهها : احنا ماااااا نحبببك ولا بنعطيكي شى
ولا !! ولا !!!!!! قبل ما اسكر فمي واخلص جملتى ما احس بنفسي الا يجيينى هذاك الكف الى يطير لي وجهي .. وكفففف ثاني على وجه بنت عمي المسكينة .. تدرون من وين ؟؟؟ من وحدة في الحاشية ( خدم المدام المصون .. خدم جلالة الملك ) ما رضت البنت على زعيمتها تنهان كذا ومن مين ؟؟! منى انا !! ( بالله عليكم ما يذكركم هذا بالمسلسلات والافلام !! )
عاد انا ما قدرت اسوي شى غير :06: وااااااء واااااء انا وبنت عمي نمشى.. واحنا نمشى فاتحين فمنا كذا :06: وااااااء نببببببكي ... مساااكين .. والله ان منظرنا كان يفطس من الضحك هههههههههههههههههه


بس القصة ما وقفت هنى .. تبون تعرفون كيف انتقمت ؟؟

احس اني تكلمت كثييير .. بس بكمل لعيونكم

برجع بعد الفاصل