السلام عليكم
الاخت ليولا:بالنسبة عن تكاتفهم فهو بلاشك ما عليه كلام أما بالنسبة لنا نحن فهو اكيد عليك كتير كلام!
ومتل ما قالت رنيم متل ما في يهود واصلين بكندا كمان في عرب ومسلمين لكن أنا رأيي انه ما في داعي للتدخل بالرموز الدينية يعني مثلا شجرة الكريسماس شو النا علاقة فيها لحتى نطلب عدم وضعها ؟
أغلبية سكان كندا من المسيحيين واحنا جايين هون وعارفين هالحقيقية والا ليش ما نرجع عبلادنا؟
شغلة تانية ذكرتيها رنيم وانا بختلف معك فيها وهي انه انت فعلا مش مضطرة تقولي ميري كريسماس فعلا بس ليش بالمدارس كمان منوع المعلمات يقولوها؟انا بصراحة شايفة الموضوع فيه اجحاف
يعني تخيلي حالك بلد عربي ومسلم وجاء عيد الفطر وعندك بالصف مجموعة طلاب من ديانات مختلفة ووزارة التربية اصدرت تعميم انه انت ممنوع تعايدي الطلاب وتقوليلهم كل عام وانتم بخير وبدلا نها قولي أعياد سعيدة؟شو رح يكون شعورك؟
ليش احنا بنفر الناس مننا ؟يعني هاي المدرسة الي طول عمرها متعودة تقول لطلابها بعيدهم ميري كريسماس تجي فجاة وتقوليلها ممنوع حكيها وممنوع تزينوا شجرة وتحطوها بالمدرسة
أنا شخصيا بحس انه هدا الموضوع فيه اجحاف وممكن انه يولد مع الوقت ردة فعل عند الناس مش كويسة تجاهنا علما انه احنا في كندا اقلية
رح تقولولي اليهود اقلية رح اقولكم انه لو القرار صدر من سلطات كندية بتاثير يهودي مش اسلامي فهدا الكلام في صالحنا خليهم يشوفوا مين المتعصب ومين المتسامح
وعذرا على الاطالة

نوقا حبيبتي
انا معاك برأيك لو كان هالشي قبل عشرين تلاتين سنه
لكن هلأ الوضع تغير
نسبة المؤمنين بالمسيحيه جدا صارت اقلية ماعادت متل اول
وفي عام 1998 منعو تدريس الديانة المسيحه الكاثوليكيه او البرتوتساتنيه في المدارس في ولاية اونتاريو وبعدها بدأت الولايات الأخرى
ولما منعو قول ميري كريسمس في مدرستي كان لسبب واضح
تخيلي كان فصلي حوالي عشرين طالب تسعه منهم مسلمين اربعه سيخ اتنين يهود اتنين مسيح وتلاته بوذيين صينين
على اي اساس بدهم يفرضو علينا نقول ميري كريسمس؟؟ ونحنا اكتر 80% بالمية منا مابيأمن ولا بيحتفل خير شر
كان هالشي في شهر ديسمبر
وصدفت انه يكون في احدى السنوات العيد والكريسمس والهانوكا وعيد للسيخ وراس السنه الصينيه وعيد سيخي كلهم في موسم واحد
بدك يفرضو على المعلمه تقول ميري كريسمس منطقيا الوضع غلط..
حتى هي كانت تقولنا
I feel awkwards when I say merry christmas
انا معك فرض ديننا عليهم يعتبر اجحاف وانا ضد هالشي بس لو صار دينا هو الاغلبيه هداك الوقت الموضوع اله منفذ تاني تماما
يعني حتى الاساتذه صار يرفضو انهم يحكو للطلاب عن المسيحيه وعن سبب كل الدين واصله وفصله وبيقولك الاستاذ بحس اني عم اتعدى على حقوق الطالب انه له حرية اختيار دينه والبحث عن الحقيقه بنفسه ومشان هيك منعو تدريس الدين بالمدارس ولله الحمد
مووضع الشجره والله هي شغله تانيه انا شفتها حركه غبيه يعني بالاخير انا بعتبرها ديكور لا اكتر ولا اقل ..لكن ممكن ننظر لها من نفس المبدأ دام البرلمان فيه ديانات ماهب ودب شو معناتو الاحتفال في عيد مسيحي فقط؟؟
يعني المكان عام والمنطق بيقول يا اما احتفلو بكل شي ياما لاتحتفلو بأي عيد!!
وفعلا في مدرسة ابتدائيه جنب بيتنا اتبعت هاد المبدأ انهم يحتفلو بكل عيد مشان يصير عدل وبهيك الواحد ماله حق يحكي شيلو الشجره ولا حطوها..

نوقا لاتقولي انه كندا بلد دينه مسيحي ولاتستلمي لهالشي لأنه هالشي قضي عليه من زمان هلأ كندا فيها اكبر خليط دينات في العالم وانا ماني بحاجه اثبت لك هالشي فيكي تشوفيه بعينك
شوفي عدد المسلمين بالشارع شوفي عدد الصينين البوذيين شوفي عدد السيخ والهندوس
نسبة المسيحين كل مالها تقل وتقل واصلا الي نحنا منسميهم مسيحين هدول مو مسيحين اسأليهم وراح تعرفي انه 90% منهم ايثيست يعني من غير دين وهي الديانه السائده على اغلب الشقران او الكنديين ..
لشو لكن نستسلم لواقع انه كندا دين مسيحي؟؟
واللي بيقولي ارجعي عبلدك لو ماعجبتك ديانة البلد بقوله بالعكس في وثيقة حقوق الانسان ومسؤولياته الكنديه Canadian charter of rights and freedoms احدى الاسباب اختياري كندا انه مستحيل حدا يفرض دينه علي وان الي حرية ديني ويمكن حرية التعبير تدخل ضمن هالشي ليش تفرض علي جمله انا ماني مقتنعه فيها؟؟ صحيح الشغله تافهه في عيون الكتير بس شغله ورا شغله ورا شغله حتشوفي انه اولاحد ماعاد اله قيمه ومابقى حدا يهتم لرأيه بيقولك ماكنتي راضيه شو حكاكي هلأ؟؟

من اكبر مخاوف الكنديين المسيحين هو اختفاء الديانه المسيحيه بشكل لايتصور
روحي جربي جنب اي كنيسة يوم الاحد ماحتشوفي غير اقلية من كبار السن وان وجد بتلاقي بعض الطلاب اللي بيكسبو لقمة عيشهم من العزف على اله موسيقيه والسلام ماهمهم دين ولايحزنون..

اليهود وصلو لمركزهم اللي هما فيه بفرض انفسهم على المجتمع وهذا اللي لازم نسويه والحمد الله بدأنا بهذا المشوار وبدأنا نفرض انفسنا وديننا ونجحنا ولله الحمد ومازلنا في اول المشوار.. لو كل واحد منا استسلم للأمر الواقع وقال انه نحنا في بلد مسيحي فعلى الدنيا السلام وديننا الحنيف مستحيل ينتشر في هالبلد..

مجرد وجهة نظر حبيت قولها اتمنى تتقبليها :)
:26: :26:

و الله مزبوط يا رغد
لأنو احنا للأسف بنضل نحكي يلا يا جماعه نروح طب وين دورنا انو نحاول قنع الناس بالاسلام و يعني اكيد ربنا لما وصلنا لهون لأهداف معينه يعني المفروض علينا انو ما ننسى انو النا دور كبير في توضيح و تنظيف فكرة الاسلام الخاطئه اللي مخدينها عنا و مو كل ما يصير شي نحكي احنا فبلدهم ربنا ما حكى هيك لأنو الصح انو نحاول انو احنا اللي نكتر و نسيطر و هدا كلو لما نكون مع بعض
و احنا للأسف ما عنا روح الوحده فالحقيقه او نسبه قليله و كل واحد منا مشغول بحالو و بس و اللهم نفسي و الله يوفقنا
و فينا ندخل عن طريق افكارنا بس بالعقل و مو بالاستسلام و احنا ما لازم ننسى دينا و بس نفكر هم كيف و انهم الأقوى و احنا الأضعف لأ لازم نكون واثقين من دينا اكتر من هيك و هاي مو بلادهم بلاد الله اللي كرسها للكل و الصح الاسلام

و اكيد بجانب هدا كلو لازم نحترم دياناتهم لنورجيهم انو احنا مو متعصبيين