شوفوا بنتي ايش سوت واحكموا بيننا لان قلبي تعبان وحزين

بنتي
بالصف ثاني متوسط
أحبها وتح بنين تشاجر ونرجع
عودتها الصدق والأدب والأخلاق ودائما يشكرون بأخلاقها وآدبها وشجاعتها والحمد لله افتخر فيها قدام الناس ربي يحفظها لي يارب ويصلحها أنا مع الحق دائماً حتى لو كان ضدي او ضد بنتي وأنبها لما تخطئ


كلمتها عن الدورة وفهمتها المشكلة الي نتهاوش فيها سواء (ان بنتي ماهي حابة تغطي وجهها وعلمتها ان لازم تغطي وجهك لو الدورة جاتك او حتى لو ماجاتك وأنك بصف 2متوسط بتغطي سواء جات الدورة وإلا لا

وبرضه معارضه ومو عاجبها وتحس ان الغطاء فيه كبح لحريتهاوانها لسه صغيرة


فهمتها ان جسمها يختلف عن البنات الي بسنها
لان بنتي ماشاء الله أطول من الي بسنها وأمتن منهن. مع انه فيه أطول منها كمان واملى

لكن زعلت بزيادة
وتهاوشنا اكثر وأكثر
وتقارن نفسها ببنات خالها الي قريبين من سنها
وأنهم جاءتهم الدورة وماغطوا وجههم الا بالسنة الي بعدها

حاولت افهمها
لكن مع صغر سنها
وكلام زميلاتها
الي يقولونه دائماً ((خلونا نعيش حياتنا))
وصلت معها لطريق مسدود



بالعيد تقابلت مع حريم يقربون لنا وبناتهم قريبين من سنها


وإلا وحدة من البنات الكبار تسألني عنها بعفوية بنتك بلغت؟؟


قلت لا

وسالت أنا الثانية
يافلانه؛بنتك بلغت
ابتسمت وقالت آيه

أمس قابلت نفس الحرمة هذي و من قرايبنا ونمون عليهم مرررة




وتقولي تعالي أقولك على امر بيني وبينك راح تتفاجأي فيه بس اهم شي لا تقولي أنا علمتك
عشان ما يصير مشكلة بين بنات نت ويزعلون من بعض



قلت خير


قالت



((ترى بنتك جاتها الدورة ومن السنة الماضية بس ماعلمتك))



طبعا تخيلو أوقع الكلام علي. بغيت أدوخ
معقولة بنتي تعمل كذا
ما اصدق


قلت مين قال


قالت علمت البنات كلهم
بناتي وبنات فلانة
قلت ماقالت لي؟؟
حاولت اتماسك قدامها وانا قليل و و أطيح عالارض من هول الصدمة:08:


قلت يمكن عشان خائفة أقولها غطي وجهك


قالت ايه تقول للبنات ما أبغى أقول لامي لانها راح تخليني اغطي
وقالوا كلام ثاني

المهم قالت

انه قهرها الموضوع وكيف اني غافلة وماني دارية عن شئ

وقالت لبناتها
لازم اعلم أمها
وان بناتها
قالوا لا. ب تزعل مننا بنتها لانها قالت لو تعلمون ماما راح ادعي على الي تعلم؟؟:mad:

طبعا

أنا حاولت ماابين قهري من بنتي قدام الحرمة
صحيح زعلت لكن شلت بنفسي


قالت كمليها انك لاحظتي عليها نقصان الكوتكس من حمامك ونبهيها ولا تجيبي سيرة بناتي عشان ما تزعل منهم


رحت البيت وانا أغلي
دخلت حمامها فتشت عن اي اثر
ما لقيت
شوية وتطلع من غرفتها
وأقولها لك عندي خبر
فلانة قريبتنا
جاتها الدورة ابغاها تقول حتى أنا

لكن ماقالت

كنت قبل يوم سألتها زميلاتك جاءتهم قالت ايه بعضهم

أبوها من يوم بدأت الدراسة قالها يا بنت غطي وجهك
خلاص انت بثاني متوسط وتضايقت
لكن غطت وجهها
يعني لها 9 ايام مغطية

وخرجت من عندها ولا كلمتني بالموضوع
الصبح وهي رائحة للمدرسة عطيتها نظرات عتاب
واستغربت وسالت ايش فيك ياماما زعلانة
لكن ماجاوبتها
وقلت لها
انتي مسوية شي يزعلني
قالت لا


قلت طيب خلاص لا تسالي


ولمن رجعت من المدرسة
جات تسال ايش فيك نظراتك تخوف




قلت لها زعلانة منك
انت ماتحبيتي
الناس اهم عندك من أمك
تعلمينهم بحياتك وانا اخر من يعلم

استغربت كلامي
وبعد تلميحات فهمت
وحلفه انها تكذب عليهم
لأنهم كلهم يقولوا أنا جاتني الدورة وانا كمان جاتني
الا هي

فراحت كذبت عليهم وقالت حتى أنا جاتني
وما علمت ماما
لآني لو علمتها بتقولي غطي وجهك!!!!!:(:(:(:(


طبعا تقول وتحفل بهذا الكلام
وتقول انها ماقالت لهم لا تقولوا لماما وأنها بتدعيم علي يقول
وأنها فقط قالت :أنا ماقلت لماما عشان ماتقولي غطي
والبنات قريبتنا
قالت لها حتى أنا ماقلت لماما
عشان ماتقولي غطي


المهم ارتحت شوي ان الكلام كذب
ورحمت حالها
لانه تأثرت مررررة بكلامي وانا قسيت عليها مرررة
لآني بصراحة زعلت ان خبر مثل هذا يفرح والكل يعرف وانا اخر من يعلم

عاد قالت انه توي الشهر الماضي جاتها فعلا مهو السنة الماضية زي ماقالوا لي
وأنها بغت تقولي بس ماحانت الفرصة لانها مررررة قليلة يومين بس نقاط

وبرضه هزأتها انها ماقالت
وتحلف انها خائفة تقول فأخلي ها تغطي!!

مع انها لها 9 ايام مغطية بسبب أبوها كلمها

ايش رأيكم بتصرفها وكيف أتعامل معاها


وكلمت الحرمة
وقلت لها انها كذبت عليهم

لكن احسها ما صدقتني

تحسبني أدافع عنها منعا للإحراج

حتى فكرت أواجه هم ببعض
بس حسيت ان الفكرة غلط والموضوع راح يكبر ويمكن يصير بنهم حساسية
وموقف وهم يحبون بعض البنات يعني

وكمان فيه إحراجي بنتي و للبنات

واهم شي عندي انها طلعت كذابة مهي من السنة الماضية ولا شي

مع انها قريبة مني وتكلم نئ وتأخذ رأيي

لكن استغربت مرررة انها تفكر بهذي الطريقة