السلام عليكم كيفكم يابنات حواء
أبغى أقلكم تجربتي عشان أفيدكم وتفيدوني أنا الان حامل في طفلي الرابع وفي الشهر الأخير (دعواتكم ربي يفرج عني وعن كل مسلمة )المهم التجربة الأولى كانت في حملي الأول كنت أعاني من إمساك وكنت أصلا ما أعرف إش يعني إمساك أصلا المهم ولدت طفلتي الأولى بالسلامة وكنت مرة تعبانة وإلي زاد الطينة بلة الإمساك كنت أعاني أكرمكم الله كل ما أدخل الحمام كأني أولد من جديد وأصعب من الولادة الحقيقية وغير إني أتجرحت وكان الحمام يغرق دم وحالة خليها على الله أصارخ وأبكي وسويت إلي ماسويته في الولادة طبعا كانت حالتي تزداد سوء وكنت ما أعرف ليش بيصير فيني كذا مع إنه صحباتي إلي جربو قبلي الولادة ماصارلهم كذا مع إنه جاهم إمساك بس مو زيي ياترى إش السبب ؟؟؟؟ أكتشفت السبب بعد ولادتي الثانية وعن تجربة السبب ياأخواتي إنه كنت مطيعة للحريم زيادة عن اللزوم وكنت خايفة على نفسي وبنتي خاصة إنها كانت تعبانه جاها إلتهاب رئوي وأتنومت أنا وهي في المستشفى وعمرها أيام وهذا إلي زادني سوء ،المهم كل ماوحدة قالت لي شي طعتها مثلا كنت أسف الرشاد صباح وليل هو كويس بس يسبب إمساك يعني لازم تنتبهي لنفسك تاخذي ملينات وكذا المهم لمن جبت ولدي الثاني من الحمل كنت آخذ ملعقتين زيت زيتون قبل ماأنام عشان أتجنب الإمساك ولمن ولدت رحت لداية شاطره وصفت لي يوميا قبل ماأنام في النفاس أحط في الخلاط (تفاحة بقشرها +كاسة حليب دافي+زبيب مغسل ومنقوع)أشربه بدون ماأصفيه وبالفعل ما شفت الإمساك نهائيا والحمدلله إلين كسلت وتركتها وهذا إلي أكد لي إنه الوصفه عي السبب هذي تجربتي الأولى في المرة الجاية أقلكم تجربتي الثانيةمع فقر الدم في الحمل وإش إلي جنبني إبر الحديد والحمد لله
(أرجوا منكم دعوة صادقة لي في ظهر الغيب )
الأمورة العسولة @alamor_alaasol
عضوة فعالة
يلزم عليك تسجيل الدخول أولًا لكتابة تعليق.
اخس شي الامساك كانك تتكلمين عن حالتي يوم كنت بالنفاس
لحد الحين ماعرف شنو اسوي بعد الولاده من الامساك؟؟؟؟
لحد الحين ماعرف شنو اسوي بعد الولاده من الامساك؟؟؟؟
الصفحة الأخيرة
بس مره ثانيه اطحني الحلبه ناعم اقصد لهومك كله ناعم ويلين بطنك
والرشاد يلين البطن خصوصا مع معجون التمر والزبده او حتى منقوع بكاس ماء وزنجييل
الله يسعدك ويوفقك يارب