شوفوا وش اكتشفت بعد مراقبة زوجي

السلام عليكم كيفكم انا معرفي هذا خاص بالشكاوي من بعلي العزيز اللي صار عندي تبلد منه عشان لاكون من كفارات العشير فهو طيب وكريم ورحيم في حالة رضاه اما وقت الغضب ينقلب شخص ثاني تكرهينه وتكرهين تصرفاته المهم قبل فترة قلت لكم انه زوجي ينام بغرفة المقلط من فترة طبعا كل شئ هناك يخصه كمبيوتره واغراض العمل عشان كذا يقضي وقت طويل فيه بس اللي يقهرني ويخليني اشك فيه ليش يقفل بالمفتاح بتقولون عادي وحرية عشان ازعاج العيال بس لما يكونون العيال نائمين وانتي صاحيه اكيد المقصد عشانك وهذا اللي قهرني مما دعاني الى مراقبته قلبت فصحى والله اني انكت عشان لايجيني الضغط وراي عيال المهم تذكرت راعيه السطوح ههه الله يسهل مهمتها ماكاني خرجت عن الموضوع استنوا الحين بيجيكم العلم المهم زوجي على هالحال دايم مقفل وبما انه ساكنين بدور ارضي ومعانا حوش جزء من العمارة جهتنا مقفل طبعا شباك غرفة المقلط في هالجزء طبعا زوجي في مقلطه وطلعت قلت اشوف وش يسوي رغم انه في ستاره وامشي على اطراف اصابعي وقلبي يرجف على11 الليل والعيال نائمين المهم كان ناسي جزء من الشباك مفتوح والستارة مغطيه على الفتحه قمت اتلفت حولي لقيت عود الخشب حق الشوي مرمي بالارض يقايا شوينا هه نفع المهم قمت افتح الستارة بالعود طبعا زوجي جالس على الكمبيوتر ومعطيني ظهره وبعيد شوي لكن عرفت وش يسوي للاسف وماهو جديد على هالشئ يمكن عرفتوه لاني على طول كان بوجهي الافلام اللي يطالعها مشغلها ومشغول بنفسه انا عاد صراحه جاتني ام الركب وماقدرت اكمل ورجعت صالتي واستغفر الله وبكيت اكثر شئ عشاني شفته بعيني واقول ليش يترك الحلال ويروح عند هالمقرفين احس لاعت كبدي حسبي الله ونعم الوكيل طبعا معروف هو من زمان عليها واول مرة واجهته قال انت مالك دخل بي وانا لي رب يحاسبني بعد يجاهر ويكابر الله المستعان انا تركته من هذيك الفترة ولاعاد ناقشته لكن مشكلتي الحين هو رجع ينام بغرفتي بس على الارض بس والله كرهته من هالموقف ولنا على الحال اسبوعين ولاقرب مني وتعرفون المقصد وودي اشوته وهو مفرشه برا الغرفه ماعاد ابغى منه شئ وش فرق عن نومته بالمقلط دعواتكم يابنات لي بانه يسخره لي ولااولادي ماظن مشكلتي لها حل