شوفوا وش جاب لي زوجي بعد الأربعين!! / استوفى الردود

صباح الخير

كيفكم؟ ****لله كلكم بخير

عمري 22 متزوجه لي سنه ونص وعندي بنت عمرهآ شهرين وأدرس بالجامعه!
وزوجي طيب ويحبني وأمورنا تمام بس مشكلته ظروفه المآديه صعبه شوي وعليه ديون وأوضآعه صعبه
يعني يآدوب رآتبه يكفينآ
بس عآيشين ولله الحمد وهو مايقصر معي إذا عنده! وأنا مآ أضغط عليه ومرآعيه وضعه لأبعد الحدود لدرجة إني بعت نص ذهبي عشآنه!
اللي ضآيقني وقهرررني وحطمني
إني ولدت ومآجآب لي هديه و?شي و? فكر حتى!
وأنا كنت متأمله من قبل أولد وكنت أحلم بذا الهديه وأتخيلها
وأقرا مواضيع البنات عن هدية الو?ده ويزيد شوقي لهآ
ومآحبيت ألمح له لأني أبغآها تجي من نفسه و? بيكون لهآ طعم لو لمحت!
المهم
ولدت بالسلامه عند أهلي وهو في منطقه قريبه من اللي أهلي فيها وهو دوامه استلامات فكان يستلم ويجي! ويجيني بشكل شبه يومي عند أهلي يجلس معنآ سآعه أو سآعتين ويروح لأهله!
وإنتظرت ذا الهديه وإنتظرت وإنتظرت ومآشفت شيء!
كل مره يجي أقول أكيد اليوم بيجيبها !!
وجلست عند أهلي شهر ونص
وكآن دآيم يزورني
بس مآجآب لي شيء!!
بس طبعآ مايقصر اذا طلبته علاج أو أغراض للنونو يجيبها بس مآجآب لي الهديه اللي كنت أحلم بهآ !
واللي أعرفه إنه ?زم الوآحد يهدي زوجته اذا ولدت!
وفقدت الأمل وقلت أكيد إذا رجعنآ بيتنآ بيفآجئني بالهديه!!
ورجعت بيتي وطبعآ قد جآب عمآل ينظفون البيت ومآقصر في ذا النآحيه ارتحت من التعب والكرف
وإنتظرت أسبوعين وكل يوم أقول أكيد اليوم بيجيبها مابستعجل!
وماشفت شيء !!
وجآء الراتب وهو و? على بآله الموضوع!
واستحملت استحملت وأنا مقهووووره مره !
أنا والله مآهمتني الهديه بس أحسها سآلفة تقدير !
ليش مآقدرني بهديه ولو بسيطه والله بيكون كبر في عيني مره
مآ أبغآه يجيب لي ذهب و? يعطيني مبلغ لأني عآرفه ظروفه
بس حتى لو بآقة ورد بخمسين ريآل ! عطر / كيكه / أي حاجه بسيطه
بتكون أثرت فيني مرررره!

وأمس كآن هوه برا البيت
وكنآ نسولف على البلاك بيري
وقلت له: قاعده أرتب الدو?ب وشفت وحده من هداياك أيام الملكه! الله يالزمن كنت تجيب لي هدايا مره حلوه وبعد الزواج ماعاد شفت شيء! وصارت تمر مناسبات مره مهمه و? تفكر تجيب لي شيء!! »دقـه
وتراها تحز في الخاطر حتى لو اني ساكته!
وترى الموضوع أثر فيني مررره و? بنساه لك!
وبيقعد في قلبي مأثر فيني
وأنت خذلتني وماتوقعتك كذا
و?تفكر تجيب لي شيء بعد كلامي هذا لأنه مابيعني لي أي شيء لأنه ماجاء ا? بعد مآصآرحتك
وترى أي وحده تولد ?زم زوجها يجيب لها هديه وأنت مآجبت شيء و? فكرت حتى!!
وإذا رجعت البيت ?تناقشني في ذا الموضوع نهائيآ وإنسى إني قلت لك شيء!!
بس مستحيل أنسى لك إنك مآقدرتني وبخليهآ في قلبي!!


وهو قرأ كلامي ومآ رد !!
ورجع البيت وبآين عليه متضااااايق مره!
بس أنا أكلمه عادي وماكنه صآر شيء! ما أبغى مشاكل ماني ناقصه!
أهم شيء طلعت اللي في قلبي!
وهو اللحين نايم ويشخر وشكله من جد نسي الموضوع!! وأنا أبكي ومقهووووووره
حسسني بالنقص!
ومآيقهرني ا? اللي يسألوني وش جاب لك!!
مرره هذا الموضوع ماني قادره أنساه أحس إنه جرحني!
تكفون قولوا لي وش أسوي! كيف أرجع زي أول معه؟ أحس تغيرت نظرتي له مرره خذلني وبقوووه والله كل شوي وأنا أبكي بس ما أبغى أبين له! مسويه نفسي عادي وعيوني تنفخت من البكاء


حطوا أنفسكم في مكاني وحسوا فيني شيء يقهر من جد!
الله يوفق كل وحده ترد رد حلو
ورجاء النفسيآت ? يردون والله مآني نآقصه!