اخباركم علومكم بقولكم سالفه صارت
في هذا المنتدى حبيت اشارك فيها في حملة قل خيرا اواصمت
امس الخميس بلليل دخلت هذا القسم الوحه الترفيهيه
قلت خميس اكيد البنات كلهم مجتمعات خميس مالهم عذر لا مدرسه
ولاشيء
لكن تفاجائت ان مافيه احد المواضيع هي نفسها مافيها جديد وكل وحده لمبتها مدري وردتها طافيه يعني ماهم موجودين وادخل وانادي مافيه احد هنا
واسمع صدى صوتي هناااا هناااا هناااا
قلت وش بلاهم كل هذا عشان المدرسه عاد خلكم ماتنجحون
ياويلكم لاوالمشكله حتى الي ماعندهم مدرسه بعد معاهم <<وشدخل هذا بالحمله 
ياخي استني شوي هذه المقدمه الحين بتجيكم العلوم المهم بعد مالقيت القسم فاضي قلت وش يقعدني خلني ادوج في الاقسام الثانيه عصرت على نفسي ليمونه ودخلت المجلس العام ولقيت هناك الانوار منوره والعالم كلها مجتمعين هناك والمواضيع كل انواع المصايب من الى ولفت نظري موضوع يقول
(زوجتي توفيت ارجوكم ادعوا لها )؟"
وادخل والاقي الرجال داخل باسم زوجته ويقول زوجتي كانت معكم بهذا
الاسم توفيت بحادث نتيجه من سواق كان متهور وكانت حامل ادعو لها :icon33:
بصراحه والله معرفها لكن حزنت وقلبي انعصر عليها الله يرحمها وصاروا البنات
يدعون لها ويترحمون عليها
وبعدعشر دقايق حطت وحده موضوع عنها ادعوا ل ام طيور الجنه 2 توفيت وحطت مشاركتها واثاريها كان ماعندها عيال ولدت مرتين وماتوا الله يجمعهم في جنات النعيم المهم ماطول عليكم
والله صاروا البنات يردون الي تاثرت والي بكت وصاروا ينزلون كذا موضوع عنها وكلهم مايعرفونها وحده كانت تقول انها امس كانت معنا داخله الساعه 11 بلليل تخيلوا ماكانت تدري انها اخر مره بتدخل
طبعا دفعني الفضول ادخل ملفها الشخصي واشوف من هي وايش مشاركتها ويعلم الله اني جدا تاثرت
ويوم دخلت تفاجات مشركاتها 99 وحطت بس موضوع واحد والله اني قرات ردودها ومشاركتها كلها وتمنيتها بالالاف والله كان بعد بقرائها الله يرحمها
ردودها كلها نصايح وتدعي لهذه وتدعي لهذه ملفها ابيض ناصع والكلمه الطيبه تلاقينها في كل المشاركات مشاء الله الله يجعلها في ميزان حسناتها حتى موضوعها الوحيد الي كتبته نصيحه خلطه سويتها تراني جربتها خلطه زينه حطتها في قسم تاخر الحمل ورديت على موضوعها احسب بس انا اثاري العالم كلهم ردوا عليها وحده تقول تكفون ادعوا لصاحبت الموضوع بالرحمه والموضوع لحد الحين البنات يردون عليه كلهم دخلوا زيي ملفها وكلهم تاثروا بموتها وشكلهم حبوها زي ماحبيتها كيف كذا مدري
سبحان الله كيف تحبين احد ماتعرفينه ولاعمرك شفتيه ولاكلمتيه اذا حب الله العبد خلى عباده يحبونه ردودها خلتني احبها في الله
والله اني عجزت انام من التفكير لوانا الي توفيت ودخلوا البنات الي مايعرفوني ملفي وشو بيلاقون بيلاقون زي مالقيت انا في ملفها ايش يضرني
لو خليت ردودي كلها ردود حلوه ليش الكلمه الطيبه ناسينها ونزعل من هذه
ونهاوش هذه وهذه غلطت ومدري ليش الدنيا ترى ماتسوى والواحد مصيره اليوم او بكره بيروح ليش مايخلي له ذكرى حلوه يذكرونه فيها والله الدنيا ماتسوى
هذه مشاركتي اتمنى تستفيدون منها
والكلمه الطيبه مافي زيها وليكون شعارنا دائما قل خيرا اوصمت
000000000الماهرات