شوفوا وش صار يوم شربت دواء اخوي

:D :16: السلام عليكم ورحمة الله وبركاته

كيفـcom وش أخبارcom وش علومـcom << يمديكم على الحركات

مابي أطول عليكم <<<<<<<< تكفين طولي

المهم أنا جايبه لكم قصتي يوم شربت دواء أخوي

على فكره قصتي كلها مغامرات ركزوا بس :


المهم أبدأ القصه :

مرتن من المراير كنت متهاوشه مع أخوي دايم يهزأني إذا طلبت منه شي يرفض

وأنا لاحول لي ولاقوه مالي إلا هالكمبيوتر

وهالشوكولاتات عاد ذاك اليوم نفسي شينه وماعندي شوكولاتات أتسلى عليها

وأدق على راعي البقاله ابيه يوصل .. طيط .. طوط .. طااط ..

أنا : ألو << بكل براءه
الهندي : الووووووو << بنفخه تقولون أصغر عياله
أنا : فيه توصيل أبي شوكولاته وعصير
الهندي : مافيه توصيل الا عشره طراااخ السماعه بوجهي أنا ؟.؟

المهم إكتأبت وضاق صدري رحت فتحت الثلاجه وأنا سرحانه واطلع أكل واحطه على الدولاب ..
الا فيه ذيك الغرشه ( الزجاجه - القاروره ) جايبها أخوي أمس كنها دواء
واستغربت وش ذا ؟.؟ المهم قلت يابنت ورى ماتذوقينه ماراح يضرك لو ذقتي شوي
وذقته إلا .......


7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7


شوي وأكبر وأكبر وأكبر وأطلع برا البيت
وكل مالي أكبر لين صرت أكبر من المملكه بشوي وقعدت أفكر وش أسوي الحين
لقيتها .. استانست وانتهزت الفرصه علشان أصفق اللي يقهروني <<<<<<<< أكبر همها
وأروح لم واحد قاهرني مرررررررره بس من قال اني بصفقه بحركه بسيطه أشيله بأظافري
بس للأسف ماعرفت قام يركض من مكان لمكان ماقويت أصيده <<<<<<<< حشى خروف

الا وأضغط عليه بإصبعي في الأرض علشان مايروح واتنيوط <<<<<<<<< كلمه من أيام جدتي الأمريكيه

والقطه بالملقط واحطه على راس إبهامي وأقربه عند وجهي
وأقوله تذكر يوم تهاوشني ذاك اليوم << تراه أخوي بس لاتعلمون أحد
تذكر يوم انك مسوي شخصيه علي يالله طلعها كانك ولد أمك وأبوك
وأمسكه زين واضغط بين الإبهام والسبابه علشان مايطير واطلع راسه علشان يتنفس
أخاف يموت <<<<<<<<< حنونه
تعرفون هو يتخيل أنفاسي وأنا أتكلم رياح شماليه شرقيه

والا اعصار ترنادو << بتعلمكم انها تعرف جغرافيا

تدرون وش سويت به ؟.؟
عاد وأنا أكتمه بإصبعي شوي أنزل السبابه ،أرفع السبابه
أنزل السبابه ، أرفع السبابه ، هبلت به بالعربي خليته يرشخ رشخان على وزن يصيح صيحان << يازين المذله

وقلت له تدري انت الحين زي مين زيك زي النمله .. لا وش النمله النمله كنها جمل( بعير ) عندك
وامسكه مع عصقوله وأقول به كذا <<<<<<< فهمنا
يعني دودلته مع رجله وراسه تحت المهم وأقوله : عطني فلوس والا مامعك
قال : إلا معي يالغاليه قلت : أبي اذا طلبت منك أي شي تقول حاضر
قال : ابشري من عيوني << صار ملاك هخهخهخهخه

المهم وأدودلته ثانيه وانفضه الين طاح كل اللي معه ..
المهم وأقوله هالمره سماح لاعاد تعودها يالله انقلع لاعاد أشوفك
يوم جا بيروح قلت تعال حب راسي وامسكه بالقوه خفت يطيح في شعري وعاد ماألقاه
المهم قلت : يالله انقلع والا أقول لك تعال اختصر لك الطريق
واحطه على بطن يدي وأهفه إلا وهو طايرن فيذاك <<<<<<< حشا شريره

المهم وأطلع في الشارع وآخذ 200 سياره أحط كل سياره تحت رجل
واتزلج بس زحمه مايكفيني الشارع وأروح لمدرج الطيارات
وأحط كل رجل على مدرج واتزلج .. الله وناسه
إلا وأحس شعري يحكني وأحكه هااا وش ذا ؟؟
وألقى طياره ناشبه في شعري على بالي قمله
خفت يصير شي أشوى صارت طياره ولاقمله
عاد هالطياره كانت في السماء تطير وقريبه للمطار
وعلشاني طويله نشبت في راسي ما أمداها تفرمل << تفرمل قصدك تلف

المهم وأرجع لوسط البلد وأنا جوعانه وأوقف عند البقاله
وأهزع ( كلمه سديراويه بمعنى أدنق أتوكأ) << والله وصرت اتكلم سديراوي بعد <<على فكرة تراني مو سديراويه
وش أسوي كل المصطلحات صعبه اللي يعرفها يشرحها

وأناظر مع الباب بعيني عاد عيني أكبر من فتحت الباب
وأشوف هاللي يتراكضون خايفين وش فيهم ؟؟
الناس مايشوفون الا البؤبؤ عشان كذا خافوا يحسبون بؤبؤي كوكب
وخشتي توصل أذاني من الوناسه
المهم قبل مايروح راعي البقاله وامتسعه (( يعني مسكته )) مع فنيلته بالملقط
تعرفون الملقط له أهميه هالأيام
جاك الموت ياتارك الصلاه ..
المهم وصلنا يوم مسكت الهندي راعي البقاله ..

تعالوا شوفوا وش سويت به :

قلت له روح إنت ووجهك جيب لي ببسي يا لله ويجيب لي

وعلشان مايروح ربطته بخيط مكره << ذكيه
أعرف حركات هالهندي المهم ويجيب لي ببسي علبه قلت وش أسوي به
هذا ينشب في الأسنان روح جيب ببسي العائله ويجيبه ..
جيت أفتحه قلت موب لازم وأبلعه بقارورته ياحليله كنه كبسوله
وأجر الخيط الين أقرب الهندي لعيني وأقوله روح جيب لي آيس كريم وببلاش
ليه يوم أقولك فيه توصيل تقول مافيه توصيل إلا بعشره ريال
وجع وش ضارك لو انك موصل لي بريالين هاااااا
شوف (( جنت على نفسها براقش )) تستاهل ماجاك
وراح يجيب لي بس ماهنالي جاب لي كرتونين وبلعتهم على طول
المهم صرت أطلب كل اللي أبيه وهو ينفذ طلباتي أنا كنت شبعانه بس ودي أطفشه
وأفكر وش أطلب .. ايه روح جيب لي حلاوه مصاص
وراح وجاب لي وبعدين أخذته مع راسه وأكمخه
الين صارت عيونه كذا ==> قلت لاعاد تعودها اذا طلبت وصل على طوول
موب تميصل على عمتك <<<< قويه

هو يقول : تيب انتا كويس << طلع الحتسي ( الحكي )الزين
المهم ويروح يجيب لي الطلبات عاد هو من كثر التفرفر بين الرفوف انقطع الخيط
وهو يرووح لآخر البقاله ويقول : انتا همار كبير انتا مافي كويس توفيه << يتفل علي
قلت أنا توفيه أوريك يالهيس الأربد <<<<<<< للأسف مدري وش معناها
ضمن عمره قال هذي مافيه أمل تدخل البقاله وأدخل ملقطي
وأحورف به يمين وشمال ماقدرت أوصل له وإذا قربت يدي ماعاد أشوف
ماتكفي فتحة الباب يدي وعيني مع بعض بس وراك وراك والزمن طويل
وأفكر وش الحل إيه لقيت الحل قمت وهديت الجدار وأدورعلى الهندي
مالقيته وأقرب من الثلاجه وألقاه وراها وآخذه وعلى طول أفتح فريزر اللحم
وأحط الهندي فيه يستاهل قر قر قر

ورجعت للبيت وأنا مستااانسه قلت الناس الحين خافوا مني وأنا ماني عملاقه مره
ورا ما آخذ جرعه ثانيه علشااان أكبر بزيااده << ياشين الطمع


المهم وآخذ جرعه ورا جرعه وشوووي إلا.......



























أصغر وأصغر وأصغر لين صرت أصغر من النمله
قلت وش اللي صار يافرحه ماتمت لو جلستي على كبرك يل تاتو ياطماعه
كان ماصار اللي صارالحين كلهم بينتقمون منك
وأدخل من تحت باب غرفتي وأنا أصيح

والحين بعد ماحاولت وحاولت أرجع لكن مافيه أمل

أوجه نداااء لأهل القلوب الرحيمه اللي يعرف دوااء أو أي اختراع
يرجعني لحجمي الطبيعي يجيبه لي وراااح أدفع له ملااااين وملاااااين

وبكذا انتهت قصتي ..

طحيااااطي القزمه


منــقـــــــــــــــــــــــــــــــــــــــــــــــــــــــــــــــول