مرحبا بنات اخباركم ابدخل بالموضوع على طوووول والله فيني غصه مايعلم بها الا رب العالمين ابيكم تعلموني وشلون اتصرف مع هالاوااادم قسما بالله باطق
هاذا يابنات مثل مابعضكم يعرف اني عند حموله ساكنه معاهم كل شي مشترك بينا ماغير غرفتي وغرفه عيالي اللي لي السالفه مو هاذي السالفه انهم يحبون يحشرون خشمهم بكل شي طقت نفسي مو معناة انهم معاي بنفس البيت بيحشرون انفسهم بكل صغيره وكبيره طفشت حتى مع ولدهم وتصرفاته واهو مثل الخروف يجرونه وين مايبون ابقولكم سالفه صارت وانتو احكمو وش رايكم فيها
قبل يومين تهاوشت انا وزوجي والسبب انوه جا من دوامه ونام كم ساعه وصحى وقال حطي لي غدا عاد تعرفون النفسيه اول ماالواحد يصحى نزلنا تحت ولقيت اهله حاطين الغدا لسا ماتغدو وجلسنا معاهم نتغدا بعد ماسلمت على خالي لاني ماشفته لي يومين ماشفتهمن رجعت من اهلي لانه دوامه مخلبط مايجي الا العصر عاد قام خالي يتشرهه هاذي ام فلان وينك انتي في البيت وين الناس قام زوجي ماغير يلوي في هالبراطم ويتافف عاد كملتها خالتي وقالت باستهزا ايه تدولنا على كنز فوق ابتسمت وانا بداخلي نار من حركتها تبي تشب النار تنجن ليشافتني بغرفتي يجيها شي ماتتخيلونه يمكن تقولون بنات مع خالتك حق المفروض ماتجلسين بغرفتك طول الوقت بس انزل عند مين مااحس الدور اللي تحت فيه ناس الا الظهر بس وقت الغدا وبعدين كلن بغرفتهاللين وقت النوم وزوجي راس ماله لقمه الغدا يحطها بفمه وماعاد اشوفه الا وقت النوم انزل عند مين اجلس بغرفتي اشوفلي كم شغله اسويها احسن من اني ارتز تحت ومافيه احد ويجي علي اوقات يابنات تقفل نفسيتي ماودي اقابل احد من صجه عيالي اويمكن يجي يوم متهاوشه مع زوجي فالنفسيه تصير مرره ماودها تقابل احد تنسد حتى والله على عيالي
المهم اكمل السالفه ومن هاذاك الوقت وهو زعلان علي وطبعا كان يوم الرواتب يدور الزعله عشان فيه صرف فليسااات وتطلع هالفلوس منه بعد طلعت الروح وكان اهو وده اصلا يزعل ولقااها عذر لهوطلع فوق وانا غسلت المواعين وطلعت اكلمه ولاحتى يردعلي ماكني احكي ابد قلتله انوه اهلي ماخذين استراحه ابي اروووح قال مافيه رووووحه ارتاحي خلاص وقفلي السالفه قلت طيب وش فيك تكلمني من طرف خشمك قال كذا مزاجي بكيفي يوم شفته كذا واتركه واروح الغرفه الثانيه وجواتي نار تغلي لبس وطلع وكان يوم اربعا قضيته مقابله الجدران مع عيالي البيت كله طالع رجع بعد خمس دقايق وجايب خبز بريال وطلع يبغى يقهرني بالحركه يبغاني اتهاوش معاه عشانه واعدني يعشيني بهاذا اليوم وسكت وتعوذت من الشيطان وماررجع عمي الا الساعه 3 الفجر كل هاذا على الساعه عناد لي صحيت من بكره الساعه12 الظهر ولبس وطلع ولاكلمه ومارجع الاالساعه 8 بالليل حط الخبز بريال وبرضوه طلع طبعا كل هاذا مقهووووووور اني ولا فتحت فمي ولا باي كلمهرجع هاذك اليوم بدري الساعه 11 ونص ومن شفته فتح الباب ودخل وانا معطيته ظهري يابنات واللهماعاد طقته من تصرفه البايخ ونطلته لي بالبيت كني جدار المهم جا من بكره وطاح اللي براسه ويرسل بنتي لي يقول قولي لامك تلبس وتلبسكم بنروح للثمامه مع اهله قلت قولي له ماراح اروح بتقولون ليش مارحتي حارمني من الطلعه يومين اقولكم يوم تكرم علي بيطلعني لاومع اهله مو بلحالنا
ارسلها مره ثانيه قال اجل يقول بابا لبسينا بنروح معاهم لبستهم وراحو معاهم وانا كنت عارفه انوه بيزعلون اني مارحت معاهم مو عارفين اللي سواه ولدهم فيني ويحكمون من عقلهم رجعو بدري ما طولو على المغرب دخلو علي عيالي وشوي دخل ابوهم ويتميلح ومدري وششلون عاد انا ساعتها موب طايقه من جد فتحت باب الغرفه وطلعت اكل شي كنت جايعه واهو جلس بالغرفه شوي الا يرسل بنتي لي تقول بابا يبيك واطلع له وانا اكلمه من طرف خشمي ابي اعلمه ان حركته جدا بايخه سالني عن ملابسه اختاري لي لبس طلعت له لبس وبدون اي كلمه مني وبس طلعتله لبسه طلعت مره ثانيه وتركته ولاحتى سالته ليه تلبس وين بتروح اهو طبعا انقهر ليه سافهتني ليه التطنيش ومارجع لي الا الساعه 12 ومن دخل برضوه وانا معطيته ظهري ومن عطيته ظهر ي سمعته يبكي قلت احسن ياما بكيتني جت على هاذي تستاهل واليوم يابنات مسافر مع دوامه من الصبح وماشفته الا اللحين ادري قاسيه بس وشريكم بحركته لا ومسافر ولاحط بيدي فلس واحد يمكن نحتاج شي ومخلي الخلق يتعطفون علينا مستضعفنا قبل شوي نادو بنتي اهلها وجلسو معاها الله وكيلكم ماخلو شي ماسالوها عنه وفي الاخير عشتكم امكم ولا لا يعني بيصيرون احن مني على عيالي قمه السخافه وكنت قد عشيتهم خلاص الا واهم طالبين من المطعم ويجلسونهم بعد ماخلصو اكل يعني فضله اكلهم بنتي تقول اكلنا شوي وقمنا بس من جد قهرتني الحركه وش رايكم فيها مو اهم متقصديني فيها الزم ماعلينا عيالنا احسهم كذا قلة ادب ووقاحه ماتوقعت انوه خالتي تطلع منها هالتصرفات بس مو منها احسه من تحت راس بنتها بس بيجيها يوم الزبده ابي تعطوني رايكم وشلون اتصرف مع زوجي ووشلون اتصرف مع اهله تعبت وانطقت نفسي من التفكير اناحيه والا اناحي اهله تكفون ابي دعوه منكم بتسخير زوجي واهله يارب العالمين
ليدي فوفه @lydy_fofh
عضوة
يلزم عليك تسجيل الدخول أولًا لكتابة تعليق.
بنت الـــــــــعرب
•
مادري احس لما بكى كسر خاطري سامحيه على شاني حرام
اما تسامحه عشان خاطرك خليه يبكي ولو مره عادي اهم شي يعرف قدرك في الاخير واهله عامليهم بالتي هي احسن وبرسميه
انتي عوبه ..
ماشاء الله قلبج قوي وقاسي ..
اعوذبالله من الشيطان كبرتي السالفه من لاشي ..
عادي ياماما الرياجيل موكل شي تبينه يسوونه
عشان طلعه سويتي سالفه وخالتج كبيره طنشي
فكري كل يوم بروحه اليوم عايشه بكره من غير شر رايحه
ارحميها وطنشيها عشان يزيد حبج بقلبه ..
ماشاء الله قلبج قوي وقاسي ..
اعوذبالله من الشيطان كبرتي السالفه من لاشي ..
عادي ياماما الرياجيل موكل شي تبينه يسوونه
عشان طلعه سويتي سالفه وخالتج كبيره طنشي
فكري كل يوم بروحه اليوم عايشه بكره من غير شر رايحه
ارحميها وطنشيها عشان يزيد حبج بقلبه ..
الصفحة الأخيرة