شوفولي حل احترق قلبي وعقلي وقف تفكيره

يااخواتي ابي ادخل بالوضوع على طول....لاتنصدمون وتقولون الموضوع طويل مالنا خلق نقراه لا والله انه مشكلته عويييييصه بنسبه لي.. انا ام لثلاثه ابناء ولدين وبنيه الله يخليهم ويصلحهم ويخليلكم عيالكم ويصلحهم الكبير عمره خمس والثاني عمره اربع سنوات مشكلتي ولا تضنون انها تافها لا والله بعض المرات لما اشكي على احد ابي حل الاقي نفسي ابكي من الحره والموضوع.............. ولدي الكبير دايم ينزل عند جدته تحت اللي هي ام زوجي واثرت في شخصيته لانها تكرهه في اخوه اللي اصغر منه ووانها دايم تاخذه معاها ويطنشون بالثاني ولدرجة انها تقوله جيب نعالك ولحد يشوفك لدرجة اني اشوفه بالصدفه ياخذ نعاله ويتلفت
ويمشي شوي شوي علشان لحد ينتبه له امسكه واهاوشه واهدده بالطق اذا عادها ويقولي انا مالي ذنب كله من جدتي هي اللي تقولي سوي كذا واحرمه من الروحه اللي هي تكون متفه انها توديه وتتصل تيلفون ولا ارد عليها وتصعد عندي وتكسر كلمتي عند عيالي اذا قلت لها انا معاقبته قالت لي والله يروح ولا علي منك لا وتقول عقدتي الولد وله انه بيكرهك اذا كبر والمصيبه ولدي يسمع كلامها وهي تكلمي بالطريقه هذي.. مااقدر اعاندها وعيالي يشوفون افهمها انه اللي تسويه غلط ولا في فايده وافهمه هو وبعد مافيه فايده وبعد في شي ماقلته انها خلته يتعلق بولد بنت اختها وتقوله هذا اخوك واخذ ولدي مايقول الا فلان اخوي وفهمته وفهمه ابوه ويقولنا راح اسمع كلامكم ولما ينزل عندها تخليه يسوي اللي تبي ولما يصعد عندي وافهمه يقول هي اللي قالت لي واقوله لا تسمع الكلام الغلط اسمع كلام امك ولا ينفع الكلام وبعد في سالفه صارت لي انه مره كنت ابي انومهم عاد قالي وهو يعد على ايدينه ويقول (اناوجدتي اللي هي ام زوجي وجدتي فلانه اللي هي جدة زوجي وعمتي فلانه مانحبك ) بذمتكم شيصير فيك لو ولدك يقولك هالكلام كان اللمبه مسكره وقمت ابكي بكي ولاحبيت انه يسمعني وقلت له من قال لك هالكلام قال هم يقولون لي علمت زوجي بلي صار وانجن لان مابدينه حل وكذا مره ينهيهم عن هالتصرفات ولا في فااااااااااااااااايده وعلى فكره لما شفت ان الخراب كله منهم لا وبعد يعلمونه شلون يكرهني اتفقت انا مع ابوه انه ماينزل لهم واستمرينا ثلاث ايام على هالحال وقامت جدته تتصل وتقول وين فلان انا ماشفته وتبكي وانكسر خاطرنا وخليناه ينزل ورجعت حليمه لعادتها القديمه والله انا اتمنى اطلع في بيت بروحي والسبب هالحركات بس مشكلتي انه زوجي وحيدها

تكفون شوفوا لي حل اخلي الولد يحب اخوه ويدافع عنه صدقوني مليت

وياريت من الاخوات المشرفات يتركون موضوعي ولايشيلونه الا اذا شفت حل لهل المشكله الكبييييييييييييييره بنسبه لي ولزوجي ولا تستهزؤن بالموظوع تراه مصييييييييييييييبه بنسبه لي

انطر ردكم باقرب فرصه