يا بنات في احد زي و لا بس انا و زوجي حالة شاااذة هههه ، اول ما اتزوجت اول رمضان في بيت زوجي ، اسوي نفسي سنعة و اروح اشتري معاه مقاضي رمضان ، و هو ما اتكلم و لا قلي شي طول ما انا اقضي ، اشتري سمبوسة و فيتمو و شعر كنافة و سميد و كريم كراميل ... الخ القائمة الرمضانية ،، المهم و اليوم الاول من رمضان اتشملل في المطبخ و اسوي زي الناس سمبوسة و حلى و طبعا تعرفو اكلات رمضان من شوربة و غيرها ،، و أم زوجي ساكنة معانا , انا قبل المغرب احط السفرة طبعا محد اتكلم لا زوجي و لا أمه ،، و أول ما أذن جلسو معايا على السفرة و أكلو تمر و شربو موية و قهوة عربية و بس ،، و بعد كده زوجي نزل يصلي و هي كمان دخلت تصلي ي غرفتها و بعدين رجع من الصلاة احسب يكمل الفطور و حتى امه ، ما قربو السفرة ، جلسو على التمر و الموية لين صلاة العشاء و انا جلست اكل لوحدي ، احسب الأكل ما عجبهم ، و قعدت 3 ايام اسوي نفس الشي اخر شي قلت لزوجي الاكل ما يعجبكم و لا ايش حكايتكم ،، ابغى احل اللغز ،ههههه ، قلي يا قلبي اطبخي لنفسك اي شي تحبيه ، انا و امي ما نفطر الا تمر و موية و بعد التروايح نأكل زي العادة يعني اللي نحطه ايام العادية في الغداء يحطوه بعد التروايح ، فهمت ايش يبغو بالضبط ، فصرت اسوي الغداء عادي بدون حلى بدون سمبوسة بدون شي ، زوجي يقولي انتي سوي لنفسك اللي تبغيه و لا تقصري على نفسك و الشي اللي ناقصك اكتبي لي وانا اشتريه لك ، بالله كيف يجيني نفس افطر لوحدي ، اصلا كيف يجيني نفس اسوي لنفسي بس سمبوسة او شوربة او حلى ،، و سبحان الله مع الايام اتعودت معاهم ،، نفطر تمر و موية و قهوة عربية و نصلي و نريح و بعدين نروح التراويح نجي نحط الطبيخ ،، بدون اي شي من قائمة رمضان ، صار لي 7 سننين متزوجة اتعودت على طبعهم ، و ما اشوف السمبوسة و الشوربة و الفيمتو الا اذا عزمنا احد في رمضان او لو رحت بيت اهلي في رمضان ،،
في احد زي و لا بس انا ، في البداية كنت اتضايق و احس رمضان بدون الفيتمو ما يمشي الحال بس دحين خلاص اتعودت ،، يعني انا مرتاحة من لف السمبوسة و من سفرة الفطور و اهم شي غسيل الصحون بعد الفطور ههه ،، زوجي يقول احسن شي البطن يكون مو مليان عشان اقدر اصلي التروايح و انا نشيط ،، و يقول يكون عندي وقت طويل ادعي بعد الفطور ،، و اخواته كانوو متعودين زينا بس بعدين لما اتزوجو اتطبعو بطبع ازواجهم و صارو يعرفو القائمة الرمضانية ،، يعني انا ما قضيت شي لرمضان ،، بس زوجي امس جاب ذبيحة و خضرة زي العادة ،، يعني وقتي كله مو في المطبخ ،في الايام العادية ام زوجي تطبخ عشان نرجع من الدوام نتغداء بس في رمضان اساعدها لانه راح نأكل متأخر يعني ساعة او ساعة و نص و انا مخلصة دحين ابغى اعرف فين احد زي ،، و كمان نسيت اقولكم السحور بس يتسحرو لبن مع عيش صامولي حااااف ما ادري ليش ، و اتعودت برضه زيهم ، زوجي يقولي العيش الصامولي مع اللبن يمسك البطن و ما يخليك تجوعي ،، نظرية غريبة ،،
golden eye @golden_eye_1
كبيرة محررات
يلزم عليك تسجيل الدخول أولًا لكتابة تعليق.
بالعكس ماشاء االله حلو عليهم ودامك تعودتي خلاص وانا ما اعرف اكل على طول بس مويا وتمر لين اشتهي مع اذان العشا كذا ابدا اكلبالعكس ماشاء االله حلو عليهم ودامك تعودتي خلاص وانا ما اعرف اكل على طول بس مويا وتمر لين اشتهي مع...
يعني انتي كمان تمر و موية ،، احس بس احنا ، ههههه ، بس من جد التمر يعطي طاقة حلوة لما تصلي التراويح ما تتعبي ابدا ،، و ترجعي نشيطة بس لما كنت بيت اهلي نأكل ما كنت اقدر اصلي من الثقل و حتى احيانا نفسي انام على السفرة ههههه
والله كويس احسن بكثير بسماظن فيه زيكم خخخوالله كويس احسن بكثير بسماظن فيه زيكم خخخ
ههههه ، حتى اخواتي بالمرة يستغربو ، امي في العمارة اللي قدامي ، كانت ترسل لنا في رمضان اول سنة لما اتزوجت شوربة و سمبوسة و حركات ، قلت لها لا ترسلي محد عندنا يأكل ،، استغربت ،، قالت أجل ايش تأكلو ، قلت و لا شي ،، بس موية و تمر ،، لين بعد التروايح ،،
الصفحة الأخيرة
ودامك تعودتي خلاص
وانا ما اعرف اكل على طول بس مويا وتمر لين اشتهي مع اذان العشا كذا ابدا اكل