أنا و :arb: ناويين نعمر خلال السنة أو السنتين الجايات بإذن الواحد الأحد...إدعو لنا بالتساهيل:( ..
المهم..بما إني مفتونة بشي إسمه تصميم -يمكن الفراغ مشكلة:22: - ,,قمت أطقطق على مواقع الديكور,, وحملت برنامج DataCAD اللي طلع براسي الشيب!!:eek:
ونصحتني ’’ملكة الحسن’’ الله يجزاها الجنة إني أستخدم برنامج الرسام لأنه أسهل..
بس انتبهووووووو تقارنون بيني وبينها!! تراها ماشاءالله تبارك الله شغل محترفين,, وبالقياسات وبالمليمتر..
أما أنا فتصميمي زي ما تقولون sketch عشان يعطيها زوجي للمكتب الاستشاري اللي يبي يعطينا التصميم اللي تعتمده البلدية عشان الفسح..
وقبل لا أوريكم التصميم,, حابة أعطيكم كذا معلومة عشان تعطوني رايكم بخصوص التصميم بدقة:42:
أولا: الأرض مساحتها 450 متر مربع,, وعلى شارع واحد فقط..
ثانيا: أنا وزوجي متعودين لازم يكون لنا على الأقل غرفتين, لأن جلستنا ومكتبنا وتلفزيوننا مستقلين عن باقي البيت,, لأن:arb: دقيق ومرتب لأبعد الحدود,, ويحب يكون كل شي نظيف وبمكانه 24 ساعة باليوم,, وبنفس الوقت أنا مدرّسة وأحتاج مساحة لمكتبتي وكمبيوتري..
غرفة النوم نفضلها تكون سرير وكومدينو وشوفينيرا فقطططططط..والملابس مستقلة,, ودورة المياه-أعزكم الله- مو مفتوحة على غرفة النوم..أنظف وأرتب..
حبيت يكون مجلس العائلة بالدور العلوي,, عشان يكون الدور الأرضي استقبال بس ودايم على سنقة عشرة ..وبس..وسلامتكم..
وعلى ضوء هالمعلومات,, شخبطت لي هالتصيميم <==تراه تصغير وقلت أشاوركم فيه..أخاف ياخذه ابو الشباب للمهندس و نتفشل ..
في انتظاركم:)
غرفة النوم اللي في الدور العلوي (على اليمين تحت)
مو من الافضل يكون باب دورة المياة مفتوح على الغرفة
وننتظر صور البيت باذن الله
ومشكورة على الصور يالغلا