نواعــم :

يالله انك تحيي بسمة براءة , والله تبين الصدز ان اللي جازلي هرجتس العسل , شكلتس من حكاكة بريدة ههههههههه ياحبي لقلبتس !! ماشاء الله وش هالتصميم اللي وش ملحه ؟؟ بس اصبري قبل لا اقول ملاحظات ابسئلتس سؤال : وشلون لقيتي صور الكنب والسجاد والدرج , الرسام مافيه هذي المخططات !! علمين بسرعة وش طريقته حتى نفتح انا واياتس مكتب استشارة هندسية نسائية !! تصدقين ان تنجح , نخلي الحريم يشرحن على كيفهن ونرسم لهن المخطط , ياسلام والله جازت لي الفكرة , حتى تصير عصفورين بحجر , نآخذ خبرة , ويصير عندتس فلوس زيادة للعمار الملاحظات : 1- الصالة خليها كلها زجاج , حتى يطل على المسبح , والحديقة , حتى تكون ( منشرحة ) وتوسع الصدر , ويجيها نوور الطبيعة ... 2- مجلس الرجال صغير , وصالة الطعام كبيرة , حاولي تعدلين عليه 3- مجلس الرجال كونه هو واجهة البيت فياليت يكون من الأمام نص دائرة وتكون الدرايش كبيرة , يطلع شكلها حلوو جداً .. مثل هذي , ولا تشيلين هم من ناحية الكنب , فالآن افضل لمجلس الرجال يكون غير مفرق , بحيث يستوعب الأعداد وما يآخذ مساحة !! فانا اعتقد ان تطبيقك للصورة هذي افضل بكثير من اللي انتي حاطته , وتبي تدعين لي ان شاء الله !!! لانه نفس تصميمك بس فرق بسيط !!!! 4- غرفة النوم غير قابلة تكون دائرية , حاولي تخلينها غرفة الجلوس أفضل , وغرفة النوم تكون بمكان غرفة الجلوس !! 5- غرفة المعيشة العلوية اعتقد اخذه مساحة من الدور العلوي , وايضاً وجود باب لها في غرفة النوم غير مناسب ابداً , لذلك انا اقترح ان يكون مكان المعيشة هو الصالة , وغرفة المعيشة تستغيلنها بشيء أفضل ... اعتقد الدور العلوي يبي له تعديل ... 6- لاحظت انكم ماحطيتوا ( قبة ) علوية , ما ادري وش السبب ؟ مع ان الآن هي الأساس بحيث تعطي المكان وساع ... والشيء الثاني نصيحتي انكم تزورون بيوت في اغلب مناطق المملكة حتى تستفيدون منها !!! قبل لاتعتمدوون المشروع !!!

يالله انك تحيي بسمة براءة , والله تبين الصدز ان اللي جازلي هرجتس العسل , شكلتس من حكاكة...