شوفو زوجة اخويا الاولى ايش سوت>>استوفي الردود

السلام عليكم ورحمة الله وبركاته
حابة ادخل في الموضوع ع طول
اخويا متزوج وعنده اطفال5 ولده الكبير بسادس ابتدائي و اصغر واحد عمره سنتين
علاقتنا بزوجتة مره معدومه متزورنا ولا نعرف اطفالهم (لو اشوفهم بالشارع مااعرفهم) المهم كان اخويا يسمع كلامها بس للامانه مو مقاطع امي يزورها كذا مره في الاسبوع والمصروف الشهري يديلها اول باول ويساعد اخواني بدفع الاجار(وهذا هو السبب اللي خلت مرته تقاطعنا بحجة انه مو مسؤول عن امي لما اتزوج) مراح ادخل بتفاصيل
المهم له تقريباً سنه وهو يقول لامي وليا ولاخواتي زوجوني،واحنا كلنا رافضين نقوله حرااام تشتت اولادك،
لما شافنا رافضين راح خطب وصار كل شي وقبل الفرح بااسبوع قلنا مو عشان شي .هذا شرط اهل العروسه انه اهلك لازم يحضرو الفرح،،احنا عند راينا مصمييين منزوجك ولا نحضر فرحك( امي تقوله ذقت طعم الضره،ماراح اذوقها لاي احد من حريم عيالي،والشي اللي مرضاه ع بناتي مرضاه ع بنات الناس) حاااول لحدت يوم الفرح واحنا رافضييين،وكلنا طلبنا منه زوجتة الثانيه منشوفها ،يومة الفرح مر ع امي واخواتي وهما كلهم رافضين،
لما جا عندي وطلبني قلي انا اخوك وابغاك توقفي معايا،
قولتله انا اكره ماعندي احد اتزوج ع زوجته .وهيا كل شي مسويته له ،،تبغاني احضر فرح اخويا لزواجه الثاني ،،مستحيييل جلس يترجاني قولتله ع فكره اللي ماخذها ماابغاها تدخل بيتي ولا ابغ اشوفها،قلي اطلبي اي مبلغ تبغيه انا مستعد اديك هو قولتله مو انا اللي تشتريني بفلوس،(يعرفني احب الفلوس هههه)خلي زوجتك ام فلان تروح،قلي ماتدري.
قولتله ليه ماقلتلها قام يطلع اعذار ومن ضمنها انه مايبغ مشاكل لحدت مايتزوج بعدين يقولها..
محد حضر الفرح من اهل العريسس،يعني في القصر كان بس اهل العروسه،،
المهم اتزوج وسافر اسبوعين العسل.انا سالت امي قولتلها قال لزوجته قالت لا لسا بعد مايرجع من السفر،انا مرره انقهرت ع حال زوجته انها مهي داريه وعائشه وماتدري انه زوجها بحضن وحده ثانيه اه ياقلبي
قلت لامي اذا قال لمرته وراحت لبيت اهلها زعلانه لاتمسكي عياله،خليه يعرف غلطه فين،امي قالت مستحيييل اخدهم انا مالي خلق اربي من جديد،وماراح ادخل في حياته هو يصطفل مع حريمه،،(وكل يوم نزن ع راسها لا تاخذي عياله،اتزوج يتحمل كل شي،،ليه مكان يجيبهم زمان،دحين يبغاك تربيهم عشان وناسته،انتبهي توافقي)
بعد ما رجع من السفر وكمل شهر قال لزوجته،زوجته مازعلت ولا قالت شي،،قالت الله يوفقك وخلاص يوم عندي ويومين عندها انا راضيه،طبعاً اخويا فرح وكلم امي وقلها انه زوجته وافقت ولا زعلت ومتوقع ردت فعلها(بصراحه حتى امي واخواتي،انا قولتلهم وربي واللي خلقني ناويه ع نيه بس اصبرو،اللي منعت عيالها اننا نشوفهم ما راح تمرر الموضوع بسلام،طبعاً في اللي ايدني وفي اللي قلي لا هيا تحبه ووووو)
بعد ماقلها بااسبوع كان يومها دخل البيت مالقاها واطفالها نايمين،اتصل عليها مترد وجلس شويه ورجع اتصل اتفاجا انه اخوها يرد عليه( اهلها مو ساكنين في المدينه،يعني حجزت وسافرت وخططت من غير مايدري اخويا،،ماشاء الله عليها،،اخذت كل شي مهم لها،عشان كذا طلبت يومين عند الجديده عشان ترتب امورها )
بعد الكلام والمناقشات،قله مالك زوجة عندنا بدون مشاكل ومحاكم ارسل ورقة اختي،،واطفالك خلي الجديده تربيهم،
اخد عياله وجابهم لامي ، ( امي تقول لما شفتهم بكييت اول مره تشوفهم ،تخيلو الكبير عمره 12 سنه امي شافته لما كان دوبه مولود في المستشفى وبعدها ماشافته ،اما البقيه نهائياً ماسافتهم،،تصدقو بالله جالس يعرفه ع اسماهم هذا فلان وعذي علانه،،،
وقلها بكل وقاحه جبتلك عيالي يجلسو عندك،امهم سافرت وخلتهم وانا عريس فرحان اه من الرجال اللي ماتهمه الا وناستتهم،،.
امي رفضت انها تمسكهم،
لف ع اخواتي والكلرافض،انا ماكلمني عارف ايش راح اقوله،كلم اخواني رفضو حريمهم،،
راح للعروسه الجديده عصبت واتخاصمت معاه ورفضت تخليهم عندها،رجع لامي قالتله انا مستحمل دوشة اطفال ،في الليل نام عندهم وفي الصباح روح عملك ولما تبدا الدراسه كلهم دخلهم المدارس في الصباح،،وانت روح عملك،قلها باقي الوقت قالتله خليه بين البيتين،،لما اختي حكتني ايش صار،
رحت اتصلت ع اخويا،اخويا فرح يحسبني بااخدهم،، قلتله كيف وضعك قلي نفس الكلام اللي قاله لامي
قلت ماشاء الله زوجتك تعرف تفرق بس ماتعرف تجمع،عصب عليا قلي اسكتي ماسمحلك تتكلمي عليها،قلت هذا وهيا ماكملت شهرين اجل بعدين ايش راح تسوي،
رخا السماعه بوجهي
رحت رسلتله ع الواتس وsms. عشان انضمن انه شافها
قلتله مسوي فيها رجال وتزوج حرمتين ومنتى قادر تربي الثانيه،المفروض تجبر خرابة البيوت انها تمسك عيالك،،لو كانت فعلا تبغ الستر تلم عيالك،بس هيا همها تزوج وبس، ياترجع الاولى وطلق الثانيه،ياتربي الثانيه وتخليها تمسك عيالك غصبن عنها،، او خلي اللي زوجك يربي عيالك،،ولا بس يعرف يعرض بناته ع الناس،،
بعدها ماكلمته ولا كلمني،،
ولما بدات الدراسه مره حاس واتبهذل لحدت امس،جا لامي وقلها طلقت الثانيه وراح ارجع الاولى عشان عيالي،،(الثانيه طلقها وتقريبا لها ثلاث شهور متزوجه)
قالتله امي حرام عليك تطلق الثانيه بنات الناس مو لعبة عندك،خاف الله عندك بنات،،
عصب ع امي ايش اسوي ماتبغو تمسكو عيالي وامهم ماتبغ عيالها وانا متزوج غيرها، ياتربيهم وانا عندها ياماتاخذهم
والثانيه تقولي ماني مسوؤله عنهم ولا اعرف اربي اطفال(بس تعرف تخرب بين بيتين)
انا تعبت مااعرف انام مرتاح ولا اجلس مرتاح،قالتله امي كنت مرتاح مع الاولى، قلها ماكنت مرتاح،قالتله فين هذا الكلام ماقلته زمان لحدت ماكبرو عيالك،قام يطلع مبررات .
اليوم اخويا راح يسافر ويرجع زوجت
ايش رايكم بتصرف زوجة اخويا الاولى