بسم الله الرحمن الرحيم
سبق ونزلت صورة عزيمتي
وطلبو مني البنات طرقتي في طبخ الذبيحه
معليش تأخرت عليكم لكن الله كنت مشغوله مره ومافضيت غير ألحين
نشوف الصور أول
ماشاء الله تبارك الله
نجي للطريقه:
نغسل الذبيحه زين ونحطها في قدر واسع ونحط عليها مويه بارده
ونحطها على النار ونشيل الزفر أول بأول
بعد مايغلي الماء وينتهي الزفر نحط عليه بصلتين مقطعه مكعبات وملح
وورق الغار وخولنجان وقطعه صغيره جوزة الطيب ونقفل عليه الغطاء
على بال ماينضج اللحم ننقع الرز أنا أستعملت أبو كأس
ونقطع بصل جوانح رفيعه ونحطها في مقلاه مع شوية زيت ونقلب البصل إلين يصير لونه ذهبي بعدين نضيف عليه زبيب مغسول وشوية كركم (ملعقه صغيره)
ونقلب شويه بس علشان مايحترق الزبيب ونخليه على جنب
ألحين بعد ماأستوى اللحم نشيله من على النار
نأخذقدر وسيع وننحمر فيه بصلتين ومع شوية صلصه وماجي وهيل حب وعود قرفه
بعد ماتتسبك الكشنه (نحرص ماتكون حمراء يعني شوية صلصه بس)
نصب الرز عليها ونغرف من المرق المصفى من ورق الغار و...
ونشوف القدر المناسب من المرق اللي يكفي لإستواء الرز
ونخليه على النار إلين يبدأ يغلي و بعدين نقصر على النار ونغطيه بقصدير ونخليه يستوي
على راحته
إذا قرب يستوي نأخذ برأس الملعقه الصغيره صفار الزعفران ونذوبه بمويه حاره
بعدين نصبه فوق الرز في النص (إنتبهي تكثرين صفار حتى مايصير الرز كله أصفر)
ونرجع نغطيه
على بال مايستوي الرز نأخذ اللحم ونحطه في صينية الفرن تكون كبيره تشيل ذبيحه
ونوسي خلطه(غرفة مرق +ذرة صفار زعفران+ملح+ بهارات+زيت+بيضه)
نخلطها زين بعدين ندهن وجه اللحم وندخله الفرن يتحمر
بعد مايستوي الرز نأخذ البصل والزبيب المجهز من قبل ونرش على وجه الرز ونقلب
وهكذا ونخلي ثلث البصل للتقديم
نصب الرز في الصحن ونحط عليه اللحم بعدين نرش باقي البصل على الوجه ونقطه فلفل
رومي حلقات وليمون نزين بيها الوجه وكم حبة فلفل أحمر حار
وبالعافيه على قلوبكم