شوفو موقف سلفتي واحكمو بالحق

السلام عليكم السالفه وما فيها يا اخواتي باختصار انا اعيش في مدينه غير مدينة اهلي وماعندي اصدقاء او اقارب امون عليهم المدينه مليانه لكن كلن في سبيله وفي نفس المدينه يسكن اهل زوجي وانا احاول اكون علاقه مع اخوات زوجي لكن هم من النوع الي مايثق في احد ولا يحبون كثرة الاختلاط وسلفاتي ثلاث ثنتين كبار واولادهم متزوجين وازواجهم اخوت زوجي من الاب والثالثه تقريبا في عمري وزوجها خليص لزوجي حصل لي معاها موقف لا اخفيكم انني تاثرت كثيرا منه فانا وهي واثنتين من اقارب زوجي نجتمع بين كل فتره في احد المرات جاءت سلفتي وقالت ان زوجي يقول لو تعلم امي مارضيت باجتماعكم وهم كانو مجتمعين عندي قلت انانفس كلام زوجي لكن انا وعدته اني اجمع اهله الخميس على شانك يافلانه اقصد سلفتي لانها يوم الاربعاء تروح لاهلها قالت لااجمعيهم الاربعاء اذا بغيتي لاني هالاسبوع مرتبطه المهم انا ماجمعتهم على شان وحده من خواته مسافره وانا اساسا من دريت انها مسافره ماقلت لهم شي المهم جاء الاسبوع الثاني وفي يوم الثلاثاارسلت رساله وقالت وش صار عليك ان زوجي يقول اعزمي اهلي هالاسبوع انتي عزمتيهم الخميس الي فات قلت لها لاماقلت لهم وهالاسبوع هذا مااقدر لاني ابسافر واجلته للاسبوع الي بعده ردت برساله وقالت ياخساره اجل منتب حاظره عزيمتي الاربعا ء هذا المهم انها حطت العزيمه تبي تقولون وش المشكله :44:المشكله انه ضاق صدري على منافستها لي عند اهل زوجي وبين انه فيه غيره منها ولا ليش مافكرت تعزمهم الا لما شافتني ابعزمهم الحين ابي منكم وشلون اتصرف معها وهل اكمل الدوريه الي بيني انا واياها وثنتين من اقارب زوجي والا انسحب منها لاني مااتحمل اخالطها وهي ماتبي لي الخير وعلى شان تتضح لكم الصوره مره كنت اسولف معها وقلت ان فلانه زعلانه علي ليش اعزم ارجال من دون حريم جت هي بعد هالكلام باسبوع وتعزم نفس الناس حريم :44:لو انتم مكاني وش اتسوون وكيف تكون علاقتكم معها وانا عاد ابعزم اهل زوجي هالاسبوع بس احس انهم يبي يقولون قلدت اوغارت