شوفو وش سوى معي زوجي ..وردت فعلي هالمرة..

السلام عليكم..
زوجي ياطويلات العمر لسانه سليط .. وجارح ضغط يحطو كلو فيني ..حتى بالمزخ مايراعي..
وعلى اي شئ تافه ..يغسل شراعي .. ويرفع اشياء ويرميها علي وانا المس له العذر تلو العذر ..وارضى بالكلمتين المعسولتين لي يقولهم ..ولايلبت ان يعود لطبعه اكثر واشد من قبل ...طبعا اهلي تدخلو و نصحوني بالتحمل وهورجال ومعذور بانشغاله .. وانه وانه وهذا امام مسامعه والرجال ماصار يردعه اي شئ وهذا اكبر غلط سووه اهلي يناصحوني قدامه ويحطو فيا اللوم ..والمرة لازم تصبر ولازم تتجرع عشان اولادها ..والرجال تمادى اكثر -.. وانا خلاص مابق فيني حيل اتحمل بعد.. طبعا مسالة الفراش ماحدا مطلع عليها -وح اجيكم بالحكي عنها وانها اولى خلافاتنا-


بقى ثلات ايام واحنا متزاعلين والسبه اني طلبت منه شراء حاجيات ضروريه بقالي مدة استناها وكان النتفق انه بيشريها قبل رمضان..ذكرته بالاتفاق وقلت رمضان علابواب ..كان مجرد نقاش..
هب فيني صراخ وزعيق وانتي ماتفهميني ..وانتي تبيني اسرق واجيب لك..
وانا اهدي الوضع ..وقلت خلاص ميخالف ناجلها لبعدين ..وانصرف مشى وراح وعاد لقى الواح كان اشتراها مكسورة .الله العالم مين كسرها ..دخل في هستريا غضب فظيعة..وراح يضرب ولدي ..وقال له انتا لي كسرتها والولد يحلف موهو لي كسرها ..واناهنا خفت يكسر جسمه ولااي شي .. قمت قلت له خله لاتضربه ..وبعدين انت ماشفته ..ووالله قلتها بادب وراعيت غضبه وكمان ماهان علي ولدي ..اشوفه كسير ..
فجاة شفت عيونه تطير منها الشرر وهب فيني اطلعي برع ..ووالله ماتقعدي ببيتي للحظة وحده..
ورح يرمي الادوات ويزعق علينا ..واولادي يبكون ..وقال انتي كسرتي اللوحات وانا اقسم له اني ماشفتهم ولا كسرتهم ولا صدقني..وتم يحلف ح اطلقك..يعني اطلقك ..لمي اغراضك ووالله ماتبقي عندي دقيقة..
ولا اقولك نادي اهلك ياخذونك ماابيك ....قال انا بخلي لي مايسوى يتفرج فيكم ويزعق..ويشقق ثيابه .
انا هنا قلت له ابشر ح اناديهم بياخذوني..وماقلت له شي ثاني...طلع ..ورجع اهدا ..مما كان..
وشافني مبوزة ..واشتغل بس النار بداخلي.. قام يبيني اكلمه وكان شئ لم يكم ..
ويدور الزله ..اناانفجرت فيه هالمرة..وقلت له مايكفي انك حارمني حقي الشرعي..وكلام ماهالقبيل..
-يطول لين ياتيني-بحجة الضغوط المالية..وانافعلا كنت اداري واسامح ..
قام هنا يصارخ واتهمني بشرفي!!!!
..وقال اصلا ماعجبتيني..يوم شفتك وجاب سيرة لمن كما مخطوبين ..وبدا يخبص بالحكي..
انا هنا انهرت وقلت ابيك تطلقني دامني ماعجبتكو..لحد شرفي وبس ..
فقام ..يرطب الجو كلش وانا مصرة على اقوالي وبداخلي اصرار لوقف تماديه..عليا بالكلام
وقام يتعذر بالضروف والضغوط ومدري شنو...وقلت له قلت لك.. فيوم لسانك بيوديك في داهية..
وانا الصراحة مليت من حدة لسانه ..وتجريحاته الوسخة..

اصريت ع كلامي و رحنا عند المحامية تبعنا ..وطلعنا الدور الاول ..وقابلتنا السكرتيرة..وحجزت عندها وهنا صار وجهه الوان من الاحراج..
المهم غرضي كان اسشارتها حتى تعطيني نبذة عن حقوق المطلقة ومنها تاخذ عليه تعهد مايعيد يلمس شرفي بكلمة..اذا تكرر الامر..وماكان هدفي اتطلق!!!
لكنها اتصلت واعتذرت بانه عندها جلسة ..ولايمكن تقابلنا .. هنا الرجال استراح وابتسم وقال للسكرتيرة بلاه الموعد الغيه..
وح نرجع.. من نفسنا يوم تكون فاضية..
مشينا وبالسيارة قام يعتذر وانه ماقصد الشي لي قاله والله اني يوم شافتك قلبي تزعزع وقلت مابيعطوك اهلك..!!! اها بس قلتها حتى اكسر راسك ويقول ماقصدت اجرحك لكنك ماراعيتي ظروفي.. ..ليش انا وش قلت له حتى يكسرني..
طبعا ككل مرة يعسل بالكلام ..وانا بداخلي براكين تغلي ولا نطقت معاه بكلمة..بس اناظر فيه ..
وهو الحين يبي يراضيني ..وكل شوي يتحركش فيني وانا بقمة القهر منه ..ومااحاكيه الا للضرورة...