شوفو وش صارلهم باليلة الدخله بالتفاصيل ؟؟؟؟خطيره للكبار فقط

صباحكم ورد
اخباركم
عندي لكم قصة صارة في ليلت الدخله بس للكبار فقط
خوفا من التعقد للبنات اللي مابعد تزوجو :S_45:
وعشان ما يطول هرجي هاكم القصه




انه ابو قذيله الافدغ :arb: <<< يسمونه الافدغ لتنسيم في راسه يبيله رقعه ماحصلو مقاس جمجمته ...
بالرغم من انه الافدغ عرف بنات كثر شعر راسه الا انه ماقدر ينسى اول نظره رمقته به ام القنازع بنت جيرانهم يوم تطل عليه
من الدريشه يوم جا يدور اخوها ابو شدوق << يسمونه تسذا لانه براطمه من كبرهن يتمدد على وحده ويتلحف بالثانيه لاجا ينوم
من يومها والافدغ مايحلم ولا يتخيل الا عيون ام القنازع
وفكها السفلي حيث انها يوم ضحكت بغت تنشب بسنونها في طرف الدريشه <<<< حشا خرامه
وبالرغم من صغر سنها الا انها تمتاز برجاحه عقلها حتى انهم في بعض الاحيان يسمونها ام راس لنظرتها الثاقبه للامور وبنات حارتها يحسدونها حيث انها مضرب للامثال ومضرب للذبان في نفس الوقت :D


ومرت الايام متسارعه ولكن ابو قذيله لم ينسى محبوبته التي سرقت لبه وفؤاده وكان كل يوم يروح لحارتهم ويوقف عند راعي البقاله يشتري منه بنص ريال علك ابو سهم وبنص سن توب صغير ويقعد يمزمز في ذالسنتوب ويطرقع بهالعلك ويناشق لعل وعسى القمر يبان ويطل من الدريشه

لين تجرأ يوم وقال لامه انه يبي يتزوجها يوم علمها ولا امه عصبت :angry2: وصارت
عيونها بقمه راسها <<< وكانت امه تمتاز بالمرونه في جفنونها يعني تقدر تسوي بها حركات رياضيه واحيان تلعب بهن جمباز


المهم يوم عصبت امه الاهي تقوله اطلع برا يالافدغ لاتخليني ارتكب فيك جنايه تراني معصبه اجل تبي تتزوج وانت ماعندك الا قمل ثيابك :angry2: <<< حتى قمل ثيابه طلع مستلفه من اخوه يعني ماعنده ولا شي

قالها يمه مافيها شي انتم زوجوني وانا بدور لي وظيفه لا اعرست
قالت له ومنهي اللي بترضى بواحد ماعنده ريال
قالها بنت جيرانا تعرفينها يمه هي بنت ام ابو شدوق <<< مشوار


ويوم الخميس اللي بعد راحت ام ابو قذيله (( الافدغ )) لبيت ام ابو شدوق وخطبت له بنتها ام القنازع وتمت الخطوبه والعرس بدون أي خلافات والحمدلله لانه ام ابو شدوق كانت تبي تخلص من ام قنازع باي طريقه يعني ماصدقت تلزق فيهم البنت يبحلون بها

وليله العرس وبعد انتهاء الحفله انتقلووو من صاله العرس الى شقتهم المتواضعه وسط موكب كبيرررر من السيارات بقياده اخوها ابو شدووق واخوه ابو نخرور لين وصلو شقتهم
وفي الصاله عند طقم الكنب الاصفر <<< كل بيتهم اصفر و ازرق يقاله نصراوي

ورغم رداءة ذوق الشقه وتواضعها الواضح
الا ان ام القنازع اعجبتها مره :27:
ماهي الا لحظات ويقترب ابو قذيله من عروووسه وينظر لها بنظره فيها من الخبث القليل وفيها من الدلاخه والغبااء الكثير واخذ يحرك لها حاجبيه ويمسك طرف شاربه ويفتله وهو يقهقه
قالها : يوووه ياقنزوعتي مابغيناا
قالت له : طلبتك يالافدغ استررر علي
رد عليها وقد احمررر وجهه ووصل الضغط عنده مليووون قالها : وش فيك يابنت؟؟؟؟؟؟؟ وش استر عليك فيه ؟؟؟
قالت له والدموع تنهمررر كسيل الربوع : تكفى يابو قذيله لاتعلم امي او احد اخواني باللي صار بينا
وقتها زمجر ابو قذيله وقام يطرطش نار مع
خشمه واذانيه واصبعه الاصغر قال: وش اللي صار يابنت ما امدانا؟؟؟؟؟؟؟؟ :eek:
قالت :لاتعلمهم اني فصخت عباتي وانك شفتني بدون شيله <<< ابوووك يالدلاخه
في هاللحظه بدات تهدا انفاسه والنار اللي تطلع منه تحولت كابتشينوو وقال :
<
<
<
<
<
<
<
<


لاتخافين يابنت انا اخاف عليك اكثر من اخوانك ولانيب اعلم احد بس انتي خلي عباتس هنا من تسمعين جرس الباب القطيها ولا من شاف ولا من درا <<<<<<< ابووو من زوجك ياشيخ
وانتهزز ابو قذيله انبساط عروسه بموقفه الشهم معها :icon18:

ورجع خوينا لعروووسه بيقولها تعالي غرفتنا وهو يلقاها تمددت على الزوليه الزرقا اللي بالصاله وراحت في سابع نومه ولفت عباتها حطتها تحت راسها كنها مخده يوم شافها وهو يناااشق من القهر وقعد يلعن اليوم اللي عرف فيه رويشد

في اليوم الثاني صارت الساعه 8 الصبح الافدغ نايم بغرفه النوم وام قنازع متلحفه بعباتها ومتوسده زوليه الصاله شوي ويدق التلفون
الا هي ام ابو شدوق :icon28: تبي تطمن على بينيتها ردت عليها وهي مرتبكه وريقها ناشف قالت لها ابد يمه انا بخير متى بتجوون تاخذوني؟؟؟
ردت امها اصصصص وين ناخذك له؟
انطمي ووجعه عند زوجك وطوط طوط طوط


بدات ام قنازع ترتاح وتحس انه اهله موب طابين عليها وشايفينها وش تسوي وش تخنبق عدلت نفسها و راحت تشوف زوجها لقته منسدح بالغرفه وعيناه تحجرت فيهما دمعة بلهااء وفي وجهه
غصه وقهر واحساس بالظلم قالت له : صباح الخير يابعد طوااايف اهلي ياالمبه حياتي << ليتها ساكته :D


قال لها بدلاخه : يعني تحبيني ؟؟؟؟ !!!!
قالت : يووه يا فدوغتي وش احبك مابين الزوجين حب
قم بس لاتزعل خل نفطر ونروح نتمشىى شوي
قال بلؤم : بنفطر ونرجع غرفتنا وبيسهلها ربك :S_45:
قالت له : تم
وبعد الفطووور وهو يشغل التلفزيون ويروح للحمام ويرجع يشوووف شي ما كان بالحسبان
قنزوووعته متمدده في الصاله ومتكيه على ايددينها وتتفرج على الكرتون في القناه الاولى وصوت كركرتها لين اخر العماره
وقتها بسسسسسسس حس ابو قذيله انه ربك ماسهلها وانه الوضع محرج وانه منحوووس طول عمره حتى اليوم اللي ضحك
فيه للدنيا تفلت بوجهه
وانه لابد من اللجوووء للحرب والهجوم او لجوووء للطرق السلميه ولهيئه الامم المتحده ودول عدم الانحياز





خطط الافدغ وعروووسه الشمطاء السفر لماليزيا لقضاااء شهر العسل تولمووو وجهزوو شناطهم وكانت عباره عن شنطتين سمسونايت زرقااء عليها شخط اصفر مااايل وكيسين فصفص لزوم السهرات الحمراااء وملابس سباحه لابو قذيله وكندرتين وزبيريه لام القنازع وسشووار يشتغل بالمويا
ويوم السفر حضرت كل عايلاتهم لتوديعهم
وفي الطياره حااارب ابو قذيله بكل ما اوتي من مكر ودهااااء ليحصل على كرسي جنب الدريشه وفي اول صف عشان يوصل اول واحد


وعند الوصول وفي ارض المطااار توهق السبهه مايدري وين يدربي راسه ولا وش يقول لين شاف تكسي وقفه وقال نبي اوتيل قالهم اوووكي وركبووو وشخط فيهم راعي التكسي ولف بهم كل شوووارع كوالالمبووور وهم في سبات عميق نيام ويشاخرووون وبعد ساعات ليس يقليله فز ابو قذيله من نومته لقى نفسه يفترش الرصيف هو وعروووسه الرقطاااء وشناطهم حولهم كل قطعه بناحيه اثرهم انسرقوووو هم مايدرووون :icon33:


قامووو لملمووو ثيابهم وهم يشعروون ببالغ الحزن والاسى ومراره الغربه تكاد تطرشهم وقالها يابنت مايبيلها اما نصير ذئاااب ولا بياكلووونا هالجحلط اجل نخليهم يقصون علينا ويخلونا فريسه لهم؟ لاوالله وانا ابووو قذيله انا اوريك فيهم

وراح لاقرب مكتب استعلامات وطلب منهم يوصلونه لمكتب السفاره السعوديه وفي السفاره ماقصرووو سوووله بلاغ في الشرطه عن مواصفات اللي سرقهم ورقم التكسي

راااااااااااحو لاقرب مطعم راقي ..............
وهم يووووصلون وذابحهم الجوع نادووو المتر وطلبووو منه اكل عربي قالهم اوووكي وشوي يقدم لهم عصير احمر في قزازه باااااااااااااااارد وله ريحه يااللله الستر يوم شافه ابو قذيله حب يسوي نفسه فاهم قدام زوجته قال يااااااااااا الله هذا عصير توت رهههههههههيب قد شربت منه في سفرتي الاوليه مع العيال مره بارد وطيب للكلى والتهاب البول اشربي منه :icon29: خخخخخخخخخخخخ


في اليوم التالي قررو يروحون للشاطي قالها بنروح نصيد سمك وربيان يقولون هنا الشاطي مليااان سممك مليان فسفووور <<<<< يسمع بالمقويات
قالت له ابد قدام وراحو للشاطي ابووو قذيله لابس ثوووب الاصيل وشماغ البسام وطاقيه عرضها شبرين وام القنازع لابسه تنوره صفرااا فيها ورود وفراااشات وضفادع وكل البرمائيات والثديات اللي في الطبيعه ويوم وصلوو الشاطي قالت له ابي اسكريم
قالها يامره استحي تبين تاكلين هالعسكريم قدام الرياجيل والله عيبه <<<<<< نسى عصير التوت خخخخخخخخخ
قالت له ابد ابي اسكريم ولا بصيح قالها انثبري بروح اجيبه لاتكلمين احد ولا تويقين لا اجي اسطرك بكف
قالت طه
راح الدلخ يجيب العسكريم وهي قاعده على الشاطي وتلفت يمين يسار ابد كل البشر هنا اشباه كلهم يالله لك الحمد توووم :huh:
نفس الملامح نفس الشعر شوي وتشوف واحد منهم يناظرها ويغمز <<< المسكين يعطس حسبته يغمز
الا وهي ترتبك وتتلخبط خايفه من سبع البرمبه زوجها
ويوم جا قالت له وربي هو اللي غمز لي انا ماناظرته وتصييييييييح
قالها ايهم بس اشري لي عليه وتاشر ام القنازع على واحد غيره
بس من الدلاخه مهيب تفرقهم عن بعض كلهم اشباه خخخخخخخخخخخخخخخ
ويروح له ابو قذيله وهو نافخ صدره ومكشر عن انيابه <<<<< ماعنده انياب استلف الفك السفلي من ام القنازع الذي يمتاز
بمسكه مخلبيه وراح لم الرجال اثرها من دلاختها ماشره على مدرب الغوووص وهو رجل يمتاز بالبنيه الرياضيه والعضلات المفتووله وحريف كاراتيه <<< راح ابو قذيله في خبر ليت وهاتك يااااضرب وصار ملطششه الشاطي كل من تعدااا ياخذ له كم كف على وجه ابو قذيله مع صوره تذكاريه وكل ذا بدولا ر <<<<<<< يابلاش خخخخخخخخخخخخ
وقرر ابو قذيله الاتي













انه من خرج من داااره اتقل مقداره :icon33:
وبابن يجيك منه الريح حط له مفتاح اربعطعش.....
... ومالك ومال الزواج لو كان بابك من زجاج
ورجعووو على اول طياره لارض الوطن و اول مشوار قام به ابو قذيله هو لحارتهم القديمه وهاتك يانصب على العيال وهات ياا فشخره لين اعماهم

وش راااااااااااااااااااااااااااااااايكم