شوفي غداي لاهل زوجي

السلام عليكم ورحمه الله وبركاته
كيفكم بنات وش اخباركم
يوم الاربعاء ياحبيباتي كان عمي مسافر وطرى في بالي اني انا وزوجي دام عمي مسافر اسوي الغدا ونروح نتغدى عندهم (ترى اهل زوجي في الشقه اللي بابها جنب بابي مابيننا ولا خمسين سانتي خخخخ)
المهم وسويت الاتي طبعا كنت بصور وجهزت كل شي عشان اصور ومابقى الا استنى زوجي عشان الجوال معه لكن للاسف جاء مستعجل وقال يلا تجهزي على مااودي الغاداء وتحطمت

المهم طولت عليكم
خذوا
او طبق
سويت افخاذ دجاج بالفرن
وطريقته
تبلت الدجاج قبل اربع ساعات ولو كان اطول يكون افضل وتبلته بالاتي
1 زبادي
فصين ثوم
صلصه طعام الكميه حسب الرغبه
خل كمان حسب الرغبه
ملح
فلفل اسود

بعد اربع ساعات حطيت الافخاذ في صينيه بايركس ودخلته الفرن وخليتخ ساعه الا ربع وفتحت القصدير وخليته يتحمر
يقدم مع سلطه الطحينه ستذكر بعد قليل

وكمان من الاطباق الرئيسيه سويت مكرونه بالبشاميل
زهي سلقت مكرونه في ملح وزيت
لما استوت غسلتها وحطيتها على جنب
سويت الحشوه بالتونه
وهي بصل يتحمر يزيت مع مكعب واحد ماجي وفلفل اسود وصلصه وتونه طبعا كل وحده وطريقتها بالحشوه
جبت الصينيه وحطيت طبقه مكرونه وبعدين الحشوه بعدين طبقه مكرونه


الباشميل
علبه قشطه مع ملعقتين كبار من الجبنه الاكواب والمايونيز ودخلتها الفرن الين تتحمر

الفطاير
سويت لفائف التوست
طريقتها حمسي التونه في بصل وفلفل رومي وبهارات وملح وجزر مبشور الين يتغير لون التونه

بعدها جيبي التست واقطعي حوافها وافرديها وضعي مسحه من الجبنه الاكواب او مسحه من المايونيز انا عملت وحده بالجبنه ووحده بالمايونيزوهكذا حتى خلصت الكميه وبعدها دخلتها الفرن الين ماتحمرت زين وخرجتها اذا تبونها مقرمشه لاتغطوها واذا تبونها لينه عطوها في قدر او زبديه بغطى

نجي للسلطات
سويت سلطتي المفضله وهي
طماط
خيار
جزر
طرش اومخلل مشكل
وتبلتها بالخل والليمون والملح

وسلطه الطحينه
حطيت طحينه الزبديه اللي يغطي القاعده وحطيت لبن الين ماشفت لا خفيفه ولاغليظه وسط وبحسب رغبتك بقوامها وتبلتها بملح وخل وليمون وفلفل اسود وبكذا طلعت احلى طحينه
وكل من ذاقها اخذ طريقتها حتى زوجي من كثر مامدحها اشتهوها زملائه في الطلعه عالعشاء ودق سالني عنها ومررررره عجبتهك
طبعا العصير كنت بسوي لكن تعبت واخذت عصير جاهز
والحلى ماسويت
يلا الله الله بالردود اللي تشرح النفس عشان مخصوص اسوي مره ثانيه عزومه واصورها لكم