شوية ثرثرة وفضفضة ))) أبيكم بنات

السلام عليكم


كيف حالكم يابنات حواء 
انا اليوم حبيت أفضفض لكم شويه واسولف معاكم
انا يابنات سبق وانخطبت وماصار نصيب والحمد لله خيرة لي من رب العالمين
ناس ماكانوآ مريحين أسألتهم جداً ملقوفة يسألون انتي تصلين النوافل!!!
>>>أتوقع هذا شي بيني وبين ربي اوكي نسألك عن الصلاة مثل لمّا الوحدة يخطبها أحد تسألون عن صلاته وحتى هو من حقه لكن النوافل مالكم حق ، حتى تسأل تصومي الخميس والاثنين!!!!!!!

المهم انا الحين انحرج من اخواتي لاجابو طاري عايلتهم لأن عايلتهم على اسم القبيلة يعني مشهورة وبتسمعينها كثير اذا هي عالقبيلة
المهم يتغير وجهي 
بالعكس رفضهم لي خييييييييييرة حتى انا ماكنت ابيهم
بس ماادري ليش

حتى لاسولفو عن قرايبنا واسمه نفس اللي خطبني يتغير وجهي!!
واحس اختي تحس 

الموهييم ابي اصير عااادية لاني اصلا مااهتميت ولا ابيهم خير شر يكفي من أسألتهم الملقوفة كم راتب سواقكم !!!؟؟؟؟

المهم انا ودّي اصير عاددي عندي بس مدري اش صاير لي والمشكلة انا ماكنت ابيهم 

خلصنا من هالسالفة

ونجي السالفة الثانية
تدرون عاد بتضحكوون علي انا الحين ابي اعرس عشان ارتاح من بعض نظرات الناس
يعني بنت خالتي بتتزوج قريب ربي يوفقها يااارب أتخيل شكلي لاجيت أسولف واقولها اشتري  كذا وكذا وسوي كذا >> سوالف عن اغراض التجهيز

أتوقع بيناظروني نظرات خالاتي واخواتي
للمعلومية انا اكبر منها بخمس شهور


وتعرفون عاد بعض الناس السامجيييييين اللي يحسبوون المتزوجة شي ومحد قدها وتلاقيهم يرحمو اللي ماتزوجت


تلاقينها تقول هذيك ماشاء الله بناتها يتزوجون لانهم سنعااات ومدح في بنات الناس


حتى احسني توني حتى مو كبيرة 

والحمد لله ثقتي بنفسي كبييييييرة

حتى اذا دعيت لنفسي ودعيت لكم أثق بأن الله سيعوضني ويعووووضكم خير باذنه الواحد الأحد


ونظرتي للحياة تفاؤلية

 بس ابيكم تسولفين علي وتريحووني أكثر وأكثر
ونبي تفاؤل أكبررررررر





عندي سوالف كثيرة بس يوم جيت اكتبها ماعرفت خخخخخخخخ

دعواتي لكم بالتوفيق
ماراح انساكم من آخر ساعة في يوم الجمعة