شوي وببكي بنتي حبيبتي اتعقدددت

حبيتي سحايب

مرة حزنت على بنتك

شوفي عيوني بالنسبة للأكل حرام تحرميها كل شيء

بس بإستمرار أكليها فواكه وخضار من جهة حلوة لبشرتها ومن جهة حتى تقلل

من الأكلات اللي تزيد وزنها وتعرفي الخضار والفواكه ماتزيد الوزن

كمان لما تحرميها من الحلوى لاتقوليلها عشان متسيري دبا لااااااااا

قولي عشان الحلوى ماتخرب أسنانك

وبالنسبة للونها قبل ماتحمميها حطي على جسمها جليسرين وليمون وخليه ربع ساعة

وبعدين حمميها روعة لتحسين اللون وهذا المفروض على طول ولو بدأت من عمر سنتين

كان أفضل

ذكرتيني ببنتي ياحبيبتي هي أنا وأبوها وأخوانها كلنا بيض وهي قمحية

بس هي توها كملت سنتين ماتعرف لكن إن شاء الله ببدأمعها الجلسرين والليمن

حتى الدكاتره بيوصوا عليه

وركزي على حسناتها ودائما ذكريها بيها مثل شعرها اللي قصيتيه الله يسامحك

ودائما إزرعي الثقة بنفسها ولا تسمحي لأحد يشعرها بالنقص لو وصلت إنك

تزغري اللي يتكلم عليها وتقوليلها أنا أشوف بنتي ملكة جمال

الله يحفظ لك بنتك

مافي كلاام ينقال بعدكلام محبوبة وعسل
الي فعلا ماطلع منها الا الدررر والعسل
واتمنى من اللة ان يفك عنك كربك ويعينك

محبوبه وعسل
انا جدا شاكره لك ولردك الجميل
بالنسبه للجلسرين اهو اللي مثل الجلسوليد؟

اما حكاية الاكل والاسئله والله احترت
لدرجة اني اختفلت انا ووحده من الزميلات بسبب ابنتي
في مره ضاق صدري ومعاد قدرت احتمل وبنتها تنادي بنتي يالدبا الفيله واقوم اصرخ بوجهها وامها تزعل
:(
بنتي صايره تكسر الخاطر والله العظيم مره لقيتها تحط ملابسها بكيس نايلو وانا اقولها اشفيك حبيبتي تقول انا خلاص بسافر انا مالي فايده!!!!كلااااااااام كبيررررر عليها
اختي حنين شكرا لردك ودعائك ومحبوبه فعلا ماقصرت وانتي بعد:26:

أهلين اختي سحايب حب
الله يحفظ لك بنتك ويسعدها .
حاسه في معاناتك وتعبك وهذا حال الأم مع ابناءها ..
شوفي حبيبتي أعتقد ان المشكلة الأساسية هي الوزن .... وهذا شي يمكن التحكم فيه اذا كان من الأكل أو عدم الحركة ( يعني ماهو وراثي او بسبب الهرمونات ) .
وبغض النظر عن نظرت الناس لها أعتقد ان الوزن الزائد مشكلة تعيق الطفل من اللعب وربما تتسبب له بالأمراض لا سمح الله والخمول فما تصير حركته سهلة في اللعب مع الأطفال أو التفاعل معهم .
يزيد الطين بله نظرة الناس الآن التي تركز على الشكل وتقيم على اساسها وتنسى المضمون والأخلاق ( وهذا معاناة كثير مانلاحظها من السخرية والأستهزاء على الشكل أو اللون والجمال ... وهذي مشكلة )
وأكيد هذا الشيء بيأثر على شخصية الكبير فكيف بالطفل الصغير وخاصة إذا كان فتاة ...
فانتي حاولي مايبان تأثرك من هذه الناحية أو ان عندها مشكلة ( قناعة داخلية ) واكيد هذا راح ينعكس على بنتك فالأطفال حساسين ويستشفون احساس ابائهم حتى وان لم يصرحوا به من النظرات أو ردة الفعل ....
وخاصة بنتك أعتقد انها حساسة وشفافة وتتأثر بالكلمة .
وبعدين ربيها على ان الأنسان أفعال وأخلاق ماهو شكل وياما ناس كانت أشكالهم ماهي حلوه بس محبوبين من الناس ... وان الأساس التقوى ... ومثل هالكلام باسلوب مبسط لسنها مع ذكر القصص التي توضح ذلك من زمن الرسول صلى الله عليه وسلم ...
باسلوب هادىء مافيه تشنج اوحدة تعبر عن مرارة أو الم من جانبك .. ( يعني انتي الأساس ومن خلالك راح تتعلم الأسلوب الأمثل أو ردة الفعل التي يجب ان تنعكس عليها اذا تعرضت لموقف فيه سخرية أو تهكم )

حبيت اوضح نقطتين من وراءكل هذا الكلام :
1- الوزن هو الأساس ويجب ان تعملي على تخفيفه ليس من اجل الناس وانما من أجل صحتها ثم من اجل نظرتها لنفسها كفتاة .. والبدانه ماهي حلوه سواء للصغير أو الكبير .
وماعندي اضافة في هالمسألة على اللي قالته الأخت محبوبه وعسل... غير ان النظام الغذائي يجب ان يشمل جميع العائلة حتى لاتشعر بانها غير .
2- البياض أو السمار صعب يتغير لكن نظرتها له هي اللي يجب ان تغيريها .
زي ماقلتلك بالأمثله والقصص وان الناس مختلفين وكل واحد ربي أخذ منه شي عوضه باشياء اخرى ربما اجمل.. أهم شي نعرفها وننميها ..
وركزي على الجوانب الأيجابية في شخصيتها وحاولي تبرزيها وتتميز بها عن أقرانها وبكذا تستعيد الثقة بنفسها وتعرف ان الشكل ماهو أهم شي .

وماننسى ابناءنا من الدعاء لهم بالصلاح والهداية والسعادة في الدراين .

واتمنى لك ولأبنتك حياة هانئة سعيدة .

واعذريني اذا ماقدرت أوصلك اللي ابغاه بشكل واضح .

تحياتي .:27:

والله كلامك درر ام رهف والله ينور عليك
بالنسبه للوزن هذا اللي اخيرا توصلت له اني غيرت النظام الغذائي للعائله كلها عشان عيونها
وبالنسبه للون انا مقتنعه ان اللون القمحي جميل بس ودي اخليها على الاقل اكثر نظاره وصدقت والله لازم مابين انفعالي لاني حساسه وتلاقيني ابكي معها اذا بكت واكيد بتكبر المشكله الله ينور عليك لازم ابين ان هالشي مو مهم وان الامر طبيعي لان هذا اللي مفروض يكون خصوصا ان بنتي عاطفتها ماشفت مثلها بطفل مو عشانها بنتي لاوالله كل الناس يستغربون من تفكيرها وعاطفتها الشديده وتهتم بالامور الجماليه اكثر من البنات اللي بسنها
وعلى قولك انا لازم اغير نظرتها للجمال انه اخلاق وروح والله يجزيك خيرحبيتي ويخلي لك رهف