الحلوه المزيونه💕 :

نفس عيالي😅😅 كل خمسه دقايق شكوى على ماخلوني العب مااعطوني يد السوني اخذو يد السوني وانا مالعبت وختموها انه اللي يخسر في السوني يبكي بكى تقولي مات له ميت وانا شلت يد السوني وخبيتها وهم يترجوني اعطيهم وانا طناش لين هجدو واول شكوى اقول هات يد السوني ومن بعدها ماعاد اشتكوا 😆😆 جربي تحرميهم من شي يحبوه وخليك حازمه لاتعطيهم الا اذا وعدوك مايكررو الغلط واللي يستهزء باخوه اللي يتعاقب عاقبيه معاه نفس العقاب حتى مايكررها مره ثانيه والله انهم يطلعوا لك مية قلب ومية عقل حتى تعرفي تتصرفي معاهم بس مالك الا الصبر

نفس عيالي😅😅 كل خمسه دقايق شكوى على ماخلوني العب مااعطوني يد السوني اخذو يد السوني وانا مالعبت...

¤الصبر الجميل¤ :

بصراحه عندي ملاحظه وقارنت بين بيتي بدون أجهزة وتلفزيون وبين بيتي لما دخلت فيه أجهزة وتلفزيون اول ماسكنت بيتي كانت مادخلت فيه لا أثاث و لاتلفزيون ولا غيره بسبب الماديه ضعيفه جدا كانت وبرغبه مني بعد لاحظت عيالي رغم انهم كانوا صغار وقتها ماشاء الله تفاهم ولعب ووناسه، كانوا يصلون جماعه وواحد يأمهم، كان واحد يخلي نفسه خطيب، يلعبون ادوار مثل شرطي وحرامي، كانوا يلعبون بالتراب والماي، يسوون اشكال مختلفه بالطين وكنت اشاركهم مرات بس لو ماشاركتهم اللعب ما كان فيه هالمشاكل والازعاج، والله العظيم بدون مبالغه كان بيت رغم بساطته جنه من الرااااااحه النفسيه ولكن بعد ست شهور دخلت التلفزيون بجوا الأطفال يتركون اللعب الخارجي رغم إني مقننه لهم أوقات المشاهده، بدوا يتعلقون بشي اسمه تلفزيون ومن سنتين لما دخل السوني بيتهم دمروا اكثر، طول وقتهم صراخ وتعييب وتلعين وسب، رغم إنه الحمد لله مانتلفظ لكن ما أدري من يلقطون هالكلام ملاحظه دمااار بعد الأجهزه😩😩 أكيد البعض بقولون امتعي الأجهزه وتخلصي منها خايفه من رد.فعل عكسي لما يكبرون العيال خايفه يعوضون حرمان الطفوله لما يكبرون، خايفه أكون جنيت عليهم إذا حرمتهم ف طفولتهم أثرن الموضوع حبيباتي بالمفيد والحلول، صدقا محتاجين نتحكم ف عيالنا أكثر ونوازن الأمور

بصراحه عندي ملاحظه وقارنت بين بيتي بدون أجهزة وتلفزيون وبين بيتي لما دخلت فيه أجهزة...

ftoomm4 :

واوووو يمممة نفس اللي عندي وربي انه يبكي الواحد وينهار تنفجعين وتجين تلقينه خسر والثاني يتمسخر ويضحك عليه والله تعبت احس ابغى اهج مكان لوحدي اريح شوي من الصراخ والمضاربة

واوووو يمممة نفس اللي عندي وربي انه يبكي الواحد وينهار تنفجعين وتجين تلقينه خسر والثاني يتمسخر...

ام يوسف يوسف :

دخليهم نوادي يتعلمو رياضة سباحة كرة قدم خليهم يفرغوا الشحنة اللي عندهم بستنى يوسف يكبر شوي واحطه في نادي رياضي ان شاء الله

دخليهم نوادي يتعلمو رياضة سباحة كرة قدم خليهم يفرغوا الشحنة اللي عندهم بستنى يوسف يكبر شوي واحطه...

القلب المعطاء :

عندنا وعندك خير لازم هواش كل واحد يقول هو اللي بدا ولايفيد لاكلام ولاضرب يهجدون شوي ويالله يرجعون ثانيه بالنسبه لي جاني تبلد صرت اقولهم تضاربوا هناك لين تشبعون لحد يجيني يتشكى طفشت لاتتقهوين زي الناس و٢٤ ساعه مصدعه ولاانحاش الغرفه وأقفل على نفسي وافتك متعبين الله يصلحهم ويرزقنا برهم بس

عندنا وعندك خير لازم هواش كل واحد يقول هو اللي بدا ولايفيد لاكلام ولاضرب يهجدون شوي ويالله يرجعون...