جزاكي الله خيرا😀

من عمره ال7يبدا العقااب الحرمان المؤدب خليه يروح مع ابوه او عطيه حلاوه الي معاقب ماياخذ شي ويجلس عندك بالبيت


تحت ال7هذول الله يعيننا هليهم اربطي راسك ونامي مايعطونك لاحق ولاباطل تتكلمين من هنا يطلع مناك مايفهموون الله يصلحهم

اصبري عليهم

والله كأنك تتكلمين عن عيالي وايشرك وصلو للثانوي وهم كذا ( ولدين جبتهم ورا بعض والان اعمارهم 16 و17 ) الكبير فيهم يغار من الصغير ودايم يهزء فيه ويعايب عليه وعلى سمنته وان صدره مثل الحريم يبغاله سوتيانه حطمة تحطيم .. وبالتمام مثل ما قلتي بالذات وهم صغار اذا عاقبت واحد منهم الثاني يتشفى فيه ويتبوسم من وراي ،،،
ما خليت ولا بقيت طريقة حتى ضرب ضربت ،، وماشاء الله ولدي اخلاقه عسل مع الناس ويحافظ على صلاته الا مع اخوه ما يرحمه مازال يغار منه

صرت دايم اقول له تراتي ما اسامحك عند الله ( طبعا ما يعترف انه غلطان ) يبدا يحكيني وش سوا وش قال وانا ارفض اسمع منه اقول من البر بأمك لو تحبها انك ماتكبّر المشكلة وانك تتغاضى ،، ومرات اقعد لي فترة ما اكلمهم وازعل منهم
خفت شكاويهم ومضارباتهم واجد ولكن مازالو تقوم هوشة بينهم ولو لاحظتي مثلي ما تقب الهوشات الا عالمغرب اعوذ بالله وقت انتشار الشياطين ودايم انبههم اقول تعوذوا من ابليس تراها شياطين توزكم على بعض ،،

الان ودي لو افصل مل واخد بغرفة لأن شخصياتهم مختلفة عن بعض وحتى شكلهم ما يتشابهون ابد ومل واخد له ميول مختلف عن الاخر والافضل لو افصلهم في غرفتين وكذا يفرض الاحترام بينهم ،، ولكن ماشاء الله الوضع ما يسمح .. ان شاء الله اذا زوجت اخوانهم الكبار تفضى غرفة وابعدهم

وعلى فكرة تراهم يحبون بعض حتى لو كان بينهم هواش ومطاق ،،، لا تظنين انهم يمرهون بعض ،، انا مرة سافرت جدة واخذت واخد منهم وتركت الثاني بالبيت ،،

عاد اللي سافر معي طفش ومل وقال والله معد اروح الا اذا اخري معي ،، يعني مالهم غنى عن بعض لكن هذي شقاوة اطفال تروح مع الزمن

😂