شو ريحتك المفضلة ؟؟

مرحبا باحلى بنات باحلى منتدى باحلى عالم
الصراحة الايام الحلوة بتظل بالبال وما بتنسى ابدا
وانا احلى ايام قضيتها بظلال هالواحة العطرة وبرفقة اعز الاخوات

المهم نخش بالموضوع على طول من فترة فاتت انسة الانكليزي عالصف وكعادتها كل مرة بتسأل سؤال بتخلي العرق يتصبب (طالبة مجتهدة ماشاءالله )
واختكن المشكلة انو اسمها تاني اسم مو بيبدا بحرف الالف بالانكليزي (قال على اساس اسمي عبير :23:)
المهم بلا طول سيرة
المهم هذاك اليوم كان السؤال :11:

شو هي الريحة المفضلة عندك انا احتر شو بدي احكي وقول ؟؟؟لازم جهز الجواب بسرعة فحكيتلا انو اكتر ريحة بفضلا ريحة المطر اول ما بينزل لانو الو ريحة مميزة وكمان من الروائح المميزة ريحة فنجان القهوة اه ياسلام شي بيرد الروح ....
المهم عجبها الجواب :32:
والغريب كان فيه اجابات مختلفة وغريبة فشي يلي ريحتو المميزة ريحة الفريز او الفراولة
وشي ريحة البيبي لما بيكون طالع من الحمام وهلم جرة (مثقفة عربي وانكليزي )

فقلت والله هالسؤال حلو خرج ينسأل لحبيبات قلبي في الواحة
فما بدي تخيبوني حبيباتي
ياريت كل وحدة منكن تفوت وتقول شو هي الريحة المميزةى عندا او المفضلة
لكم شكري وحبي مقدما
اختكم عبير :27: