هلا يالغالية صراحة استخف اذا نزلت وتطلع مني قلوب مثل افلام كرتون ودي اطلع واقول حتي الي في الشارع اني نزلت :27: واذا صرت زايدة انقهر مررة واكرة الميزان الظاهر المرة الجاية ارقدة معاي:27:

:17:

اههههه يالميزان يا من عور قلبييييييييييي

والله يا بنات الوقفه عالميزان تكون مواجة للنفس ... انتي قبل ماتصعدين عليه تكونين متوقعه النتيجه اذا مخربطه تتوقعين الصعود و اذا ريجيم متوقعه نزول ..

لما كنت ماسكه الريجيم كنت اموت عالميزان ..كل ما اروح سوق او جمعيه و اشوف ميزان احط 100 الفلس و اتمنظر بوزني و اكون وازنه نفسي بالبيت 10 مرات بس زياده تأكيد

و الحين ليش اني مخربطه بالريجيمات و الاكل و زايد وزني .. احس ان الميزان عدو و الوقفه عليه اصعب من امتحان الفاينل بمواد التخصص بسنة التخرج من الجامعه ... صعب والله و قلبي يعورني من اشوفه من بعيد

تبون تضحكون؟ .. انا اصعد على الميزان شوووووووووووويي شوووووووووووووي و اقول بسم الله
اخاف اذا صعدت بسرعه و قوه ينط المؤشر اكثر من وزني الحقيقي من النطه عليه

و مرات اسوي مقارنه اصعد بسرعه و وراها شوي شوي و اقارن القراءه

انا اوزن قبل الاكل و بعد الاكل و اقارن

انا اوزن 100 مره باليوم

مع ان الدكتور محمد ربيع كتب لي من بين الارشادات اللي يجب اتباعها خلال الريجيم انه ممنوووووووووووووووووووع لمس الميزان
قال لي لا توزنين نهائيا الا عندي بالعياده .. ابيج اتيين لي خايفه و تحاتين و متشوقه انج تعرفين نزلتي ولا لا .. مو تدخلين علي بشرج و تقولين توني وازنه بالبيت و ما نزل وزني

قال لي التفكير يساعد على نزول الوزن .. مثل مايصير بالناس بالحروب او بالمشاكل .. من التفكير يضعفون .. فلا توزنين علشان تضعفين


لكن لاحياة لمن تنادي يا دكتور انا اشوف وزني 100 مره باليوم و قمت اعرف جم يزيد لما اشرب قلاص ماي و جم ينقص

عرفنا ان الثلاث كيلوات اللي ينزلون اول اسبوع ريجيم سوائل و ترجع بيوم

:17:

الحمد لله فية احد مثلي انا مثل الغالية الكيكة (انا اصعد على الميزان شوووووووووووويي شوووووووووووووي و اقول بسم الله
اخاف اذا صعدت بسرعه و قوه ينط المؤشر اكثر من وزني الحقيقي من النطه عليه

و مرات اسوي مقارنه اصعد بسرعه و وراها شوي شوي و اقارن القراءه

انا اوزن قبل الاكل و بعد الاكل و اقارن)

انا عند ميزان في الحمام وانتو بكرامة وثاني بالمطبخ وثالث بغرفتي الكتروني اههههههه التحطيم اشكال انواع كل ميزان له تحطيم شكل ... عاااد لو اكون نحفانة يووووة مايبقى احد بالرياض مايدري ونااااسة