شو كان موقفك خفتي او لا؟؟؟

تحيه معطرة مني الى عضوات عالم حواء
شخباركم مع خروف العيد عسى كل شي تمام
ابغى تجاربكم سواء الشجاعه او حتى الجبانه مو مشكله خذوا راحتكم
راح اقولكم ان مغامرتي الجبانه لاسف ماطلعت قد المسؤوليه
الله يسلمكم في يوم قرر ابوي يطلعنا من حبسه البيت قال شو رايكم اوديكم الملاهي
ابوي قال هالكلمه واخواني على طول البسوا تكشخوا واوقفوا جنب الباب لان حافظين ابوي يغير مخططاته كل خمس ثوان اتوقع لو ابوي الله يحفظه رئيس دوله راح يصير انقلاب كل دقيقه وعنده قرار
انا حلفت ماحط رجلي في ملاهي بعد هذا الي قاصر احضر محاضرة في الجبر الخطي ولااروح ملاهي واسمع صراخ البزارين الي ودي اشوتهم من باب الملاهي ازعجونا صياح وضحك وضجه في لحظه شيطانيه تمنيت يطحون وتتكسر ارقابهم عشان يحرمون يطبون ملاهي مرة ثانيه اخذت قرار حازم>>>> انا الي اصلح رئيسه دوله :42:
ممنوع الذهاب الى ملاهي الصغار بعد مناوشات واخذ ورد استقر الرأي على ملاهي الحكير
اتصلت على بنت عمي وخذناها معنا في الطريق اسمع اخوي يحذر البزارين الي يسوي ازعاج راح نركبه قطار الرعب قلت خل اصير مغامرة على الاقل مرة وحدة في الحياة واركب هذا قطار الرعب الي مسبب كوابيس لخوي
جريت بنت عمي وركبت معاها واخوي مسكين يحذرنا انه كثير يخوف وان ركب ماقدر ينام
ماصدقته لانه كل شي يخاف منه حتى من ظله
شدينا الحزام وانطلقنا انا وهي بس مافي احد معانا انطلقنا
واسمع ذيك الاصوات الي تجيب الرعب والخوف في البدايه متماسكه بس بعدين ماقدرت استحمل تزيد سرعه القطار وانا رجولي تتراقص من الخوف وقلبي قريب ويوقف
انا اصارخ وبنت عمي تصارخ شكل طبله اذني بتروح وطي
المشكله ان مغمضين عيونا
:35: مانشوف شي ليش نصارخ؟؟؟؟
كل مرة اسمع صوت ذيب او جني اتيبس في مكاني حتى قررت ارمي نفسي واطلع مو مشكله ينكسر لي عظم ينقلع لي ضرس اهم شي سلامه عقلي
من باب الفضول الله يقطع هالفضول فتحت نصف عين ابي اعرف من الي يطلع هالاصوات
واشوف هيكل عظمي يمد يد له:06: عاد في هذه الحظه صرخت لدرجه اني ضليت اسبوع مااعرف اتكلم في نهايه وصلنا بسلام وامان
من الخوف مو عارفين نتحرك جاء لنا شد عضلي والهندي مستغرب يقول انزل مافي لعبه خلص 0 كان ودي اخنق هالهندي اي لعبه انا بغيت افارق الحياة حتى ان شريط حياتي مر جدامي وانا اتخيل في المدرسه وفي البيت اتخانق مع اخوي على التلفزيون واتخيل اني خلاص راح اودع الحياة وانا في زهرة شبابي بس الحمد لله طلعت سليمه
الفشيله ان فيه ولد يقول لخوي شفيهم خواتكم يصارخون مسكين يقول لا هذا مو صراخهم هذا صراخ الي حاطينهم في قطار الرعب:32:
صراحه ماقدرت انام في ليله اذا غفت عيني تخيلت هالهيكل العظمي يمد يده لي صار ت عندي عقدة نفسيه من الهياكل العظميه اتوقع عندي فوبيا الهياكل
عاد يلا اكتبوا مواقفكم واعترفوا ولاتستحون مافي احد غريب