كان ياما كان منذو مبطي من الزمان وسالف المغرب ولاوان
كان فيه شيخ قبيله شديد الباس حاد الذكاء وشجاع وسيع الصدر بلحيل بلحيل الله يخليه لمه ان شالله.مايجيه احد ويرده يغيث الملهوف ويطعم الجوعان ويشوت الجربان
وكان كل افراد حارته اااقصد افرد قبيلته (متأثر بحرتنا)يحبونه
الشيخ هاذا كان اسمه ((طاسه بن اليخاندرو)) <====(بلحيل يحب نفسه)
ذاك اليوم طالع يتمشى الشيخ طاسه على ال همر حقه
(وانيت ابو ثلاث كفرات حق الهنود)بين الطعوس وبين هل غابات وهل خضره ولانهار والبراري ونفود وجالس يسمع اغينة شكيرا (wherever)وطربان ويغني معها ويطاعس من طعس لطعس.الا ويضيع الشيخ طاسه بين هل نفود؟؟؟
وهو جالس يدور دربه الا ويلقى غدير وكان الشيخ طاسه عطشان وجوعان وماسكه معه ياكل ربيان(والله من زين النفس)
قام نزل للغدير من فوق الطعس ولبقى ال همر حقه جنب نخله وربطه عشان ماينحاش.
وهو يربط ال همر الا ويسمع صوت بنات؟ ويلتفت الا ويلقى ذيك البنت الي تصك الراس خق معها جايه مع بنات عمها للغدير عشان يعبون الترمس مويه.
البنت جت وشافت همر موقف وواقف جنبه واحد حلو شق قالت:ويلي ويلاااه ابك شوفو يابنات من ذالمملوح الي واقف هناك يااااااااااويلي من سكسوكته وعيونه وسماره
اصير كشنه انا
المهم مشت للغدير ووقف جنبها الشيخ طاسه وهو يتبسم ومشخص بنت البكار
وقالها:what`s uuuuuuuuuuup
وهي قالت:يااااااااااااويلي ويلاااااااااااه تأبرني هل خشه والله.
المهم قال الشيخ طاسه :يابنت الاجواد من اي العربان انتي وهذي مضارب من؟
قالت:انا اليزبيث بنت الشيخ صحن بن جون .ونت من تكون يوجه الخير؟
قال:ونعم والله .انا الشيخ طاسه بن اليخاندرو .
قالت:انت الشيخ طاسه؟؟؟ ونعم والله لازم تجي عند ابوي وترقد عندنا الليله وكرام الضيف واجب.<=== ماخقت ابد معه
وهو قاعد يسولف معها الا فجاه يطبون عليهم شلة شباب من فوق الطعوس معهم دبابات ويصارخون :ايييييييييييييييييييييييهاااااااااااااااااااااااا اااا
ويدورون حول البنات والشيخ طاسه واقف؟
ويقول وحد من الشباب:مساء الخير يا قمر ؟ ممكن تاخدين الرقم يا عسل ؟
قالت :اليزبيث توكل على الله بس تراك مثل اختي مابي اغلط عليك؟<=== يقالها ماغلطة اللحين
قال:يهوووووووووووووووو إشبووووو القمر زعلااااااااااان مني يهووووووو روق المنقاء وخودي الرقم يا حلوو <==ترى الترقيم من زمان مو اللحين طالع
الا وشيخ طاسه يفز من مكانه كنه اسد ويقول :يا ورع انقلع لا اطلع النباطه(نبيله)ونبطك وافقع عينك فيها؟
قال الولد :ياواد إنتا من هرجك دحينا؟ اقولك اقلب وجهك لا نلعب فيك اتاري انا وشله.وبعدين انتا مين عشان تتكلم عليا؟
قال الشيخ طاسه:ابك يـــــــــــــا ورع انــــــــــــــــا الشيخ طاسه بن اليخاندرو ابك ترى ان ما انقلعت بفقع وجهك بلكمه خطافيه وسبلكس خلفي.
قال الولد:ياوووووووواد سيبك من الكلام هادا لا افروشك دحينا
.انتا شكلك ما تعرف انا مين؟ يوااااااااااد انا لؤي يواااد اكولك اكل البرشومي حبه حبه قال الشيخ طاسه:اسمع يا ورع اقلب وجهك على صفحة اربعين لا الخلي وجهك ساحة ال بكدلي حقت المنبولي
بعد كذى تطاق الشيخ طاسه مع لؤي في مطاقه اعتبرت من المعارك القويه في تاريخ العرب بعد حرب البسوس حيث ان الشيخ طاسه تغلب على لؤي بعد سجال دامخمس دقائق فقط .
وبعدها فقع لؤي وشلته من ساحت المعركه بعد ان اصيب بي مخش في خده الايمن وكسر اظفر يديه اليسرا
وكانت في هاذا الوقت اليزابيث فاااااقه مع الشيخ طاسه وخايفه عليه من لؤي
قالت اليزبيث:احلى يا قوي انت يا قوي على كذى لازم تجي اليوم عندنا لانه اليوم عيد ميلادي فيه حفله ودي جاي فله يعني تعال.
هي قالت كذى خق الشيخ طاسه:مخزبقوجع وين الثقل انت وجهك)وقال:لا دام فيه دي جاي اجل جاي روحي قولي لبوك ان اشيخ طاسه جايه اليوم ان شالله.
راحت اليزبيث بعد ما ملت الترمس مويه هي وبنات عمها وهي متشققه من الفرحه
لقت طاسة احلامها ااااقصد فارس احلامها لا ومعه بيجر بعد ورقم مميز وبنفس الوقت قعد الشيخ طاسه على الغدير وقال شعر في اليزبيث بعد ما شافها ودخلت طاسته ااقصد قلبه وقال:
يا بنت شفتها تدحدر من فوق النفود معها بنات عمها تبي تعبي الترمس
جت تمطرخ كنها وجبةالفاست فوود وقلبي يتمطرخ لين انه بحبها تكرفس
الي اخر القصيده المذكوره في كتاب سو يا سو حبيبي حبسوه(تجدون الكتاب في جميع البقالات وسوق البطحاء وسوق الحمام)
يوم صار المغرب ويشغل الشيخ طاسه ال همر ويروح لمضارب الشيخ صحن بن جون يوم وصل عند الخيمه وقف ال همر وينزل ويرن الجرس حق الخيمه
طن طووووووووووووووووون طين طن طووووووووووووووووووووون طين <===== مايعرف ينصب جرس في خيمه شلون تجي؟
(ايه فيها جرس لا والخيمه دورين وفيها مسبح بعد خارجي وملحق)
المهم نرجع لموضوعنا فتح الباب كومار( كومار هاذا السوق حق صحن بن جون)ولابس شراب اصفر وفيه صورة بطه<==حركه السواق
كومار:هلا هلا سوي اقلط اقلط يالله هيه يالله هيه (يعني يالله حيه)جيب دله يا ولد <========= خربو الهندي
الشيخ طاسه:ياااااااصديق وين بابا كلام شيخ طاسه ايجي
كومار:انا في مألوم هو كلام هزا سيخ تاسه ازي انتا سوي اقلط هق هوا <=== حركات والله
قال الشيخ طاسه:ابك انا الشيخ طاسه تقولي تاسه؟ ونا اخو شوكه اخوها ترى ان قلتها مرتن اخرى تراني برسلك ذهاب بدون عوده يا صديق
قلط الشيخ طاسه وقهواه كومار لين دخل الشيخ صحن وسلم عليه وشكره على الموقف الي صار اليوم مع بنته وعلى قوته وشجاعته بعد كذى قام الشيخ صحن وقلط الشيخ طاسه على العشاء بوفيه مفتوووووووح فيه استكوزا وحركات وضبان وجرابيع وكافيار ومرقوق وقرصان وكل شي
تعشى الشيخ طاسه وشبع وبعد العشاء قعدو يتقهون مره ثانيه وقام الشيخ طاسه وقال لشيخ صحن:انا طالب القرب منك ابي ايد بنتك اليزبيث حليله لي ياشيخ وش قلت
قال الشيخ صحن:والله لو هي دجاجه ما عشتك اشرب الموكا كرانش حقك وبشر فيها
<== فله موكا كرانش بعد موب سهلين سمعت اليزبيث الكلام الي صار بين ابوها والشيخ طاسه وتشققت من الوناسه لووووووووووووليش لووووووووووووليش
وبعدها بدى حفل الدي جاي
قام الشيخ طاسه وراح لليزبيث وقالها:اليزبيث تسمحين لي برقصه هاذي؟
وبعد ما رقصو وستانسو من بكرى اتزوج الشيخ طاسه من اليزبيث ورجع لديرته وهله ومعه زوجته وفرحو فيه اهله وربعه فيه وفيها وعاشو في سبات ونبات
وخلفوووووو صبيان وبنات
وتوته توته ونتهت الحتوته..
هاه يا صبايا حلوه ولا ملتوته..
لطشتها لكو ...
يسلمووووووو عالملطوش الحلو:27:
:26: