● شيز كيك الاوريو ،، أحلى من باسكن روبنز بشهـــادة اخوي :) ●

@koko_shanyl_3 محررة ذهبية

قد يحتوي هذا الموضوع على محتوى غير مناسب. عرض الموضوع


السلام عليكم ورحمة الله وبركاته

الشيز كيك هذا من سويته اول مره واخوي منهبل عليه كل مره يقول سويه لنا

حتى أمس اقول له اشتر لي آيس كريم من باسكن روبنز " فانيلا بالاوريو "

قال الشيز كيك اللى مسويته أحلى من باسكن روبنز بألف مره :35:

:: المقــــادير ::

الطبقه الاولى



كيك جاهز " سرالي او اي ماركه متوفره " بالفانيلا
بس انا هالمره حبيت اغير واستخدمت كيك الشوكولاته بما اني بسويه على اوريو ..

●

الطبقه الثانيه





علبة جبن فيلادلفيا 300 جرام " انا استخدم لايت لانها اقل سعرات من العاديه "
علبة حليب محلى حجم صغير
1 قشطه طازجه " كي دي دي " حجم كبير ،، او علبتين قشطه من المعلبات
2 ظرف دريم ويب
ظرف جيلاتين ساده " حسب الرغبه "

●

الطبقه الثالثه



8 اكياس اوريو " اللى فيه 6 حبات "
نص علبة قيمر
علبة حليب طازج


يتبـــــــع..

241 تعليق 49,943 مشاهدة

0 0

شاركي في النقاش

سجلي الدخول لإضافة تعليق.

التعليقات

237

  1. @koko_shanyl_3 محررة ذهبية

    صاحبة الموضوع #49593248


    :: الطريقـــــه ::

    1. نقطع الكيك شرايح ونرصه بقالب الشيز كيك ،، وندخله الفريزر على ما تجهز الطبقه الثانيه



    2. نضيف مقادير الطبقه الثانيه دفعه وحده ونخلطها بالخلاط الكهربائي

    انا اخليها 10 دقايق على كل سرعه





    ونسكب الخليط على طبقة الكيك وندخله الفريزر حتى يتماسك تماااااماً << انا اخليه اقل شي 6 ساعات

    3. نفتت الاوريو مع ازالة الطبقه البيضا " بنحتاجها بعد شوي "



    4. بالخلاط الكهربائي نضيف الاوريو مع الحليب مع مراعاة اضافة الحليب بالتدريج



    5. نضيف الطبقه البيضا اللى شلناها من الاوريو ونخلط شوي ،، ثم نص علبة القيمر










    يتبـــــــع..

  2. @koko_shanyl_3 محررة ذهبية

    صاحبة الموضوع #49593256


    واذا احتجنا حليب زياده نضيف لين نوصل للكثافه اللى نبيها



    6. نضيف الاوريو على الطبقه الثانيه وننساها بالفريزر

    الاوريو اخليه 24 ساعه لين يجمد ماعرف ليش يطول مع ان اي نكهه ثانيه تثلج بسرعه

    وهذي بعد ما جمدت وشلتها من القالب



    وهناا شلت لي قطعه :) << ذاب على ما صورت خخخخ





    وهذي القطعه لاول رد



    يمي يميييي والله ادمااان الاوريو شي عذاااااب ويا سلام مع القهوه العربيه

    وبالعافيـــــــه .،،


    على فكره اللى عجزانه ترد ما عليها الا تضغط على في بداية الموضوع :42:

تابعي تجارب أخرى من هذا القسم.