شي سكتت عليه 4 سنوات والحيين طفح الكيل

السلام عليكم

حبيباتي بنات عالم حواء الكرام

مشكلتي هي من 4 سنوات واكثر انا وزوجي نحب بعض بس للأسف فيه مشكله وهي الضرب
يضربني يا بنات وانا ساكته اهاني قهرني عذبني شوه جسمي وبعدين يعتذر ويقول احبج بس تجبريني على اني امد ايدي صبرت وما خبرت اهلي اهاني جدام عيالي كم مره بس خلاص البارحه ضربني وانا وياه في السيارة بشكل وحشي يعني يعني يضربني على راسي و كتفي ضربات ورا بعض و متتاليه والم شديد وانا اصيح واصارخ ويهدني ويقول عورج الضرب ؟ حتى انا عورني كلامج .

تعرفون انا شو قلت له ؟ قلت له ليش تخدم الناس وتنسانا ؟ وهو هني انفعل

المهم نزلني البيت وهو طلع اتصلت باخويه توه ماخذ الليسن وقلت له تعال بسير بيتكم ورجعت بيت اهلي ويا بنتي الرضيعه و ولدي وبنتي الثانيين خليتهم عنده وقلبي يتقطع عليهم الله يحفظهم


بنات الشكوى لغير الله مذله بس ممكن تقولن لي كيف اتصرف شو اسوي ؟

اثبت على موقفي خصوصا انها اول مرة اهد البيت واسير بيت اهلي وما اهتم فيه

ميوده عمري غصب والله بنات الي مضايقني انه كيف يضربني ولا كانه ضرب حد انا زوجته وحبيبته وام عياله على الاقل يقول حرام انسانه



اللهم اني لا اسالك رد القضاء بل اسالك اللطف فيه