شي غريب صار ما لقيتله تفسير .. ادخلو نوّروني

ليلة مبارح نمت تقريبا بعد 4 الفجر بشوي
و انا بربط منبه الجوال قبل موعد صلاة الفجر بحوالي نص ساعة بحاول استغلها بدعاء او صلاة او استغفار حسب القدرة
المهم انه أصلا اقرب مسجد بالمدينة اللي انا فيها بعيد حوالي سبع دقائق بالسيارة
و الأهم انه ممنوع رفع الأذان متل ما بتعرفوا هنا باميركا ولا إقامة يعني إحنا ما بنسمع الأذان إلا عبر برامج الأذان اللي على الجوالات و اللاتوب فقط
اللي صار اني نمت و سورة البقرة كالعادة شغالة ، أتوقع خلال غفوتي انه رن المنبه و طفيته بدون وعي رغم اني نومي جداً جداً خفيف وأي شي بسمعه و بصحى حتى لو تعبانة
لما فقت كان الضو بادي يطلع ... ومطر غزير صوته قري
و ... صوت إقامة صلاة الفجر ... و الها صدى كمان !!!!! بالأول ما استوعبت و جلست على السرير و أخدت قارورة مي جمب السرير و قعدت اشرب و افكر بالإقامة كانه عادي بعدين ضربت برأسي و ارتعدت !!!!!! المسجد مو قريب ابدا لنسمع ايش بدور بداخله .... ممنوع يطلع صوت أذان او غيره بمكبرات الصوت ...!!!! و هو هاد فعلا وقت الاقامة ... وصوتها و صداها للان برأسي مع صوت المطر
من الرهبة جمدت بمكاني و رجعت نمت و غطيت راسي و كنت ما زلت اسمع قراءة الصلاة
بسم الله

ايش ممكن يكون تفسير هالشي .... انا كنت بكامل يقظتي خاصة و انا بشرب الماء يعني ما عم احلم و لا هي تهيئات مستحيل كان واضحةةةةةةةة و صداها كأني بالضبط قاعدة بمسجد مدينتنا ابدا ما في فرق