السلام عليكم جميعا يا اجمل بنات حواء
ابيكم تساعدوني ياخواتي بحل مشكلتي
انا متزوجه صارلي ثلاث سنوات وزوجي اكبر مني ب18 سنه
عندي بنت والان حامل بنهايه السابع والله يثبته واشوفه على خير
مشكلتي تكمن في عدة امور:
1/انا سعوديه وزوجي خليجي وساكنه معه طبعا واجي عند اهلي بين فتره وفتره يعني في الاعياد او الصيف بس ما اطول عندهم اسبوع او عشر ايام وهو يكون معي الا بفتره نفاسي قعدت شهر عندهم,
2/الغربه متعبتي ولا قدرت اتعايش معاها مع اني اشتغل زوجي وفر لي وظيفه مناسبه في مكان مناسب لي
في بدايه زواجي تعرضنا لمشاكل كثيره ومن اهم اسبابها عدم تقارب الافكار يعني هو دايم يفهمني غلط وعلى اي شي يهاوشني طلبت منه الطلاق لانه غلط في حقي مرااات كثيره ( خيانه) بس حلف لي انه مايستغني عني ولا يقدر يعيش بدوني ,وايضا كان من اسباب مشاكلنا اني ساكنه في بيت اهله اللي يتكون من اب وام فقط لكن خواته واخوانه كل يوم يجون وهذا اللي ماحسسني بالخصوصيه والاستقلاليه ويمكن لانهم كلهم عايشين في بيت بروحهم خلاني اقارن نفسي بهم واقول ايش معنى الكل ساكن في بيت الا انا مع العلم انه كان واعدني قبل الزواج اننا بنسكن في بيت مستقل عن اهله وبعد الزواج قاللي مقدر اطلع واخلي امي وابوي كبار في السن وهم في حاجتي وانا قدرت الموقف وقلت اللي مافيه خير في اهله مافيه خير فيني وتحملت كل شي يعني غربه وعدم خصوصيه وضيقة صدر احس اني عايشه لوحدي في هالدنيا مهما حاولت اغير احس بضيقه في صدري احس اني ميته جسد بلا روح كل شي ماله طعم عندي مع ان زوجي مايقصر معي والان انتقلنا لبيت جديد مع ابوه وامه وانا صار لي الدور الثاني بس المطبخ تحت والوضع مريحني اكثر بس بعد فتره رجعت لي الضيقه مره ثانيه اكتشفت ان العيب ماكان في البيت ولا في زوجي العيب فيني انا مو مرتاحه في هالبلد احس بضيقه ماحس فيها احد يابنات انا لما ادخل السعوديه من الحدود احس ترد لي الروح واذا طلعت منها وانا في الحدود احس بضيقه وهم على صدري
انا فكرت بالطلاق بس ايش راح يكون مصيري ومصير بناتي التشتت والتفكك انا ماودي اهدم بيتي واخسر زوجي وبناتي بس ايش الحل تعبت كل شي سويته الاستغفار والدعاء والايمان بالقضاء والقدر
كلمته كذا مره في هذا الموضوع وقال ماعنده حل اذا مو عاجبك البلد روحي بيت اهلك قلت له بيت اهلي مو الحل انت موفاهمني ولا حاس بمشاعري
3/مشكلتنا في العمر اتوقع فارق العمر هو اللي خلق عدم التفاهم والحب والحوار يعني هو في وادي وانا في وادي ثاني ميوله غير ميولي ولا عنده رومنسيه ابد يعني طول الاسبوع دوام ويطلع منه يجي البيت يتغدى وينام يقوم يصلي العصر وعلى طوووول يروح لربعه الين الساعه 11 باليل وانا لحالي انا وبنتي لا احد يسال علينا ولا نروح عند احد واذا بغيت شي قالي روحي مع السواق انا مليت من حياتي معه مافيه اهتمام منه ليش اقعد معه واضحي وهو ماضحى بشي منه يعني عايش وسط اهله وبين ربعه وزوجته وعياله قدام عيونه وانا وش بالنسبه له مجرد ام لعياله تجيب عيال وتربيهم
انا امس كلمته لاني مليت من السكوت وقلت له احنا ماننفع لبعض قالي اجل من ينفعلك شفتو شلون كان رده قلت له انا ماقصد انه في احد ينفعلي بس احنا ماننفع نعيش مع بعض قلت له انت من تزوجتني ماعمرك فكرت تنزل من مستوى تفكيرك لي قاللي وش تبيني العب معك ورقه وهنا انا خلاص انفجرت قلت وش فيها اذا الزوج لعب مع زوجته ليش ماعمرك جبت لعبه وقلت خلينا نلعب كم مره قلت لك خلنا نشتري العاب نتسلى فيها ونسهر مع بعض وانت تقول وش ذا الخرابيط ماعمرك يوم جيت من برا وانت معك افلام وقلت اليوم نسهر مع بعض على فلم حلو ماعمرك يوم اجازتنا قلت خلينا نطلع البحر اوالبر نغير جو ونلعب دايم انا اللي اطلب وانت دايم مشغول عني لانك اذا طلعت معي راح تقصر مع ربعك وماتشوفهم ذاك اليوم تخيلوا بعدها وش رد قاللي انتي متأثره بمهند ؟؟؟؟؟؟؟؟
وقتها قلت اذا ماللحكي فايده اجل اسكوت احسن ونمت ...........وانتهى الحوار مثل كل مره ينتهي حوار عقيم مافيه نتايج ولا حلول
بنات انا الحين خلاص فكرت وقررت اذا ماتغير حاله انا بعطي نفسي فرصه لين اولد واذا خلصت من الاربعين بقرر ارجع له ولا لا...
وانتم وش رايكم شوروا علي يمكن فيه اشياء انا مو فاهمتها بس ارجع واقولكم اني احس بضيقه معه مايعلمها الا رب العالمين
الهديل20 @alhdyl20
محررة
يلزم عليك تسجيل الدخول أولًا لكتابة تعليق.
الحياه ابتسامه
•
ياقلبي عليك الله يفرجها عليك من اوسع ابوابه
نصيحة لا تخربي بيتك بنفسك
زوجك مو مقصر معك ويعاملك بطيب وموفر لك كل شي.
باقي دورك إنتي يمكن المشكلة منك أنتي حاولي تجذبينة بطرق غير مباشرة لك بالدلال ولين الجانب وعدم وضع اللوم عليه.
أنتي في نعمة إحمدي ربك عليها (ترى إبن أدم ما يملى عينه إلا التراب أكرمكي الله عن ذلك)
نصحية نصيحة نصيحة أبعدي وساوس الشيطان عنك .
والله يجمعكم بينكم
تحياتي
زوجك مو مقصر معك ويعاملك بطيب وموفر لك كل شي.
باقي دورك إنتي يمكن المشكلة منك أنتي حاولي تجذبينة بطرق غير مباشرة لك بالدلال ولين الجانب وعدم وضع اللوم عليه.
أنتي في نعمة إحمدي ربك عليها (ترى إبن أدم ما يملى عينه إلا التراب أكرمكي الله عن ذلك)
نصحية نصيحة نصيحة أبعدي وساوس الشيطان عنك .
والله يجمعكم بينكم
تحياتي
على سالفة انتي متاثره (بمهند) انقالتلي بعد انا
شوفي حبيبتي الطلاق مو هين مثل انتي متوقعه وانا خايفه اذا اصرتي على هذا القرار تتحسفين
بس انا ابسالك كذا سوال
هو يحبك ولا لا ؟انتي وش تحسين؟
مسالة انه دايم عند ربعه انا معك تقهر بس ابقولك كل الرجال كذا والخليجين بالذات يعزون شي اسمه ربع
انتي مشالله متوظفه وعندك دخل طيب انا عندي لك فكره ليش ماتسوين مشروع صغير تنشغلين فيه وغير كذا بثبتين وجودك وبزيدك قوه
كوني صدقات وحاولي تطلعين وتحضرين العزايم علشان تزيد علاقاتك
مشكلتنا يااختي اننا اذا حبينا الزوج اخلصنا بزياده وكرسنا كل حيتنا بعد عبادة الله لهم كان ماورنا الاهم
يااختي ترى مثل مازوجك له فيك حق ترى اهلك لهم حق ليش بس عشر ايام تجلسين اطلبي انك طولين عندهم
وترى بناتك لهم حق وترى صدقاتك لهم حق وترى نفسك عليك لها حق
لاتعطينه اكبر من حجمه
ادخلي على النت دايم فيه بنات هنا بالمنتدى اذا عرفتيهم ادمنتي عليهم <<<<<<خخخخ
وعندك قهاوي ومطاعم اطلعي انتي ورفيقاتك واطلعي السوق ودلعي عمرك
الله يوفقك ياختي ويكتبلك الي فيه الخير
شوفي حبيبتي الطلاق مو هين مثل انتي متوقعه وانا خايفه اذا اصرتي على هذا القرار تتحسفين
بس انا ابسالك كذا سوال
هو يحبك ولا لا ؟انتي وش تحسين؟
مسالة انه دايم عند ربعه انا معك تقهر بس ابقولك كل الرجال كذا والخليجين بالذات يعزون شي اسمه ربع
انتي مشالله متوظفه وعندك دخل طيب انا عندي لك فكره ليش ماتسوين مشروع صغير تنشغلين فيه وغير كذا بثبتين وجودك وبزيدك قوه
كوني صدقات وحاولي تطلعين وتحضرين العزايم علشان تزيد علاقاتك
مشكلتنا يااختي اننا اذا حبينا الزوج اخلصنا بزياده وكرسنا كل حيتنا بعد عبادة الله لهم كان ماورنا الاهم
يااختي ترى مثل مازوجك له فيك حق ترى اهلك لهم حق ليش بس عشر ايام تجلسين اطلبي انك طولين عندهم
وترى بناتك لهم حق وترى صدقاتك لهم حق وترى نفسك عليك لها حق
لاتعطينه اكبر من حجمه
ادخلي على النت دايم فيه بنات هنا بالمنتدى اذا عرفتيهم ادمنتي عليهم <<<<<<خخخخ
وعندك قهاوي ومطاعم اطلعي انتي ورفيقاتك واطلعي السوق ودلعي عمرك
الله يوفقك ياختي ويكتبلك الي فيه الخير
الصفحة الأخيرة