كوبونات الراقية تسجيل الدخول

أم أسما
أم أسما •
نونة حبيبها نونة حبيبها :
الله يسخركم لبعض ويحببكم ببعض
الله يسخركم لبعض ويحببكم ببعض
أختي الكريمة : مشكلتك هي الغربة و بسسسسسسسسسسسسسسسسس

صدقيني قرأت كلامك و ردودك فايقنت إن قلبك مولع بحب الأهل و الديار

و أيضا شعرت بحرصك على زوجك و عدم الجدية في طلبك للفراق وواضح جدا إنك فقد تهدديه بكلامك و بس و ذا فضل من الله إنك حريصة على زوجك و اتوقع إن زوجك يعزك و يغليك فاحذري اللعب بالنار و احمدي ربك على النعم تدوم
و اعطي نفسك وقت لكي تتأقلم على الغربة

أختي لا تبالغي في حزنك و انفعالك فتندمي و ربي كثيييييييير من الحريم يرفصن نعم الله و يتمردن على الخير و بالنهاية يعضضن الأنامل من الندم

أختي : نقلتي لمنزل آخر و الحمد لله و زوجك ما هو مقصر معك بشئ ما شاء الله و عندك وظيفة تشغلك فاحمدي الله خالقك

أختي كفاك دلع و امسكي أرضك و عززي علاقتك بزوجك و احتويه قبل ما تحتويه غيرك ( الله لا يقولها )

أخيرا : نصحتك كأخت لي فاقبلي نصحي و لا تشيلي مني بسبب صراحتي

و ادعو الله أن يسخركم لبعض و أن يلهمك رشدك و أن يكفيك شر نفسك
أم التوفي
أم التوفي •
ام زوجك كيفها ؟؟

ما تنزلين عندها ؟؟

لو تقولين لها مثلاً من باب السواليف اني اشتقت لاهلي وودي اجلس عندهم شهر كامل اكحل عين بشوفتهم ومن هالحكي ..

تتوقعين بتتجاوب معاك وتهاوش ولدها ؟ :D

والا بتقول لك انطقي وبيت زوجك هو بيتك واحنا اهلك << خربتها صح ؟ خخخخخخخخخ


اعرف وحدة مثلك .. متزوجة كويتي وهو سعودية ..

طبعاً صديقات ممنوع .. اسواق ما تروح لها .. ما عندها الا اهل زوجها ..

لكن كيفت عمرها ..

سجلت في تحفيظ العصر وتروح تشوف الناس وتروق وتاخذ اجر ..

وعلى شوي شوي قوت علاقتها باخوات زوجها وصاروا كأنهم اخواتها ..


بس لا تفكرين بالطلاق ... فكري ببناتك ...

وانظري دائماً إلى النصف المليء في الكأس ..

لا تضيقين صدرك وخليك عادي .. حبي نفسك .. سوي شي لنفسك .. سجلي بنادي اذا فيه ..

اسم انك تطلعين تغيرين جو ..

وهو ما قصر دبر لك وظيفة ..

تعوذي من الشيطان ..
*العربية*
*العربية* •
رسيل المحبة رسيل المحبة :
نصيحة لا تخربي بيتك بنفسك زوجك مو مقصر معك ويعاملك بطيب وموفر لك كل شي. باقي دورك إنتي يمكن المشكلة منك أنتي حاولي تجذبينة بطرق غير مباشرة لك بالدلال ولين الجانب وعدم وضع اللوم عليه. أنتي في نعمة إحمدي ربك عليها (ترى إبن أدم ما يملى عينه إلا التراب أكرمكي الله عن ذلك) نصحية نصيحة نصيحة أبعدي وساوس الشيطان عنك . والله يجمعكم بينكم تحياتي
نصيحة لا تخربي بيتك بنفسك زوجك مو مقصر معك ويعاملك بطيب وموفر لك كل شي. باقي دورك إنتي يمكن...
وازيد عليها عيشششششششششششششششششششششششششششي حياتك اطلعي انبسطي كوني صدقات روحي زوجات ملاهي مطاعم اذا انتي تنتضرينه فراح تتعبييييييييييييييييييييييييييييييييييييييين صدقيني
* تاج الوقار *
* تاج الوقار * •



هلا بك اختي والله انا حاسه بك ومقدره حالتك

بس استغربت ردك على الاخت كل الحلا عندي ان زوجك مايبيك تطلعين وتزورين احدى صديقاتك او ان احد يجي يزورك

وانتي مستسلمه انا مااقويك عليه بس ظلم هو يروح للربعه من العصر على قولتك الين الليل وانتي حارمك من انك تروحي لاحد او احد يزورك وغير كذا مايطلعك ولا يمشيك بالله وش معناتها يعني حابسك :06: حتى اهلك محددلك كم يوم وكم المده وانتي ساكته وماتبين تناقشينه عشان تخافين يزعل وتصير مشاكل .....

اختي الغاليه الساكت عن الحق شيطان اخرس انا مابي تتخانقين معاه او تعلي صوتك عليه بس الحق حق كلميه بهدوء واعملي له عشاء خاص بجو هادئ وناقشيه بعقل وحكمه وقولي له انت ماتبيني اروح ولاتبي احد يجيني طيب طلعني يوم او يومين بالاسبوع يكون خاص لي سواء نطلع برا سوا او نسهر مع بعض بالبيت بس على الاقل احس لي
حق عندك انت تحبني على كلامك وين الدليل ..

اللي يحب يحبس اللي يحبه ويمنعه من كل شيء يوسع صدره انت اختر ياتسمح اني اروح لزميلاتي او ان احد يجي يزورني او تصير تطلعني او تجلس معي يوم او يومين بالاسبوع لكن حالتي هذي يالغالي لا ترضي الله ولا رسوله انا انسانه وعندي مشاعر واحاسيس زيي زييك .....

وطمنينا عليك ومسألة الطلاق استخيري فيها خصوصا ان عندك بنات
والله يوفقك ويهدي زوجك يارب ويسخره لك
غادة الرياض
غادة الرياض •
اختي الكريمه
عارفه وين المشكله
لاتزعلين مني
المشكله فيك
احساسك انك بغربه وهو بين اهله هو الي مخرب كل شي في حياتك

كل الي قلتيه في زوجك موجود في ازواج كثيرين

نصيحتي لك وحطيها في عقلك قبل قلبك
هو رجل والمكان الطبيعي للمراه ان تكون في بيت الرجل
حتى لو كان في القمر

ومدام اخترتي زوج من خارج ديرة اهلك
تحملي قرارك
وعيشي حياتك
حبي مكانك الي انتي فيه

وفارق العمر بينكم صحيح كبير
لكن مو سبب انو يقول مانبي نلعب او مانبي نشوف فلم
زوجي اكبر مني ب7 سنوات بس ونفس سواليف زوجك

يعني الحكايه انو ماتعود

انتي الحين حامل ونفسيتك مو شي
لاتشغلين بالك الا بالبيبي وبكرا بتنشغلين عن الدنيا كلها بعيالك

الله يهدي سرك ويسعدك ويسخر لك

على فكره: سالفة مهند كل الرجال يقولونها
انا ماتابعت المسلسل ويوم قلت لزوجي كلمه قال لي تصدقين مسلسلات قلت وش مسلسلاته قال ذالتركي الي هابلن الناس قلت له وانا هابلني ذالسعودي خخخخخخخخخخخ