بنات اللي كانو مراهقات ايام التسعينات يعني تقرييا
من1990 الى 2003 تقرا هالموضوع
باللهي من كانت مراهقه من قبل ؟ < والله ياهو سؤال بعد انتي وخشتك ..
الكلام هذا موجه للبنات اللي فوق العشرين ربيعاً ..
بنات الطعش ماراح يستمتعون بهالموضوه زين عشان كلش غريب بالنسبه لهم
بنتكلم اليوم عن البنات اول
مراهقات الزمن الغابر .. يعني مو شرط مراهقتنا اللي الحين
جمعنا اراء مراهقات سابقات خواتنا .. بنات خالاتنا بنات عمتي منيره
وسألناهم عن عالمهم السابق كانت اجاباتهم عفويه .. وكل وحده تسولف عن مراهقتها كانت تخرطم وشوي وتدمع بنص الجواب
تقول لو اني داريه اني لو بعرس وادج هالدجه .. كان لي الحين خامتن المخده ابرك لي !
لا بارك الله فيكم يالرجال السعوديين عقدتوا بناتنا
<< خلونا نستعرض حياتهم ..هبالهم .. لبسهم .. هههههه موضتهم
بادئ ذي بدء .. كان اغلب البنات توهم طايحين بحركة الشناط الصغيره ..
ومن مبدأ انتشار الشناط الصغيره .. صار لزاماً على كل وحده تعبي هالشنطه بكل مايجعلها متميزه عن البنات اللي معها ..
كل وحده تبي تكشخ بس بطريقتها .. اصلا ماهلكنا الا هالكشخه اللي مدري وش تبي!
الروج وما ادراك ما الروج
كل بنت لها لمستها الخاصه فيه ..وهو اللي يضفي النضاره على خشة كل انثى
ذاك الوقت ياكافي طاحن البنات بالمحدد
عشان تصيرين كشخه ومحد قدك ولامشيتي كلن يناظرك تقل ماشيه قدامهم هيفا وهبي
حطي محدد بني غامق ..امسكي خشتك وامشي عليها داير مادار وحدديها باللون البني
وبعدين سوي الحركه الراقيه اللي محد يقدر يقاومها ولوني شفايفك بلون افتح من المحدد
يعني حدود البراطم بني غامق ولون الشفايف وردي ولا بيج
يااالطيف اللي كانت تسوي هالحركه كانت معروفه بانه عندهم دش واهلها مايخافون الله
ولا من وين تعلمت تمشي بالمحدد على خشتها من دون مايتعرج ؟!
اكيد
؟!
كـ شياكه..واناقه ..لا بد ان تكتمل الطله بجزمتكي ياعزيزتي الكاشخه
ذاك الوقت جتهم موضه عاصفه .. شي غريب ماقد مر على السعوديه
طاحوا العالم بالأبوات
جتهم فتره كلن هب بالأبوات وصاروا مايشترونها الا من برا
واللي مايقدرون يشترون من برا يروحن الشعله لعل وعسى ينزل شي جديد
طبعا البوت عشان يصير راقي ومحد قدك لازم يصير كعب
وياعزيزتي مو اي كعب ! لازم كعب تقل بلكه لو تكفخين فيه باكستاني انصرع يومين
كان ينباع مع الابوات كيلون هبوا فيه ذاك الايام
الكيلون مخطط بالعرض ..خط اسود وخط شفاف
وبمانه بوت وطويل ولا يبان الكيلون تبدا كل وحده تمشي وترفع اللبس
عشان يشوفون البوت لين واصل وعشان يطلع الكيلون