صباحكم ورد .. زهور العمر بحاجتكم

تأخر الحمل

صباح الخير لكل من بيقرأ موضوعي هذا أول موضوع بأكتبه في هذا القسم وأرجو أن أجد الإجابة من أحبتي ..
أنا متزوجة من 9 شهور وما صار حمل إلى الآن في شهر شعبان قررت أروح للدكتورة عشان تشوف الوضع وتنظم لي دورتي مع إن عمرها ما تأخرت أكثر من 10 أيام وعملت لي تحاليل الغدة والهرمونات ولقت عندي هرمون الحليب مرتفع وأخذت دوسنتكس لمدة شهرين بالشهر الأول معاه كلوميد حبة واحدة يوميا والشهر الثاني 3 حبات كلوميد رحت يوم 12 من شهر شوال لقيت عندي بويضة بجهة اليمين ماشاء الله كبيرة ومناسبة على كلامها وماقلت لي كم حجمها وأعطتني ابرة تفجير وطلبت اني أرجع لها بعد 3 أيام علشان تتأكد انها انفجرت وبالفعل رحت لها يوم 15 قالت الحمدلله انفجرت بس فيه شي ثاني بجهة اليسار تعالي بعد أسبوع علشان أتأكد هي بويضة ولا تكيس ورجعت بعد أسبوع وقالت الحمد لله مافي تكيس هذه بويضة ثانية ومن بعدها جاتني كل الأعراض اللي أسمع عنها من نغزات في المبايض من الجهتين ونغزات بالصدر و كثررررررة التبول (( وأنتم بكرامة )) وحكة بحلمات الصدر وتفاجأت بنفس موعد الدورة إنها جاتني والحمدلله ورحت للدكتورة أول يوم بالدورة عشان نبدأ من جديد كلوميد وكشفت علي بس هالمرة سونار على البطن غير كل مرة سونار مهبلي وفاجأتني قالت عندك تكيس حجمه 3×3 ولازم تبدأي بحبوب منع الحمل (مارفلون ) من اليوم وأنا خنقتني العبرة وما قدرت أتكلم معاها ولاكلمة وطلعت وأنا ميتة من البكاء وبعدها استسلمت وبديت بالحبوب ولي 3 أيام وأنا أخذها لكن الدورة خفت مررررة واليوم وقفت وهي دائما 6 أيام وماني عارفة هل هذا من الحبوب ولا ايش السبب ؟
أدري طولت عليكم بالتفاصيل المملة بس والله عندي أمل إني ألقى عندكم اللي يريح بالي وطبعا هي الدكتورة الوحيدة بمنطقتي يعني مافي أمل أسأل غيرها ....ودعواتكم


8
574

يلزم عليك تسجيل الدخول أولًا لكتابة تعليق.

تسجيل دخول

ام ااالغالين 76
ماعندي علم
الله يرزقك
سما اسبانيا
سما اسبانيا
صباحك عسل واهلا فيك نورتي القسم و***** الله ما بطولي فيه، عزيزتي بما انك قلتي ان دورتك منتظمة فما اعتقد انه عندك تكيس لأن الي مثل حالتي عندها تكيس الدورة ما بتكون منتظمة وادا عندك تكيس مثل ما بتقول دكتورتك فليش حبوب منع الحمل لازم تعطيكي كلوفاج اي حبوب السكر وبعدين انت لسه ما سكرتي سنة زواج المفروض خليتي كل شيئ طبيعي وبعدها دخلتي لدوامات الدكاترة والله يسامحها الدكتورة ليش تعطيكي كلوميد وابرة تفجير من البداية وانت ما شاء الله عندك بويضات جيدة حاولي تشوفي دكتورة ثانية ، المهم عزيزتي لا تخلي الحالة النفسية تأثر عليكي لآنك في بداية المشوار و***** الله ما بتسكري سنة الا وانت حامل بأدن الله واكثري من الأستغفار وربك كريم
رآنـسـي
رآنـسـي
حبوب كلوميد تاخذينهم يوميآآ لالالالالالالالالالا
خطر عليك هو اصلنا التنشيط باااخر ايام الدوره لمده بس 5ايام
واكثر من ثلاث دورات تستخدمين كلووميد خطر على المباايض
وتسبب تكيسات يمكن تكيسااتك منهاااا
الله يهديك انتي بااقي عرووسه ليش مستعجله المفرووض مارحتي الابعد سنه
بعض الدكاتره الله المستعااان يزيدوو المشكله مويعالجوها
انا اشووف تتركين هالدكتوره
وتشووفين دكتور ممتاز وسمعته كوويسه احنا مالعب فينا غير المستووصفات
شوفي ممستشفى ممتاز حتى لوتروحين سفر
شوفيني اسافر انا الحين علشان العلااج مع ان المنطقه اللي عندي ملياانه
بس بعد ايش بعد مالعبوو فيني
تصييييييييحه رووحي للدكتور ممتاز ومودكتور استشااري
الله يرزقك يارب وتبشرينا بالقريب
انثـــــى
انثـــــى
رفــــــــــــــع...
الله يرزقك ويرزقني ومن تتمنى الحمل السليم التام المعافى والذرية الصالحة السوية يارب...
"أم عبدالإله"
نفس اللي صار لي مع الكلوميد بس انا نزل الكيس مع الدورة قبل اخذ الحبوب وبعدين بطلته واتجهت لربي