أنا متزوجة من 9 شهور وما صار حمل إلى الآن في شهر شعبان قررت أروح للدكتورة عشان تشوف الوضع وتنظم لي دورتي مع إن عمرها ما تأخرت أكثر من 10 أيام وعملت لي تحاليل الغدة والهرمونات ولقت عندي هرمون الحليب مرتفع وأخذت دوسنتكس لمدة شهرين بالشهر الأول معاه كلوميد حبة واحدة يوميا والشهر الثاني 3 حبات كلوميد رحت يوم 12 من شهر شوال لقيت عندي بويضة بجهة اليمين ماشاء الله كبيرة ومناسبة على كلامها وماقلت لي كم حجمها وأعطتني ابرة تفجير وطلبت اني أرجع لها بعد 3 أيام علشان تتأكد انها انفجرت وبالفعل رحت لها يوم 15 قالت الحمدلله انفجرت بس فيه شي ثاني بجهة اليسار تعالي بعد أسبوع علشان أتأكد هي بويضة ولا تكيس ورجعت بعد أسبوع وقالت الحمد لله مافي تكيس هذه بويضة ثانية ومن بعدها جاتني كل الأعراض اللي أسمع عنها من نغزات في المبايض من الجهتين ونغزات بالصدر و كثررررررة التبول (( وأنتم بكرامة )) وحكة بحلمات الصدر وتفاجأت بنفس موعد الدورة إنها جاتني والحمدلله ورحت للدكتورة أول يوم بالدورة عشان نبدأ من جديد كلوميد وكشفت علي بس هالمرة سونار على البطن غير كل مرة سونار مهبلي وفاجأتني قالت عندك تكيس حجمه 3×3 ولازم تبدأي بحبوب منع الحمل (مارفلون ) من اليوم وأنا خنقتني العبرة وما قدرت أتكلم معاها ولاكلمة وطلعت وأنا ميتة من البكاء وبعدها استسلمت وبديت بالحبوب ولي 3 أيام وأنا أخذها لكن الدورة خفت مررررة واليوم وقفت وهي دائما 6 أيام وماني عارفة هل هذا من الحبوب ولا ايش السبب ؟
أدري طولت عليكم بالتفاصيل المملة بس والله عندي أمل إني ألقى عندكم اللي يريح بالي وطبعا هي الدكتورة الوحيدة بمنطقتي يعني مافي أمل أسأل غيرها ....ودعواتكم
الله يرزقك