صحتي مندمره.. أكلي غير صحي ومفرطة بشرب المشروبات الغازية<<< مُعدل

السلام عليكم ورحمة الله وبركاته
كيفكم حوائيات
بقولكم وش شاغل بالي هاليومين
انا هاليومين ضايقه وبس اهوجس
انا بنت عمري 23 صحتي يابنات رايحه فيها اكلي كله من البقاله كودرد كولا ببسي
مستححيل يمر يوم ماشرب 4 علي او اكثر سواء غازيات او مشروب الطاقه كودرد
ومن زمان بقوه على هالحال تقريباً من انا بزر ، لاحظت عظامي بس تعورني وظهري يعورني
ووللأمانه اقدر اقول تمر اسابيع مايطب ببطني شيء صحي كله بطاطسات وشيبسات للأسف مابالغ لدرجه اسال البنات انتو كم علبه تشربون؟ وش اكلكم؟ طلعت ابد مو طبيعيه

المشكله مو هينا المشكله اني حاولت قد ماقدر اكل شيء صحي ماعرفت اكل يومين ثم افك ماتعودت على الاشياء الصحيه 😭


انا اشك عقب زواجي بصير عقيم بسبب مشروبات الطاقه اللي اشربها اعوذ بالله من تفكيري بس هل هالوسواس طبيعي؟ ويجيكم زي ماجاني ؟ واذا عندكم حبوب فيتامينات او شيء يعدل صحتي شوي تفيدني ، لاني ماعرفت استصيغ الاكل المفيد ابي بداله حبوب او فيتامينات

ومين مثلي كانت مدمنة مشروبات طاقه وغازيه وحملت؟ لان خواتي عقدوني بحياتي يقولون مراح تحملين 😤 علماً ان زواجي مو بعيد .


واسفه عالاطاله والكلام شوي مو مرتب 💜