أم(ريما**ودانه) :

شوفي ياقلبي هذي فزه على ماقالوا او طفه تو الولد طاف بالسياره وبالاصدقاء لاتخافين صدقيني يبي يرجع ولدك اللي انتي مربيته انا ام عيال شباب ومر علي هالموقف وحسيت بكل كلمه قلتيها ابد سبحان الله والله كأني انا اللي قاعده اكتب وانا سألت بمنتدى الساحات وشلون اتصرف مع ولدي وكانت الاجابات بين اللي يقول اضربوه الين يعض الارض وبين اللي يقول علمي ابوه وبالنهايه علمت ابوه وطقه ابوه طق الين بغا يذبحه وتحسبينه فاد لاوالله الا زاد وعاند وربي ان وليدي ماترك الدخان الا يوم صرت اسايسه وادخل عليه غرفته واسولف انا واياه واقعد ادعيله وهو يسمع ان الله يعصمه من الدخان وبكيت عنده وانا اترجاه انه يتركه ورحمني ولدي وحس انه غلط غلطه كبيره ووعدني انه يتركه وابشرك انه ماعاد تعودها 00 ترى المشكله منا احنا نحبسهم في الصغر من الحرص ومن خوفنا عليهم واذا كبرو شوي مضطرين اننا نتركهم يواجهون الحياة يحسون بالاستقلاليه والرجوله والمراهقين في اعتقادهم ان اول شي يحسسهم برجولتهم هو التدخين يحسبون انهم لادخنو بيصيرون رجال الله يهديهم ويصلح احوالهم والله يااختي مالك الا انك تسايسين ولدك وبالكلام الطيب صدقيني بتكسبينه ولا الهواش والضرب ماراح يجيب نتيجه اسلوب عقيم ولا تنسين الدعااااااااااااء خليه سلاحك كل ماصليتي ادعي الله بصلاحه وان الله يعصمه ويعصم قلبه وأسأل الله تعالى ان يقر عينك بصلاح ولدك وباقي ذريتك وذريتي وذراري المسلمين

شوفي ياقلبي هذي فزه على ماقالوا او طفه تو الولد طاف بالسياره وبالاصدقاء لاتخافين صدقيني يبي يرجع...