صديقاتي العوانس ( الرد الآنس لكل عانس تبي العرس ) 

ابعرس زوجوني بخشبه بحطبه بزوير ولاعوير المهم اعرس:mad:

زوير وعوير >> ماتقلد احد خخخخخخ


وحدة تقول جاك معرس بس يماني قلت لها والله لو لي خاطر بالعرس عشان الشي الي في بالك

بتزوجه وش بلاه اليماني مو رجال مايعرف مثل السعودي يعني :35:


الزبده يابنات لاتتزوج الوحده عشان رغبة ولا هرب من كلام الناس ترى لي فات الفوت ماينفع الصوت


وخير ان شاء الله اسمحوا لي يابنات انتوا اللي رضيتو تكسرون انفسكم ليه الوحده تحس عمرها ناقصه هاتي دليل واحد من القرآن ان اللي ماتتزوج مرخوصه من الصلاه والصيام والا تسقط عنها اركان الاسلام يابنات خلاص يكفي جلد لأنفسنا على شي ربي ماكتبه لنا 

عانس يازيني ويازين عنوستي وش بلاي اقل شي عايشه شايله هم نفسي 
وش الفايده تتزوجين واحد وبالاخير يقولك مالحب الا للحبيب الاولي ولاتتزوجي عشان يقهر زوجته الاولى ولايمثل عليك الحب بس عشان نزوه بحياته ولاهو يحب زوجته الأولى والله والله والله وبالثلاث ان القلب مايحب الامرة حتى لوقسى على الاولى تراها ام العيال وحبها بالحشى ومهما حاولتي ماراح تغيري بسبب بسيط انها تجربته الأولى من ناحية الجنس وخلافه واسمحوا لي ماني وقحه بس واقعيه 
ويزداد هالشي اذا كان بينهم عيال 

بتقولون في زوجات اوليات عايفينهم رجالهم السبب بسيط لانها هي منفرته منها
وحتى لو خذته العجه وطار بالعروس الجديده وحتى لوطلق مابتقدر الثانيه تطلع الأولى من قلبه لان الاولى العشيقه والثانيه مجرد حبيبه وان صح الكلام متحببه

في حال وحده بوافق اكون الثانيه لو كانت الأولى تعبانه او عقيم وماراح اتزوج الااسمع موافقتها بأذني لانها انسانه عندها مشاعر ولها احترامها لأنها الأولى فهمتوا
الأووووووولى


ونصيحه لوجه الله يابنات اذا حدك الزمن وكنتي الثانيه خافي الله خافي الله خافي الله بزوجته الاولى وعياله تراك ماخذه ابوهم ماخذه زوجها كأنك نازعه قلبها من حشاها حتى لو ماعاملتك زين انتي خافي الله عالأقل بالعيال وانتي هربتي من العنوسه على قولتك اذاً لاتردين على زوجته ولاتحطين عقلك بعقل عيال زوجك 
حطي نفسك مكان عياله وابوك كسر قلب امك عاد ساعتها وش بتكون ردة فعلك

وافقتي تكوني الثانيه هذا يعني اشياء راح تفرض عليك وتتقبليها يازينك تبين الرجال من غير بزارينه ، هي ماما هذا ضريبة انك رضيتي تكوني الثانيه فتحملي ولاتذمري ولاتظلمي ولاتعاوني زوجك عالظلم 

ترى دعوة المظلوم مابينها وبين ربي حجاب

ماقولك صيري ملاك بس خافي الله ولاتنغرين بنفسك والا انه يفوت يوم من ايام زوجته الاولى عشانك ترى كل شي جديد يجذب وبعدها يتعود عليه الانسان ويمكن يعافه فهمتي يعااافه 

اختي تزوجت متزوج واهلي فرحوا لها كان عمرها 32 عندها وظيفه بس خافت على قولتكم العنوسه بكيت قلت لها حرام اصبري الصبرزين قالت وش فهمك انثبري
دار الزمن اختي الثانيه تزوجت واحد مو متزوج شباب طارو اهلي فيه 3سنوات تزوج عليها وعشان سبب تافه اهلي انقهروا مابغيت اتكلم واقول رضيتوا على بنت الناس ليه الناس مايرضون على بنتكم 
ماتشمت فيها وربي هي اختي بس لو كل وحده حطت نفسها بهالموقف بتفكر الف مره

وحده تزوجت الثانيه يقولها عندي عيال مابي منك عيال لانها تعبانه يقولها عالجي عمرك انتي اللي تبين العيال

وحده يقول لها تزوجتك تحدي لزوجتي الأولى وهاللحين تأكدت اني احبها وابي اطلق وماكان بيدها حيله الاانها تترجاه يخليها حتى لو مايتذكرها بس لايطلق

وحده تزوجت وقالت بنسيه زوجته الاولى واتضح ان الرجال مايقوم بواجباته الزوجيه وانحسبت عليه زوجه بالاسم وهو اثبت لناس رجولته وطاحت براسها

وحده تزوجت تبي عيال جاها العيال بس وين الابو لانها موظفه هي اللي تصرف وتودي مدارس والزوج قايم بالاولى ليه يقول ارحمها ماعندها وظيفه واختنا في الله تتمنى منه لوخبزبريال بس يصرف عليها


قصص كثير حولنا ليه مانعتبر يابنات بعضكم تقول ابي اعف نفسي واذا تزوجتي وماحصلتي الشي الي في بالك بتكوني دمرتي نفسك


وجهة نظري في مسألة العانس اللي ترضى تكون الثانيه من غير سبب

ابشركم اليوم الصبح مصلية الفجر لالي ولاعلي ابقرى اذكاري الاامي تقول لي هذا حالك لازواج ولاوظيفه ... كنت بقولها امي اسألي ربي ليه ماتزوجت ولاتوظفت


لاتقسون على انفسكم ترى الناس ماترحم لاالي متزوجة مرتاحه ولاالعقيم ولاالمريضه الدنيا فانيه ماتستاهل ليه نجلد انفسنا لأننا ماتزوجنا 

اللي ماتزوجت وماتحافظ على الصلاة اسألك بالله تنقهري على الصلاة وطلبها مثل مانتي مقهوره عالزواج وتفكري فيه بكل لحظه



ماني ملاك وانا بنت مثلكم وعانس بعد ماعندي وظيفه ومثلكم عارف وحده بوضعي وكل اللي حولها متزوجين متوظفين ربي منعم عليهم ماشاء الله 
لاسلمت من شماتت غريب ولاقريب ترى نفسي تنكسر انجرح انظلم بس اصبر


لي ضاقت علي وجهة للي عينه ماتنام وسألته وطلبته بعض الاوقات اشوف البنات ينزلون مواضيع يطلبون دعوة يشتكون من تعامل اهلهم اقول بنفسي وليه ما نزل موضوع مثلهم 

اكتب الموضوع بعدها ارد اعاتب نفسي هذا هو حسن الظن بالله ؟!
اتذكر اشرف الخلق عليه الصلاة والسلام لمايقول ارحنا بها يابلال .

مين انا لما ازعل على نفسي وعائشة الصديقه زوجة اشرف الخلق لم ترزق بالذريه من الرسول فرضيت وآمنت واحتسبت 

لايضحكون عليك ويقولون تحصلين عيال واذا خلفتي وانتي الثانيه وما كنتي قد مسؤلية العيال ولاعرفتي تربين عيالك وش الفايده؟!


ارضي بقدر الله واسأليه بكل وقت ودقيقه وثانيه ولاتقنطي ابذلي الاسباب وتوكلي على الله وخلي ثقتك بالله كبيره

واذا ربي ماكتب نصيبك بالدنيا لاتزعلي على عمرك تراها دنيا بتزول وش كبرها لي صبرتي ورضيتي ويوم القيامه يعطيك ربي الجزاء بتفكرين في فلانه ولاغيرها الابتقولين ياليتني صبرت اكثر عشان احصل اجر اكثر


من بات آمنا في سربه معافى عنده قوت يومه فقد حزيت له الدنيا بمافيها

ماقال من باتت بحظن زوجها ولاحولها عيالها لأن الدنيا ارزاق والله مابنطلع من الدنيا الاومستوفين رزقنا حتى لوتأخر
فهمتي وش معنى الحديث وان الزوج والعيال والوظيف ارزاق سبحان الله


وتذكروا كلابل تحبون العاجله وتذرون ورآئكم يوماً ثقيلاً


‏قصيرة . . 
تلگ الحياة 
شهيق . . إن لم يُتبع
. .  بـ (زفير) 
- انتتهت !!


اللهم اني اسألك رضاك والجنه
اللهم اني اسألك رضاك والجنه
اللهم اني اسألك رضاك والجنه

" اللهم احسن عاقبتنا في الأمور كلها واجرنا من خزي الدنيا والآخره ، اللهم اتنا في الدنيا حسنه وفي الاخرة حسنه وقنا عذاب النار ، اللهم انا نسألك من الخير كله عاجله وآجله ماعلمنا منه ومالم نعلم ونستعيذ بك من الشر كله عاجله وآجله ماعلمنا منه ومالم نعلم ، اللهم آت نفوسنا تقواها وزكها انت خير من زكاها ، واكفنا بحلالك عن حرامك واغننابفضلك عمن سواك"

وصل اللهم وسلم على نبينا محمد وعلى آله وصحبه وسلم

• • • • • • • •
قد يسلم الأكمه من حفـرة
يسقط فيها الناصر الناظر
ويسلم الجاهل من لفـظة
يهلك فيها العالم الماهـر
ويعسر المؤمن في رزقه
ويرزق الكافر الفاجـر
ماحيلة الإنسان ما فعلـه
هو الذي قدره الـقـادر .. سبحانه