صديقة عمري تفاجأني بحركه عمري ماتوقعتها ....

السلام عليكم
مشكلتي مع صديقة الطفوله ،،عشرة سنييين طوويله تربينا ويا بعض كبرنا وصفاتنا متشابهه كثير تفهمني بسرعه من غير ماتكلم ،، انا عارفه ان العشره ماتهون عليها لكن على كل هالصداقه تفاجأت من موقفها قبل كم يوم كنت اكلما بالواتس اب وهي تقريبا يوميا ترسل لي يا انها تصبح علي او رسايل عاديه وللعلم بان بسبب زواجي ومسؤولياتي صار نادر اذا التقينا المهم وانا ذاك اليوم اكلمها وكانت سوالف عاديه الا فجأه رسلت لي رساله فيها بما معناه الحمدلله على الظروف وان اكتشفت الرياء وان انسى ان عندي صديقه اسمها ... وامسح رقمها ،،:confused::icon810: انصدمت مره لدرجة ان قلت لا تمزح هذي مستحيل تعملها اصلا هي تعاني من البنات في عملها ولا تحب تأذي احد حتى الا يضايقونها ماتعرف تتصرف معاهم بحزم وتشتكي لي ولما بتتخذ اسلوب معاهم تستشيرني عشان ماتبي يكون اسلوبها حاد .. فكيف انا صديقة عمرها وبينا ذكرياااات ماتنسى ظليت ارسل لها ولا ترد علي ابد توقعت مزحه استمريت في الرسايل وقلت لها اني بجي ازورها ونفس الشي ماترد واتصل عدة مرات دااايم مغلق :confused: يعني الموضوع جااد ؟! والله تعبت نفسيتي من التفكير الحين كم يوم ولا ترد علي وكيف مره وحده اصلا كانت تسولف معاي في الواتس كيف دقيقه بين اخر رساله فيها ورد وبين رسالتها اني امسح رقمها ؟؟ يعني طالما هي زعلانه مني ليش كانت تسولف وراسله لي ورد ؟ شي غرييييب وبعدين من جد ماترد معقوول جاده ؟ واي رياء تقصده ؟ وهي عااارفتني زيين انا ماتكلم عليها وبالعكس لو احد تكلم عليها ادافع عنها كانها هي واكثر .. وهي عااارفتني ليش سوت كذا ؟ كل يوم افكر وكل دقيقه مو مصدقه موقفها وشنو تفكرني؟ انا اصلا منعزله عن العالم نادر اذا طلعت لاحد شنو الرياء الا تقصده ؟ وانا مااعندي رياء لا معاها ولا مع غيرها وهي اصلا عارفه صفاتي وش صار فيها ؟؟ وش تتوقعون ؟ انا تعبت من التفكير ،،،،