صديقتي تجاوزت الحد!!ارجو المساعده

السلام عليكم ورحمة الله وبركاته..

صراحة بقول لكم القصة وهي اني توني مخلصة جامعه الكورس اللي فات وقدمت اوراقي..ومنتظرة الفرج..المشكلة مو اهني..اني صراحة ضغط على روحي وخلصت دراستي في 4سنوات..كنت آخذ مسائي وصباحي وتعبت تعب الله لايوريكم اياه..

الحين خلاص خلصت وابغي استانس وارتاح في ااجازتي..في يوم من الأيام بلغني اخويي انه فيه بنيه تبغيش رحت لها وسلمت عليها طلعت صديقة قديمة صار لي 4سنوات ماشفتها.هي في الأصل صارت ويااختي اللي اكبر مني بسنه في صف لكنها تسلم عليي لين شافتني في مكان..دخلتها البيت وكانت الساعه 8 بالليل..وقعدنا نسولف وكانت تبغي تطلع بيت ثاني وتقول لي لازم تجين ويايي قلت لها مااحب اروح مكان مو متعوده عليه وهي تضغط علي..المهم قعدت تسولف وبعدين طلعت من البيت متأخرة وأخذت رقم جوالي وقالت لي انتي متى تنامين قلت لها متأخر لانه ماوراي شي..وظلت تسوي لي رنات على طول..ويوم ثاني الظهر يت البيت وقالت لي ابغي منك تسوين لي 3تقارير وتلخيص درس من كتاب وتلخيص محاضرة :( عاد انا قلت مسكينه ماعندهم كهربا ولا كمبيوتر وتوهم متحولين على بيت جديد بساعدها وسويت ليها كل شي..صارت تيي الظهر واللي تيي الساعه 12 و1 بالليل أحد ايي هالحزة :06:
وصارت كل يوم تجي اوقات ماتخطر على بالكم وتييب لي بحوث وتقارير وتبغاني ارسم واصور وو يعني بالمختصر المفيذ باقي شوي وتقول لي تعالي ادرسي بدالي :eek: عاد اني خلاص يوم شفتها بعد بتجي وبتجي على البيت قلت خلاص سويت خطة اني واختي نقول لها اني بروح اقعد مع اختي في بيتهم لانه رجلها بسافر..وقلت لها الخطة وصدقت لكن هي على طول تتصل وتسوي رنات حتى بعد نص الليل..حتى البارحة اتصلت الساعه 12..المشكلة حتى بيتهم متأذيين منها مو كلش صاحية اختها تقول انها مفشلتنها عند الناس..وامي مو راضيه على الجذبه اللي سويتها تقول البنت فقيرة ومسكينه قلت لها انا المسكينه هذي شكلها استغلالية ولا تنعطى وجه..ماتستحي واني مسكينه طيبه وايد مااقدر اقول لها اني مااقدر اسوي لش بتقول لي انتي فاضية ماوراك شي..حرام ماظنيت اخلص دراسه!!

ســــــاعدوني شوروا علي شنو اسوي..