صديقتي جابتلي الهم

السلام عليكم ورحمة الله وبركاته
بختصار ماني فاهمتهاولافاهمه شخصيتها متقلبه كل يوم بنفسيه و انانيييه ومره طيبه لاتساليني ليش تعرفت عليها وصايره صديقتي الظروف خلتني اصادقها جابتلي الهم والحزن وسلبييييييييييييه لاخر نفس وصايره انا سلبيه حتى اني اثرت على اللي حولي وعلى خواتي واهي الله يهداها مخلتني انا اللي تشتكيلها وتفرغ وترتاح وكله يأثر على نفسيتي ماتعرفني الا وقت حزنها بس وقت فرحها ترميني بالطوفه لازم اراعي ظروفها وهي ماتراعيني تبغاني طول الوقت فاضيه ومبتسمه لها واسمع مشاكلها وانا مايهمها حتى لو اختفيت فترات تزعل واحس من اسلوبها الجاف وماتعبرني حتى بالقروب اسلوبها قاسي معي و مشكلتها عندها سوء الظن بالناس تفسر كل شي بكيفها وتعبتني بمشاكلها ونفسيتها ماتعرفني الا وقت المشاكل واهي عرفتني على مجموعه بنات بالدراسه وصرنا قروب حتى بالواتس تغيرت علي وصايرين حاسين بالتغير وتغيرو علي ماصارو يعبروني ولالي اي قيمه مجرد ديكور معهم صح يحترموني بس يعاملوني برسميه مو مثل مع بعضهم حتى لو تختفي وحده منهم يسالو عليها بس انا لو اختفي اسابيع يقعدون يقولون بعض الناس يعطون طاااف وانا جالسه معهم عشانها ..
كيف انسحب منها ومنهم وخايفه لايقولون خذت مصلحتها عشان الدراسه والان تركتنا وكيف انسحب منها اهي بالذات اعرفها ماراح تسكت صحيح ماقولها كل اسراري بس تعرفون لازم تطلع علي كلمه ولاكلمتين مع السوالف لاني اعرف طبعها من النوع اللي يفضح ومايهمها